حياتي الزوجيه بتنهار

عذاب

كاتب جديد

انا متزوجه الي 6 سنين ومن فتره دخلت بنت على حياة زوجي ودمرت حياتي الزوجيه بالرغم من انو اخدني عن حب بس ما بعرف ايه صايرله ويوم عن يوم صار

يهملني ويهمل البيت ولولاد ما بعرف ايا اعمل صار يسب ويغلط ويضرب وتغير كليا ولما احكي معه ما برد وبعدنا عن بعض انا بحبه وهو بحبني بس البنت خربت بيتنا انا معايه 4 ولاد وخايفه اطلع خسرانه بطلب المساعده بكل جديه سالت الجميع وقلولي اصبري بدي غير هالكلمه و بتمنى الاقي حلول معقوله وشكرا ....
 

نزف الروح

كاتب جديد
رد: حياتي الزوجيه بتنهار

أختي العزيزة لازم تدوري على الحل بداخلك انتي

يعني لاتقولي زوجي تغير قولي انا ايش اللي اتغير في

يعني يمكن اولادك بعدوكي عنه او اهتمامك قل فيه

حاولي تغيري من الروتين يلي عايشة فيه

بلبسك بطريقة مكياجك كلامك حولي وقت يجي زوجك تغيري جو البيت خليه رومنسي شوي

خلي العشا تبعكم رومنسي شموع و موسيقى

غيري لون شعرك وقت يجي زوجك على البيت انتظريه عند الباب خليكي اول شي يشوفه وقت يدخل على البيت

و طبعا مع عطر حلو وابتسامة حلوة وانشاء الله بتكون غيمة و بتروح وبترجع حياتكم متل اول
 

ترانيم العشق

كبار الشخصيات
رد: حياتي الزوجيه بتنهار

ليس هناك من رجل يكون على علاقة بأخرى غير زوجته
الا اذا احس بنقص داخل بيته
بمعنى انه في يديك الحل
كما ذكرت نزف الروح
غيري روتين حياتكما
حاولي ان تبهريه بالجديد مما لم يعند عليه
أمنياتي لك بالتوفيق
وطمنينا عليكي
دمت بخير
 

RETARETA

كاتب جيد جدا
رد: حياتي الزوجيه بتنهار

السلام عليكم

بالحقيقة مشكلة صعبة كتير ومنتشرة هالايام

برأيي تحاولي وما تيأسي أنو ترجعي زوجك لبيتك وعائلتو

وخاصة أنو في أولاد بالنص

حاولي تخلي حدا يحكي معو حدا يكون بيمون عليه

يحكي معو بالهداوة وخبري أهلو بالموضوع كمان

وحاولي تشوفي هي البنت وتحكي معها تبعد عنو

ومهما تصرف معك بطريقة خاطئة ما تيأسي

حاولي تشوفي وين مواضع النقص اللي خلتو يدور على غيرك

وتحاولي تتلافيها اهتمي بجمالك وأناقتك بشكل كبير

والله يوفقك يا رب

ان شالله تنحل مشكلتك قريبا

الله يهدي النفوس يا رب

تحياتي
 

matrix.abd

كاتب جديد
رد: حياتي الزوجيه بتنهار

انا ما بقدر قلك شو تعملي لحتى اعرف تفاصيل حياتكم مو هيك الامور مو سهله
بس هيك ساعدوني الامر بيدك اولا واخيرا بجوز انتي بتعملي اشياء منفره منك
ما دخل الحب يا عزيزتي
اول كنتو تحلمو تبنوا حبكم بس الواقع بدد الحلم والزلمه يمكن في شي بداخلو انتي ما عم تفهميه
والزلمه ما بدور بره الا لقي شي مو عندك
عالعموم انا بنت مو شب بس داخله باسم شب
ومتزوجه وعندي ولدين اذا بتحبي اتواصل معك ابعتيلي ايميلك برساله خاصه وانا رح ضيفك عندي ممكن نتساعد انا تقريبا مريت بنفس تجربتك بس صبرت واحتسبت
وانا بالنهايه فزت
 

GARDENIA

كاتب جيد جدا
رد: حياتي الزوجيه بتنهار

للأسف اصبحت هذه الظاهرة منتشرة بكثرة بين الأزواج ليس لعلة في زوجته أو لنقص بل هي عين فارغة ودائما مجتمعنا يلقي اللوم على المراة بالرغم من أنها مظلومة وتعاني ............
واللوم أكبر اللوم على تلك الفتاة خرابة البيوت التي تدخل كالسوس بالخشب لتهشم حياة سعيدة وتشتت اسرة بداعي الحب
عزيزتي لاتسكتي ولا تخنعي بل واجهيه واقلبي الدنيا على راسو وراسها وخليه يعرف انك لست ضعيفة ولست راضية عما يحصل
وهو حر خليه يحصد نتيجة خيانته الزوجية التي لاتغتفر
 
رد: حياتي الزوجيه بتنهار

السلام عليكم جميعا كيف حالكم نشالله تكونو بالف خير والله يجعل ايامكم سعادة وهناء الاخت عذاب ؟؟؟؟
ابعثي شخص ثالث يكون من طرفك وصادق الى زوجك وافهمي منه حقيقة الموضوع او ليش صار هيك ما هو النقص اللذي بدر منك وما السبب اللذي جعل هذا التغيير بينك وبينه وحاولي ان تصلحي ما فات واذا لم تتوصلي لحل فما عليك سوى او ليس امامك خيا ر اخر ؟؟؟؟
وقولي اللي ما يثمنك عوفه ؟؟؟؟؟
 

محمد جرادات

كاتب جديد
رد: حياتي الزوجيه بتنهار

اختي الفاضله لكل فعل رد فعل حاولي ان تحلي مشكلتك بنفسك لانو انا متاكد انو المشكله بداخل بيتك لو انو زوجك ما عندو مشاكل في البيت ما بتزوج وانا ما بقصد المششاكل العائليه كالصراخ والضرب والخ ممكن يكون في اشيا بسيطه بحياتك بس ممكن اتكون ضروريه فرضا استقبليه بافضل الباس وبابتسامه حاولي انك تشعريه بالحنان في اشيا تانيه اعملي تغيير في بيتك كالالوان والديكور بشكل بسيط حاولي انو لو اتزاعلتو انو يكون حدود بيتك غرفة نومك ما تنامي بغرفه تانيه حسسيه انو كل شي بحياتك ذكريه بمستقبل اطفالك وبتحصيلهم المدرسي الجيد حاولي لما اتنامي انو يكون وجهك مقابل وجهو انا بحكي عن اشيا بسيطه بس صدقيني الها فعاليه قويه وربنا يحفظو لالك ويحفظ اولادك اخوكي محمد جرادات- فلسطين
 

عامراندراوس

كاتب جديد
رد: حياتي الزوجيه بتنهار

اول شي كل مشكلة والها حل يااختي ما تزعلي مني بهكلة ...الرجال بحب تكون مرتو مزبطا حلا ومبينتلو انوستها اول بحب يسمع كلة حلوة .. انت يا اختي حالو تحكي معو كانو اول مرة تحكو مع بعض يعني كانكو عشاء وزبطي حالك لائلو روحو اطلعو شي مشوار غيرو جوو وانشا اللة رح تنحل مشاكلن ... وكمان نصيحة من اخوكي ارجعي لربيك وصلي لربك بحااك مشكلتك الله يفك ازمتك يارب ويوفئكم ونسمع الاخبار الحلوة يارب
 

آنفآس آلمطر

كبار الشخصيات
رد: حياتي الزوجيه بتنهار

ابحثي عن ماينقصكِ بين السطور عزيزتي

وصدقيني انتي واولادكِ الصفحة البيضاء في حياة زوجك

وإن لم يدرك ذلك الان ولكن سيصل الى تلك القناعة عآجلآ ام آجلآ
وتلك المتطفلة ستكون بصمة سودآء
ماعليكِ سوى السعي الدؤووب والحكمة في التفكير
وسوف تسترجعي زوجك
تحيتي
 

ريما مسوك

كاتب جديد
رد: حياتي الزوجيه بتنهار

عزيزتي احس بما تحسيه الان
حبيبتي اهم شي انك تكوني صريحه مع نفسك وانا متاكده من هي النقطه تانيا اكيد ((لو هي مقصره مع زوجها ما كانت قاعده عم تطلب رقينا ومساعدتنا )مع احترامي الكن( بس هي الكلمه بتهزلي بدني )لسا الرجال بيغلط ونحن الي مقصرين... لا في احيانا كتيره هاد الشي بكون بدون ما يجي تقصير من المراه حبيبت قلبي انت واسقه من انك ما لك مقصره بشي صح ؟المرحله التانيه واجهي يلي دخلت على حياتك واجهي زوجك والصراحه اهم شي عدي مع زوجك وقليلو شو يلي زاعجك مني وطووووولي بالك قد ما تقدري والله بعينك لانو اكيد رح تنحمي وانت عم تحاكيه حاسه فيكي انا مرقت بنفس الشي والله لما (واجهتن زبطت الامور) وانت اعرف بالتفاصيل يلي بيناتكن ودائما لا تتظاهري بالضعف لانو حبيبتي في رجال ما بتقدر الله لا يبلينا لما بشوفوكي هيك بيستوطو حيطك والحب يلي بقلبك لا تخبيه اظهريه وخلي يكبر واهم اهم شي خلي صلتك مع رب العباد قويه وانشاء الله انشاء الله الله ح يوقف معك يا قلبي
 

Oo~jreeh~oO

كاتب جديد
رد: حياتي الزوجيه بتنهار

السلام عليكم ورحمة الله وبركاته
انا قرات كل الردوود
وباسف على رد عضو اخد الموضوع بضحك
لانو الموضوع اكبر من هيك


الاخت عذاب
في نوعين من الرجال
نوع عينو برا على طول
وهاد النوع من الرجال ما في من النقاش معو فايدة
اذا كان زوجك من هالنوع للاسف ما حدا رح يغير بتفكيرو
وما بقلك الا الله يكون بعونك على المسؤلية يلي رح تتحمليها وحدك
مسؤالية الاولاد طبعا

وفي نوع تاني من الرجال ما بينضر بعينو برا الا اذا كان في نقص داخل بيتو
واذا كان زوجك من هالنوع بتكون المشكلة بسيطة جدا
اهتمي بنفسك اكثر
غيري من الروتين
الحل بيدك
ولمعلوماتك انو لما الزوج يحس انو اسرار البيت طلعت برا البيت بزيد عنادو
يعني الحل بهالحالة عندك
عندك انت بس
بداخلك
بطريقة تعاملك معو
انا بنصحك لا تحكي مع اي حدا من اهلك او من اهلو عن هالموضوع
خلي هالموضوع سر من اسرار البيت
وبالنهاية بتمنالك حياه طيبة
تحياتي لك[/size][/size][/color]
 

houssam80

كاتب جديد
رد: حياتي الزوجيه بتنهار

السلام عليكم و رحمة الله و بركاته

أختي الله يصبرك و أنا بشوف أنسب حل تقعدي مع البنت و أهلا لأن أكيد أهلا ما يرضو بهالشي أو يمكن ما عندهم علم و خلي دايما ببالك انو تتمسكي بزوجك لأن في أولاد بالنص و ممكن حياتهم تتحول لجحيم في حال لا قدر الله صار شي ....
بتمنى توصلي لح يرضيكي
 
أعلى