لسانك حصانك موضوع للنقاش !

[LEGENDS]

السلام عليكم ورحمة الله وبركاته ​

مساكم و صباحكم رضى من الرحمن ​

اخواني و اخواتي بتمنى تتفاعلو بالموضوع​

لأني رح اتناول قضية بنعاني منها كلنا و الاسئلة موجودة بالاسفل​

بدكن تعرفو شو القضية​

يلا نشاهد سوا​

ــــــــــــــــــــــــــــــ
الاسماء و الشخصيات الواردة بالمشاهد لا تعبر عن اشخاص وانما هي من محض الخيال​

المشهد الأول​

آكشن :OSMILEY:​

محمد الأحمد موظف يبلغ من العمر 40 عاماً
متزوج ولديه من الاولاد 3​

محمد في الصبيحة و يرتشف فنجان القهوة​

محمد : السيارة تعبتني و كل يوم بدها تصليح​

زوجته : خلص بيعها قديمة كتير و بتكلف تصليح اكثر من سعرها​

محمد : وهو كذلك انشاالله بهل اليومين​

ببيعها و بس تتيسر الأمور بشتري غيرها​

زوجته : الله يوفقك يا رب​

بعد اسبوع ​

محمد يترجل سلالم المنزل و يشير بيده لسيارة الاجرة ​

وفجأة يظهر له جاره معتز​

معتز : صباح الخير يا جار ​

محمد : صباح الخيرات اهلاً و سهلاً​

معتز : خير جار على غير العادة من فترة و بشوفك بتركب بالتاكسي​

محمد : اي والله يا جار بعت السيارة ​

معتز : خير خير يا جار و ليش بعتا ​

محمد : يا اخي هلكتني انشاالله بشتري غيرها​

معتز : انشاالله جار موفق​

ويذهب محمد الى عمله اليومي كالعادة​

من بعد يومين معتز في مقهى الحي و بيده النارجيلة برفقة صديقه خلدون​

معتز : من يومين حكيت مع جاري و الي انو باع السيارة​

خلدون : و ما ألك ليش باعها ​

معتز : مبلا حكالي بدو يشتري غيرها ​

خلدون : كزاب​

معتز : شو بتحكي يا رجل ؟؟​

خلدون : باع السيارة ليطلع ابنو من السجن بعد ما ضرب صديقو بالجامعة​

معتز : لا حول ولا قوة الا بالله ما توقعت جاري محمد يكزب عليي mg:​

و من ثم يومين حين يلتقي معتز باخوه سامي​

معتز : مرحبا سامي كيف حالك​

سامي : الحمد لله اخي .​

معتز : دريت شو صاير بالحارة من يومين​

سامي : لأ اخي .​

معتز : جارنا محمد باع سيارتو ليطلع ابنو ​

من السجن بعد خناقة مع صاحبو بالجامعة​

سامي : لأ انا سمعت غير شي​

معتز : شو سمعت ؟​

سامي : حكولي جماعة جارنا محمد باع سيارتو لحتى يعطيها متأخرها لزوجتو بعد ما طلقها
ــــــــــــــــــــــــــــــــــــ​

المشهد الثاني ​

آكشن :OSMILEY:​

سعاد فتاة تبلغ من العمر 35 عاماً​

غير متزوجة و تعمل في احد الدوائر الحكومية​

كَ العادة سعاد تتوجه الى عملها الصباحي بنشاط​

و من على شرفة المنزل تراها ​

ام عبود و ام محمود​

ام عبود : شوفي شوفي مين هيدي​

ام محمود : اي هيدي جارتنا سعاد​

ام عبود : حلوة كتير ما شاء الله عنها دخلك هيي متزوجة ​

ام محمود : لأ مش متزوجة​

ام عبود : وليش ما تزوجت لهلأ​

ام محمود : حكولي جماعة بس حلفوني ما احكي
بس لولا غلاوتك عندي ما بحكيلك
آل هيدي سعاد كانت بتحب شخص و بعد ما
تركها حلفت انو ما تتزوج بعمرها كلو​

ام عبود : شو هيدي ما بتناسبني ولا بتناسب جيرتي !​

خلينا نكمل القهوة :in love:
،،،،،،،،،،،،،،،،،،،،،،،،،،،​

في الشرفة المقابلة تجلس ​

ام حسان و ام عماد ​

ام حسان : مين هيدي الي مرئت من حدنا​

ام عماد : هيدي جارتنا سعاد​

ام حسان : حلوة ما شاء الله عنها ؟​

ام عماد : اي ؟​

ام حسان : متزوجة ولا لسه عزبة؟​

ام عماد : لأ لسه عزبة​

ام حسان : وليش ما تزوجت لهلأ ؟​

ام عماد : بيحكو ان مرة مسكوها مع ابن الجيران ​

بالسيارة فا لهيك محدا بيخطبها ولا يتزوجها​

اخواني واخواتي من الحديث و المشاهد يلي انشاالله
كون وفقت بطرح الفكرة يلي بدي اوصلها و نتناقش فيها انشاالله !​

خلينا مع الاسئلة​

ماذا تسمي هذه الظاهرة ؟​

الآن لو اخبرك احد الاشخاص عن شخص ما
ما هي ردة فعلك هل تصدق الخبر ام تكذبه ؟​

في حين قابلك شخص و يتحدث
عن شخص آخر بشيء سيء
هل تنجر معه بالحديث و تأتي ما عندك
ام تستمع اليه و لا تبالي ؟​

ما هي سلبيات هذه الظاهرة بنظرك ؟​

لو سمعت احد الاشخاص يتحدث عنك بالسيء
ما هي ردة فعلك ؟​

برأيك ما هو الحل للابتعاد عن هذه الظاهرة ؟؟

يلا خلينا نسمع آرائكون :SnipeR (69):​

 

رواتب الإطفاء في الكويت

اسعار هدايا التيك توك

مخالفات المرورالكويت

عدد المتابعين للربح من لايكي

مراسلة الفيس بوك

[وتمضي الذكرى]

رد: لسانك حصانك موضوع للنقاش !

[align=center][table1="width:95%;"][cell="filter:;"][align=center]
والله يااخي الناس بتحكي كثير واذا كل ماواحد حكى قصة رح نصدقا اكبر مصيبة
اول شي لازم نتاكد ومانصدق اي شي بينحكى قدامنا وخاصة من النساء
لان كثير بيزيدو على القصص وبيبهرو الكلام بشكل مو طبيعي
عادة الثرثرة جدا سيئة
ولكن ماذا نقول لاصحاب الفضول
موضوع رائع شـكــ وبارك الله فيك ـــرا لك ... لك مني أجمل تحية .
[/align][/cell][/table1][/align]

 

[خيوط الشمس]

رد: لسانك حصانك موضوع للنقاش !

[align=center]
اللسان سلاح ذو حدين إما أن سير بنا لطريق الخير أو طريق الشر

فكم من إنسان أفسد عمله يوم فسد لسانه وساء منطقه واختل لفظه

فعلينا أن نحسن استعمال لساننا ونتحكم فيه وإن لم نحسن ذلك فالصمت أفضل

ورب كلمة هوى بها صاحبها في النار على وجهه أطلقها بلا عنان وسرحها بلا زمام وأرسلها بلا خطام

شكرا جزيلا لك
دمت ذخراً للمنارة
خيوط الشمس
[/align]

 

[GARDENIA]

رد: لسانك حصانك موضوع للنقاش !

ماذا تسمي هذه الظاهرة ؟​

نميمة وكذب

الآن لو اخبرك احد الاشخاص عن شخص ما
ما هي ردة فعلك هل تصدق الخبر ام تكذبه ؟​

أتجاهله بصراحة ماكتير بتهمني تفاصيل حياة الاخرين

في حين قابلك شخص و يتحدث
عن شخص آخر بشيء سيء
هل تنجر معه بالحديث و تأتي ما عندك
ام تستمع اليه و لا تبالي ؟​

بحاول اغير الحديث باتجاه آخر

ما هي سلبيات هذه الظاهرة بنظرك ؟​

هذه الظاهرة مع الأسف قبيحة جداتؤدي الى تشويه سمعة الشخص
والحاق الأذى به وبمن حوله

لو سمعت احد الاشخاص يتحدث عنك بالسيء
ما هي ردة فعلك ؟​

بحاول أعرف ليه عم يتصرف هيك وبيسمع كلمتين يليقو فيه
طرح رائع هاني لأن هذه الظاهرة آفة خطيرة منتشرة بمجتمعنا وكأنه ليس للناس هم وشاغل سوى غيرهم
الله يصلح الأحوال

 

[LEGENDS]

رد: لسانك حصانك موضوع للنقاش !

[align=center][table1="width:95%;"][cell="filter:;"][align=center]
والله يااخي الناس بتحكي كثير واذا كل ماواحد حكى قصة رح نصدقا اكبر مصيبة
اول شي لازم نتاكد ومانصدق اي شي بينحكى قدامنا وخاصة من النساء
لان كثير بيزيدو على القصص وبيبهرو الكلام بشكل مو طبيعي
عادة الثرثرة جدا سيئة
ولكن ماذا نقول لاصحاب الفضول
موضوع رائع شـكــ وبارك الله فيك ـــرا لك ... لك مني أجمل تحية .
[/align][/cell][/table1][/align]

اهلاً و سهلاً بك اخي و تمضي الذكرى

منورنا عن جديد

الثرثرة ليست للنساء فقط و لكن ايضاً اصبح الجنس الخشن يملي وقت فراغه بالحديث عن ذاك او تلك !!

ولكن ما هو برأيك الحل للابتعاد عن هذه الظاهرة ؟؟؟

انتظر تفاعلك و تحياي لك

 

[رحيق الزهور]

رد: لسانك حصانك موضوع للنقاش !

[align=center][table1="width:95%;"][cell="filter:;"][align=center]
طرح مميز ورائع
يعطيك العافية
طبعا
لـــي عــودة
[/align][/cell][/table1][/align]

 

[نرمين]

رد: لسانك حصانك موضوع للنقاش !

هلاء صراحه لو الى حكى عنى شى سىء وهالشخص ما بهمنى ما بهتم اصلا ولا بلتفت لاله اما اذا هالشخص كان شخصيه عزيزه على وسمعته بيحكى عنى بسىء موقف تانى اما انى اناقشه واعرف منه ليش لو كان لشى بدر منى فعلا وغلطت بحقه ساعته موقف تانى او يكون عزيز على بس حكى عنى بسوء لسوء فيه وباخلاقه وغيره وحسد ساعته بشيله من حياتى نهائى وما بعتبره شى لانه حكى عنى بشى مو فينى ولا تصرفته معناها مو جدير يكون من المقربين بحياتى اما عن سؤالك اذا سمعت حدا حكى عن شخص بسكته بطريقتى وما بصدقه طبعا لاسمع من الطرف التانى تحياتى هانى لطرحك

 

[black_rain]

رد: لسانك حصانك موضوع للنقاش !

موفق بإذن الله ... لك مني أجمل تحية .

 

[LEGENDS]

رد: لسانك حصانك موضوع للنقاش !

[align=center]
اللسان سلاح ذو حدين إما أن سير بنا لطريق الخير أو طريق الشر

فكم من إنسان أفسد عمله يوم فسد لسانه وساء منطقه واختل لفظه

فعلينا أن نحسن استعمال لساننا ونتحكم فيه وإن لم نحسن ذلك فالصمت أفضل

ورب كلمة هوى بها صاحبها في النار على وجهه أطلقها بلا عنان وسرحها بلا زمام وأرسلها بلا خطام

شكرا جزيلا لك
دمت ذخراً للمنارة
خيوط الشمس
[/align]

ورب كلمة هوى بها صاحبها في النار

وكأن المسلم يأكل لحم اخيه المسلم

عادة طغت على مجتمعنا


شكراً لمرورك العطر خيوط

تحياي

 

[Dream_Rose]

رد: لسانك حصانك موضوع للنقاش !

موفق بإذن الله ... لك مني أجمل تحية .

 

[آنفآس آلمطر]

رد: لسانك حصانك موضوع للنقاش !

[ALIGN=CENTER][TABLE1="width:95%;background-color:burlywood;border:10px ridge sienna;"][CELL="filter:;"][ALIGN=center]
الثرثرة فعلا باتت وبااء خطير
وغير مقترن بالنساء
على العكس باتَ الشبان يثرثرون اكثر
وعلى كل الاحوال طرح جدا جميل عاني
وبالنسبة لي اكيد احاول ان اسمع من الطرف الاخر
ومن ثم احكم
واحاول ان اتمعن جيدا وأبحث عن الدوافع التي قادته للحديث عني او عن غيري امامي
وفي النهاية الثرثرة مرض وآفة قميئة
تحية لك ولطرحك
صراحة كتير الحكي بهيدا الموضوع حاسة اني رح تم احكي للصبح
الافضل اطلع :grin:
[/ALIGN][/CELL][/TABLE1][/ALIGN]

 

[ترانيم العشق]

رد: لسانك حصانك موضوع للنقاش !

ماذا تسمي هذه الظاهرة ؟

اكيد غيبة ونميمة وكذب

الآن لو اخبرك احد الاشخاص عن شخص ما
ما هي ردة فعلك هل تصدق الخبر ام تكذبه ؟
بحاول ابحث واتاكد..لو كنت معنية
لو ما كنت معنية...بطنش كلامه
وبئلو والله عيب
خاف ربنا

في حين قابلك شخص و يتحدث
عن شخص آخر بشيء سيء
هل تنجر معه بالحديث و تأتي ما عندك
ام تستمع اليه و لا تبالي ؟
بغير الموضوع راسا

ما هي سلبيات هذه الظاهرة بنظرك ؟
لها سلبيات عديدة
منها
اكتساب الاثم والسيئات بدل الحسنات
تشويه سمعة الناس بدون حق
الحاق الضرر والاذى بالغير
وغيرها الكثير

لو سمعت احد الاشخاص يتحدث عنك بالسيء
ما هي ردة فعلك ؟
بحطلو حد اكيد

برأيك ما هو الحل للابتعاد عن هذه الظاهرة ؟؟
اول شي الخوف من ربنا
تاني شي تنمية الوازع الديني
تالت شي الابتعاد عن الاشخاص النمامين
والسيئين

طرح قيم هاني
بتشكرك عليه
وبعطيك تقييم كمان
كن بخير ​

 

[RETARETA]

رد: لسانك حصانك موضوع للنقاش !

هي الظاهرة اسمها نميمة وطول لسان

إذا قابلت حد وحكالي عن حد تاني كلام مو منيح

أكيد ما رح صدق بس بروح بسأل الشخص التاني

وبحذرو من الشخص اللي بيحكي عليه

وإذا حد حكا أدامي عن حد تاني ما بشاركو بالحديث

بالعكس بتجاهل كلامو وبفهمو بطريقة مباشرة أو غير مباشرة

أنو يغير الحديث والسيرة

الحل لهيك ظاهرة غير موجود لأنو في بعض الناس

مفطورة على كتر الحكي وما بينفع معها لا دواء ولا عقاب

يعني طبعا هيك

لكن يكفي أن ينطلق كل منا من نفسه

(( أيحب أحدكم أن يأكل لحم أخيه ميتا فكرهتموه ....))

مشكور على الموضوع المهم

بالفعل مشكلة حكي الناس ما حد خالص منها وخاصة البنات بمجتمعنا

لكن واثق الخطوة يمشي ملَكا ولا يهتم للغو والكلام الفارغ من الناس الفارغين

تحياتي أخ هاني على الطرح القيم

 

[NoOoOga]

رد: لسانك حصانك موضوع للنقاش !

ماذا تسمي هذه الظاهرة ؟

النميمه وكمان القال والقيل الزايد والاشاعات .​

الآن لو اخبرك احد الاشخاص عن شخص ما
ما هي ردة فعلك هل تصدق الخبر ام تكذبه ؟

صعب اني صدق شي عن شخص غير ما اتاكد من هالشي وخاصه هلاء

لاني انقرصت كتيير بهالموضوع انه يخبروني شي عن شخص ويطلع هالشي كله كزب.

​

في حين قابلك شخص و يتحدث
عن شخص آخر بشيء سيء
هل تنجر معه بالحديث و تأتي ما عندك
ام تستمع اليه و لا تبالي ؟

ما رح اسمع شي مو كويس عن شخص حتى لو كان بحكي عن شي حقيقي

لاني ما بحب اسمع شي ما بخصني ولا رح استفيد منه .​

ما هي سلبيات هذه الظاهرة بنظرك ؟

هالشي غلط وكبير كمان وخاصه انه شفنا من خلال القصتين انه

الاشخاص ما بتنقل الشي صح عم تنقل شي ما صار عم يكون مجرد اشاعات ما الها اساس من الصحه

وهالشي اكيد غلط لانه عم يطعن بكتيير ناس يمكن يكونو ما في اشرف منن ولا احسن من اخلاقهن .​

لو سمعت احد الاشخاص يتحدث عنك بالسيء
ما هي ردة فعلك ؟

اكيد رح ازعل وكمان ما احكي معه لاني صعب اتحمل هيك شي واكيد ما رح احكي معه

لانه بيحكي عني شي مو كويس .​

برأيك ما هو الحل للابتعاد عن هذه الظاهرة ؟؟

ما ننقل الحكي اللي عم نسمعه ونتركه مكان ما اسمعناه لحتى

يضل كل شي بخير وما اتحمل زنب شخص وانقل حكي مو صحيح

يعني وقت كون مع شخص ونحكي عن شي خاص فيه مو ضروري انقله وازا

حد سألني عن هالشخص انقل الحكي متل ما هو حكاه مو احكي شي غلط

ومو صحيح ابدا يعني مجرد حكي واشاعات على اشخاص .

عزيزى هانى المميز دائما عم تختار الشي والمواضيع الرائعه

يعطيك الف عافيه على روعه اختيارك وتميز طرحك

تقبل وجودي بصفحتك المميزه

دمت ِ بكل ود واح ــترام ومح ــبة

ِِ نوجــــا ِِ
​