1_الغريبيه التقليدية
المقادير.....كيله سمن من الافضل نوع المدينه_3على4 كيله سكر ناعم_و فرينه
التحضير......للحصول على المقدار الصحيح من السمن لازم تدوبي الكيل ثم تخليه يبرد تماما ثم تخدميه جيدا مع السكر حتى يبياض الخليط و تشيحي بالفرينه
التشكيل........يمكن تشكيلها ب المحقن او (اللمبوط )(كيس الحلواني)او على شكل حربوش و تقصي معينات و تزيني بالفرشيطه و الى الفرن
ملاحظة ........للتخلص من نكهة السمن و كفكرة جربتها و نجحت زيدي قشور الليمون او البرتقال و الله نتيجة روعه او حتى اضافة شيكولا غبرة الخاصة بالحليب نوع تويسكو..لا تبالغي في طهو الحلولى و الا نزلت
2_الغريبية العاصمية
المقادير........3كيلات فرينة\1 كيلة سكر مسحوق(ناقص اصبع)\1 كيلة زيت
التحضير .......بنفس الطريقة السابقة
التشكيل.....شلكي كريات و بعد اخراجها رشيها بالقرفة
3_غريبية ب الفستق
المقادير....3 كيلات فرينة\كيلة زبدة\كيلة سكر رطب ناقصه ربع\مغرف قهوة فاني مركزة\ فنجال فستق مرحي\حبات فستق كاملة للتزيين
التحضير....اخدمي مليح الزبده مع السكر حتة يدوب مليح .ضفي الفاني و الفستق و شيحي ب الفرينة
التشكيل ....شكلي كويرات صغيرة و اضغطي عليها قليلا و زينيها من فوق بالفستق(3انصاف)
4_غريبيه بالنشاء
المقادير....250غ فرينة\100غ نشاء\100 غ سكر ناعم\125غ زبدة\2فاني\قرصه ملح
التحضير....اخدمي السكر و الزبدة مليح.ثم ضفي لا فاني و اخيرا انخلي الملح مع الفرينة مع النشاء حتى تتلم
التشكيل...فرشي المونات في مول طويل مقاس20\30 بعد دهنه و الى الثلاجه ل 15د
التزيين....بعد الطهو رشي الغريبية ب50غ سكر مع 2فاني و قصيها وربعات
5_ غريبية ب الجوز
المقادير...250غ فرينة\250 غ زبدة طراف\100 غ جوز مرحي\100غ سكر ناعم\50غ شيكولا قطع \ملح\ربع كيس خميرة\بيضة
التحضير.....اخدمي السكر و الزبدة ثم زيدي البيضة.الجوز.الشيكولا ثم الفرينه و الخميره و الملح
التشكيل ....شكليها كرات و اعملي ثقب ف النص و ضعي قطعة من الشيكولا و الى الفرن
