هدير محمد نصر
كاتب جيد جدا
اسم الطبق | السماقية |
الوصف | أطباق شعبية |
المطبخ | فلسطيني |
إعداد | بسمات المدينة |
المقادير: |
1- ربطة سلق . 2- لحمة مقطعه الى قطع مربعة ومتوسطة الحجم. 3- ثلاث بصلات حجم كبير أو أربعة. 4- حمص حب ينقع قبل بليلة ويسلق غدا نص سلقة حسب الرغبة. 5- فلفل أخضر أو شطة . 6- ملعقتين كبار عين جرادة ناشفة. 7- فصوص ثوم حسب الرغبة. 8- طحينة حمرا. 9- كوب سماق حب. 10-عدد 2 ملعقة كبيرة طحين 11- ملح وزيت. |
طريقة التحضير: |
– أولا بنجيب السلق و بنضممه ضمم صغيرة و بنقطع العروق و بنخرطه ناعم . – نصيحة مهمة: علشان نغسل السلق منيح بننقعهم بجاط فيه ماء لمدة عشر دقايق رح نلاحظ أنه الرمل ترسب في القاع و بعدين بنغسله كمان مرة و بنصفيه من الماء. – تفرم البصلة فرما متوسطا، ثم يقلب البصل بالزيت على نار متوسطة حتى يصبح لون البصلة ذهبيا وتذبل. – بعد ان تذبل البصلة نضع اللحم المقطع قطعا صغيرة والمسلوق مسبقا فوق البصل بدون(شوربة اللحم)، ونحرك قليلا…بعدها نضيف اليهم الحمص المسلوق. – نضع السلق فوق اللحمة و الحمص و البصل و رح نلاحظ أنه السلق كثير نافش بس مع التقليب على النار رح يكش ويبين قليل..بنضل نقلبة و بنسكر الطنجرة. – ينقى السماق في حلة ويضاف إليه الملح ولتر ماء، ويوضع على نار حتى يغلي جيدا ونتركه حتى يبرد ونعصره حتى ينزل عصارته و حموضته منه. – بعد ذلك يجب أن يصفى السماق في المنخل الناعم في إناء ونأخذ ماء السماق (ونرمي الحب)بعد ما كنا عصرناه حتى نأخذ الحموضة من حبوبه. – ثم ندق الجرادة مع الملح والفلفل والثوم. – بعد ما ندقهم منيح نضعهم فوق السلق والحمص بعد ما يكونوا استوا على النار ونقلبهم جيدا. – بعدين بنضيف الطحينة الحمرا على خلاصة عصير السماق بالاضافة للدقيق.(ممكن بالبداية نضيف الدقيق لعصير السماق فقط والطحينة الحمرا بالنهاية منصير منسكبها فوق الطنجرة تدريجيا) -منضل نضيف طحينة حمرا حتى يصيروا متل المستحلب جميل اللون. -بعدين منضيف الخليط على السلق و اللحمة و الدقة اللي على النار ومنحركهم بشكل جيد. -و بعدين بنعقدها على النار لما تغلي منيح . – أخيرا بنسكبها بصحون. |
