معزوف الناي
كاتب جديد
قصيدة بعنوان : إحترامي .. للحرامي!!
بتاريخ : 23 - 10 - 2010م
آآآه باقوني يضابط واشتكي لك عَل لي بايِق
أغلى ما أملك فقدته لنّه باقه هالحرامي
قَل لي : إهدأ واوصفه لي شنهو خلقه امن الخلايِق؟
قلت له : لو أوصف جماله ما تصدق كل كلامي
ساحِره اعيونه و سحرني وسِنّه في سِنِّ المراهِق
وصوته ناعم من سمعته زاااد فيني ابتسامي
له سوابق؟ إي نعم له في السحر وش قد سوابِق
يامه جر الناس حوله وآنا مِنهُم خذ هيامي
سأل اشباق؟: ذهب امك؟ مال؟ لو ارض او وثايِق؟
قلته له : شي اغلى يضابط شي يِخِل مشيَت نظامي
استغرب ايريد ايتِعرف ويِكشف ابفنه الحقايِق
ورادني أهدأ وقال إنه بِنَوّر لي ظلامي
قلت له : هالباقه فؤادي كيف تبي حالي رايِق؟
وقلت له : بِتْرَجِّع لي قلبي لو أوكل لي محامي؟
قال : لو أوعدك ارجعه آآنا جداب اوومنافِق
بايق القلب اقوى من دوله وحكومه ودمه حامي
يعني ما في حل يضابط؟ منهو عني السانه ناطِق؟
القضايا العاطفيه قال الي :(ماهي التزامي)
والصراحه هل لي باقك ريته حق نبضاتي بايق
روح حقه ومني وصِّل كل تحياتي وسلامي
ولا تِبِعده عن عيونك لا ثواني ولا دقايِق
هذا كنزك يا عزيزي قدره لازم يبقى سامي
إحمد الله في أحد حباك والقلبك جه سارِق
آآنا ضابط واحترامي ينهدي حق هالحرامي
بقلم : معزوف الناي
