معزوف الناي
كاتب جديد
قصيدة بعناون : وحشتيني وما أجامل
بتاريخ : 18 - 10 - 2010م
من أقول إنج وحشتيني تقولي لي تجامل
ما دريتي الشووق يلفيني ولو إحنه سويه
لا تلوميني من اسمع حسج و أمدح واغازل
لنّه شوقي شووق (يعقوبي) ومعروف الهويه
تصدقي إني خايف افرح!!؟ وهالفرح يصبح لي طايل
خوفي يوحشني الحزن ويه الدموع المنجريه!!
ودي أمدح في جمالج وخاطِري حقج أسايل
أمج اتنست في حملج ابعسل؟ لو شالقضيه؟
لا تقولي (لا تبالغ) الحلا ابوصفج يحاول
يوصل الحد الحواري وهذا في نظرة عِنَيّه
شهالجمال الساحر اللي خله إلهامي يواصل
كتبة اشعارة الفصيحه وهم معاها النبطيه
رايد أبني من جديد (الحب) ومووو حاصل مقاول
ومن عرفتج إنبنى حبي و أنواره الضويه
وهالعِشِق ما بِنهدم لو صابته كل الزلازل
لنّه حبي وكل غرامي لج أساساته قويه
رايد ادرس (حاء وباء) واطلع أنا إمن الأوائل
والله بتشوفيني متفوق وجربيييني شُوَيّه
رايد ادرس في صفوفج لو أجي امقدِم منازل
ومائه من مائة ابتظل لي نسبتي المئويه
قولي عني امسمي نفسي (روميو) في حبه الي هايل
ليه ما طوووفه في عشقه وأرتقي للعالميه؟
إي .. أبشهر روحي إبج وبفتِعِل كل المشاكل
بمزج الحب بالسياسيه و بالقضايه الطائفيه
أدري مجنون ابكلامي وأدري مانه ابحبي عاقل
لنّه حبي جاهلي ومعروف (حب الجاهليه)
بيدري كل العالم ابي من بلادين وقبايل
إني عاشق واني واله ومستخف في آدميه
(هالله هالله) لا تقولي هذا حبي وما أجامل
إنتي رديتي لي الحب ولي رفعتي المعنويه
الله أوهبني غرامج و من صفاة الباري ..(عادل)
ومن صفاته يجزي عبده وإنتي كنتي لي هديه
بقلم : معزوف الناي
