قصص من الوقع الحلقة(2)

روووح الحب

Well-known member
[align=center][table1="width:95%;background-color:chocolate;border:6px outset green;"][cell="filter:;"][align=center]
http://www.youtube.com/watch?v=HjRJn1zXn-8

السلام عليكم أغلى ناس على قلبي سكان الكوكب المعمور بالحب
واخيرا منرجع لنكمل قصص من الواقع مبارح وصلتني رسالة من ؟؟؟؟ عمتحكي عن حالة غريبة كتير والله
حتى تأثرت انا فيها والله يلا من غير مئدامت هي البنت المسكينة عمتشكي ئصتها
اسمها طبعا الوهمي حياة
حياة بنت حلوة كتير بمشاعرها وكتير واضحة بكل خطواتها
حياة كانت عايشة ئصة حب ومرة فترة وصار انفصال بينها
وبين حبيبها تركها بعد ما دخل جوى روحها
​


طبعا متل ما حكتلي حياة انو لظروف قاهرة تم الانفصال ومرة
فترة وتعرفت حياة على فارس ​

هاد فارس كان شب طيب كتير من ناحية الاخلاء وكل شي
تعرفت عليه ومرة ع مرة تعودو ع بعض كتير البنت الي اسمها
حياة صارت مع مرور الايام شمس فارس الي تخلئ من خلف
البحر
وأعترف فارس لحياة بحبو الها تفاجئت حياة وئالت​

لفارس ليش بحسك مستعجل بكل كلامك وصريح بسرعة
بأعترافاتك ​

حكالها فارس يا مجنونة انتي ئلبتي حياتي مش حلوة الحياة بلا جنون ومش حلو الحب الهادي ​

مابدي نام ولا بدي يضيع الوئت ​

ئمت حكيتلا لحياة واووو​

ممتاز باينتو هالزلمة بيحبك كتير يا حياة لا تضيعيه من ئيدك
بنوب طيب وانتي شو ئلتيلو يا حياة ​

حياة : انا حكيتلو حدك وراك انا متل الحرامي بسرئ نظرة​

بخاف ئلك بحبك بخاف اخسرك ​

بخاف يصير في بالمستئبل كلمة لاء لو فيي أصرخ وخلي العالم كلو يعرف بحبك ما بحبك بحبك بس ما بتعرف ​

ما بتعرف شو بحس لما نهار بيمرء وما بشوفك ولا مرة سمعت ئلبي ولا مرة بس يا فارس صعبة انسى حبيبي الي راح ​


انا مافيني حبك انت اغلى انسان بحياتي بس سامحني خلينا نكون رفئة صحاب بس حب صعبة علي​

يؤؤ ئمت ئاطعتها وبسرعة عجلت بالحكي ئلتلا شو هالحكي حياة هاد اسمو حب معئول ليه رفضتيه ​


طب شو جاوب فارس لنشوف شو ئال لحياة​

فارس: لا يا حياة أنا بحبك أنا خيالك وأنتي شايفتيني خيال انا
بحياتك ولا بحياتك رح تعرفي ئديه بحبك ​

أكتر من هيك ما بئى فيني احكي ​

أووووف شو هاد الي سمعتو يا خطي وياحرام ويا ويلي من​

هالمجنونين​

وعلى مين بدنا نزعل ع فارس الي حبها بجد في اخلاص ع ​

هوى وصف حياة الو \
ولا على البنت المسكينة حياة الي كتير مئهورة ما ئدرت تعطيه ​

مششاعر الحب رغم انو حاسة روحها مزوعة فيه ​

بس مانها ئادرة تنسى حبها الئديم الي مالو رجعة وهي اكيدة من هالشي ​

ئلت لحياة انا سؤال حيرها ما جاوبتني عليه وبدي منكن يا ​

غوالي انتو تجاوبو عليه ​

سئلت حياة: هلئ فهمت من كلامك يا حياة انو مابئى في امل من رجعة الحب الئديم ​


وبنفس الوئت ما في امل من انك تئدري تحبي الشب الجديد ​

بس أكيد معنى هالحكي انو رح تتجوزي جواز تقليدي ​

طيب لو تتزوجي فارس ع الئليلة ضامنة انو بيحبك وعارفة كل
شي عنو مو أحسن ما تتزوجي واحد لسا رح تتعرفي عليه ​

ولسا بدك تحاولي تفهميه وتجربي احساسك ناحيتو حياة ما ​

جاوبت ع هالسؤال وطلبت المساعدة ​


بدي اعرف رئيكون سكان كوكب المنارة وشو رح تئدمو نصح لحياة شو ممكن تسوي ​
[/align][/cell][/table1][/align]

شكرا كتير الكون كونو بخير وكونو سعداء ​
 

زهرة الاوركيد

مشرف سابق
رد: قصص من الوقع الحلقة(2)

القصه ما بدا تفكير راح حبها القديم
لازم تبلش حياتها من جديد
وتنسى انو حبت
لانو بالاخير رح تتزوج
فتتزوج واحد بيحبا احسن الها

هيك رايي
 

روووح الحب

Well-known member
رد: قصص من الوقع الحلقة(2)

القصه ما بدا تفكير راح حبها القديم
لازم تبلش حياتها من جديد
وتنسى انو حبت
لانو بالاخير رح تتزوج
فتتزوج واحد بيحبا احسن الها

هيك رايي


اي وانا هيك عمئول زهرة الاوركيد
مالازم نضل اسرى بحب راح
لازن نفتح ئلبنا للحب الجديد
ونتعايش معو شي لا مفر منو
يسلمو نورتي​
 

آنفآس آلمطر

Well-known member
رد: قصص من الوقع الحلقة(2)

اكيد انا مع ان تبدأ حياة جديدة
وتعيش لحظآت الحب من جديد

رووح الحب بدي هنيك على جمال السرد

والكلام باللهجة السورية جدا طالع جميل
يارب كل الاعضاء يحسنو فهم اللهجة
تحيتي الك
ونهارك سعيد
 

روووح الحب

Well-known member
رد: قصص من الوقع الحلقة(2)

اكيد انا مع ان تبدأ حياة جديدة
وتعيش لحظآت الحب من جديد

رووح الحب بدي هنيك على جمال السرد

والكلام باللهجة السورية جدا طالع جميل
يارب كل الاعضاء يحسنو فهم اللهجة
تحيتي الك
ونهارك سعيد

بشكرك كتير أنفاس المطر
على رئيك وانا معك كمان وانشاء الله حياة تاخد بهالنصح
وبشكرك ع كلامك الجميل ايضاً
كوني بخير دائما
تحياتي​
 

مواضيع مماثلة

أعلى