سطو مسلح ( متجدد) الحلقه الاولى????

[عاشقة الاحزان]

​

​

سطو مسلح​

​

الحلقه الاولة​

​

…………..​

​

أمير / يخرب بيتك ياحصوة ياغبى هو الواحد مايعرفش يعتمد عليك فى أى حاجه كل ده تأخير​

​

حصوة/ صباح الفل ياكبير​

​

أمير / انت كنت فين ياغبى بقالك ساعه بتشترى قلم ​

​

حصوة / الله أعمل إيه بس ياريس ما أنا رحت المدرسه لإبن خالتى علشان أستلف منه قلم لقيته هربان ومش حضر أصلا​

​

ففضلت بقه مستنيه يحضر علشان أخد منه القلم ​

​

أمير / يخرب بيتك​

​

يابنى أدم مش أنا مديك جنيه ماشترتش بيه ليه من أى مكتبه​

​

حصوة / هو أنا مقولتلكش يامعلم​

​

أصل مدرسه إبن خالتى بعيده فركبت ب الجنيه موصلات علشان أجى بسرعه ومتقولش عليا غبى وإنى إتأخرت ​

​

أمير / اه يانى يااما حد يشيل برميل الغباء ده من قصادى ​

​

مش مهم بص معايه بقه وركز كويس قوى فى اللى انا هقوله دى خريطه بنك القاهرة إللى هنسرقه ​

​

حصوة / بنك القاهرة طب وليه نتغرب ياكبير مانسرق أى بنك من عندنا من هنا بدل مانسافر ونتغرب ​

​

أمير / ياغبى إحنا هنسرق فرع من فروعه اللى عندنا هنا ركز بقه معايه والأحسن إسمع وبلاش تفكر ​

​

إحنا هنهجم على البنك الساعه 1 بالظبط ده الميعاد إللى بيكون فيه البنك هادى 1وربع بالظبط لازم نكون بره البنك ​

​

حصوة / مينفعش نخلى ميعاد العمليه الساعه 3 كده يامعلم​

​

أمير / 3 ليه عندك ايه الساعه 1 ؟؟​

​

حصوة / ماتش الاهلى والزمالك ياكبير ​

​

أمير / هتأجل العمليه علشان ماتش الاهلى والزمالك ​

​

انت غبى ولا غبى ياغبى ​

​

وبعدين انت ولا اهلاوى ولا زملكاوى انت أخرك بتشجع العيال اللى بيلعبوا تحت فى الحارة كل يوم ودوشنا ​

​

ركز معايه احسن ليك وبطل غباوة ​

​

جهزت العربيه إللى هنهرب فيها ​

​

حصوة / كله تمام ياكبير د أنا تربيتك ​

​

أنا روحت للمعلم عطوة زى ما قولتلى​

​

وقولتله على العربيه قالى العربيات كلها متأجرة ومفيش ولا عربيه موجوده​

​

أمير / متأجرة وكله تمام يامعلمى والله إنت إللى هتحبسنا​

​

حصوة / إهدى بس ياكبير ما انا مسكتش لما قالى كده روحت على الوله عماد بتاع العجل إللى ورانا وأجرت منه عجلتين إنما إيه كده

​

​

أمير / هنهرب بعد مانسرق البنك ومعانه شنط الفلوس وممكن البوليس يطردنا على عجل يامتخلف​

​

حصوة / ماتخفش ياكبير ده مش عجل عادى ده عجل سرعات ​

​

أمير / هى كده فرقت ​

​

يارب البوليس يقبض علينا علشان أرتاح منه ومن غباؤه​

​

حصوة / الله بعد كل اللى انا عملته ده وبرده غبى خيرا تعمل مش عارف ايه مش لاقيه ​

​

واجرى يابنى ادم وراء الاتوبيس ياتلحقه يامتلحقوش ​

​

أمير / حتى الامثال مش عارف تقولها وشقلطها ياغبى ​

​

سيب موضوع العربيه إللى هنهرب فيها دى عليا

أنا هتصرف​

​

حصوة / الله طب والعجل اللى أجرته يامعلمى ده الواد عماد إديه طرشه وممكن يضربنى لو رجعتله العجل تانى ​

​

أمير / يارب يخلص عليك وأرتاح منك ​

​

أنا إظاهر هتوب على إديك ​

​

فهمت الخطه ولا لاء يابنى أدم !!! ​

​

حصوة / طبعا يامعلمى فهمتها إنت فاكرنى غبى ​

​

دأنا ياما سرقت هى دى اول مرة ما إنت عارفنى​

​

أمير / ما هى المصيبه إنى عارفك وفاكر بلاويك كلها ​

​

بقه فى حرامى فى الدنيا يرن جرس الشقه اللى هيسرقها ياغبى ​

​

حصوة / الله ياكبير ما انا حولت كتير أفتحها ماعرفتش بصراحه إتغظت من الناس الظالمه دى إللى مش عوزنا نشتغل ومتبتين قوى على أبوبهم ​

​

كاأننا هنسرق الالماظ​

​

رنيت الجرس وقولتلهم حرام عليكم ياظالمه سبونا ناكل عيش ​

​

أمير / إحمد ربنا إنهم إفتكروك مجنون وطردوك​

​

حصوة / هو أنا غبى يامعلمى ؟؟؟؟​

​

أمير / لا أبدا إنت غبى إنت​

​

د إنت مخترع الغباء ​

​

قول الخطه وخلصنى فى يومك إللى مش ناوى يخلص ده ​

​

حصوة / حاضر ياكبيرأنا مش عارف بس إنت متعصب ليه ​

​

إحنا هندخل البنك على الساعه 1 او 2 كده وبعدين نطلع المسدس ونثبت كل الناس إللى جوة و ناخد قيمه 500 جنيه من البنك​

​

و نرتاح قيمه ساعه جوة البنك على بال البوليس ما يجى وأول ما نشوفه ننط على العربيه ونجرى منه فريرة ​

​

أمير / وله ياحصوة معاك المسدس إللى قولتلك إشتريه ؟؟​

​

حصوة / أيوة ياكبير تلميذك المسدس أهوة​

​

هو إنت عوزة ليه ياسيد الناس ؟​

​

​

​

أمير / علشان أخلص عليك ياغبى ياإبن التيت ​

​

حصوة / إلحقونى هيخلص عليا إلحقونى ​

​

وتانى يوم وقدام بنك القاهرة الساعه 1 بالظبط

إنتظرونى لكى تعرفوا ماذا حدث

تحياتى لكم

عاشقة الاحزان

​

 

[ابن سينا الدمشقي]

رد: سطو مسلح ( متجدد) الحلقه الاولى????

شكرا لكي على ما اطلعتينا عليه
دمتي بكل خير

 

[ستايل بنوته]

بارك الله لك
واسعدك بالدنيا والاخره
وجزاك الله كل خير
تقديرى