Dream_Rose
كاتب جيد جدا
السلام عليكم ورحمة الله وبركاته
كيفكم يا احلى واروع اعضاء
ان شاء الله تكونوا بخير وتمام
هالموضوع هو جزء من عثرات الواقع
وهذا ثاني مكان بنشر فيه هالموضوع
بتمنى ينال رضاكم واعجابكم
لما تحب صديق الك وتحترمه
وهالصديق هذا يستغل محبتك
ويفرض سيطرته عليك
ومُصِر انه يمشي كلمته عليك
بكون
فاهمها بالشقلوب
لما تحب انسان وتخاف عليه
وكل همك انه ما يسبب اذى لنفسه
ولا انه يظلمها او حتى يقهرها
وتلاقيه بعاملك مثلك مثل غيرك
ويشكك بمحبته الك
بكون
فاهمها بالشقلوب
لما تيجي لتنصح حد
وتحكيله قديش انك خايف عليه
وكل همك بس انه ما يوقع بالغلط
وفجاة يتهمك انك ما بتحبه
وما خايف عليه
بكون
فاهمها بالشقلوب
لما المغفل بفكر انه زوجته مخلصة
وهي بتكون من وراه بتحب غيره
وهي بوجهه بتبين له حب مزيف
وهو مصدق هالشي
بكون
فاهمها بالشقلوب
لما تشوف ناس وتتعرف عليهم
وتعطيهم كل شي فيك
وقتك
وقلبك
واحساسك
وتخليهم يشغلوا مساحة من افكارك
وفجاة تكتشف انهم هم مش هم
وانهم كانوا بضحكوا عليك
بكون
فاهمها بالشقلوب
لما بوجهك بضحكوا معك
وببينوا لك انك انت كل همهم
وانهم خايفين عليك
وكلهم دفاع عنك
ومن وراك بحكوا عنك
وبكشفوا حقيقتك للناس
بكون
فاهمها بالشقلوب
\(بالدراني)/
