@@همسة مع شوية فلسفة@@

[فتى الشرق]

اليوم بدي خبركون خبرية صغيرة أول الشي
بعدها منتفلسف
هداك اليوم كنت عم بقرا بالجريدة
كان في خبر عن وحدة انتحرت بكندا
لما صار التحقيق
اتضح انو البنت يلي عمرها 18 سنة انتحرت لأنو حبيبها تركها
وحبيبها بيكون واحد على الماسنجر مغرمة فيه كتير
يعني ما بتعرفو ولا بتعرف شكلو
ولما صارت العملية جد
حبيب القلب فلسع يعني هرب
وطلع بالآخر الحبيب المزعوم هو بنت الجيران يلي عم تعمل مقلب بصاحبتها
والبنت المسكينة
متل الأطرش بالزفة
النتيجة
إنتحار
الموضوع
يا صبايا ويا شباب
كل واحد فينا عندو مشاعر وأحاسيس
وكل واحد فينا عندو قلب
بئا يا ريت لا حدن يلعب بقلب حدن تاني
لأنو عنجد عنجد عنجد حرام
وكمان همسة تانية
في ناس بتكتب شي رد على هالشاشة
وبتفش خلقها
بس بتنسى
انو يلي قاعد ورا الشاشة من الميلة التانية عندو مشاعر وقلب
ويمكن ينجرح ويمكن يترك ويمكن يزعل ويمكن ينتحر ويمكن أشيا كتيرة
بئا يا ريت كلنا ننتبه على الكلمة يلي عم تطلع من قلوبنا لتصير على شاشاتنا
خلي هالكلمة تكون
كلمة أمل وحب وابتسامة وحنان
وصدقوني
رح تشوفو العالم بصورة تانية
طولت عليكون يا حلوين
باااااااااااااي​

 

رواتب الإطفاء في الكويت

اسعار هدايا التيك توك

مخالفات المرورالكويت

عدد المتابعين للربح من لايكي

مراسلة الفيس بوك

[زهرة الأمل]

رد: @@همسة مع شوية فلسفة@@

امير الظلام

للاسف سيدي اصبحت هذه الشاشه معدومة الثقه


واصبحنا نتجاهل مشاعرنا عند اي موقف يؤثر بها



فلسفه رائعه وهمسه رقيقه

اشكرك ولك تحياتي

 

[عمو Google]

رد: @@همسة مع شوية فلسفة@@

تسلم ايديك عمي أمير والله يعطيك العافية

خيوو هو صحيح عالم الشات والماسنجر صار كلو كذب بكذب

وصحيح مافي شي اسمه حب حقيقي هالأيام الا ما ندر

لكن انه توصل لمرحلة الإنتحار فهذا اسمحلي أخي أمير

انا اسميه ابتعاد عن رب العالمين وضغف الايمان به

ممكن يصير شوية زعل معقول

بس مو لدرجة الإنتحار والعياذ بالله

شكرا على الطرح أخي أمير

تحياتي لك

 

[ماريا]

رد: @@همسة مع شوية فلسفة@@

شكرا اخ امير ما بدها هل قد

 

[دموع الشياطين]

رد: @@همسة مع شوية فلسفة@@

بجد قلة عقل
اول شيء تحب على المسنجر
تاني شيء تنتحر
بجد هبل

شكرا فتى الشرق

 

[فتى الشرق]

رد: @@همسة مع شوية فلسفة@@

منورين يا احلى اعضاء
ربي ما يحرمني منكون يا حق

 

[ترانيم العشق]

رد: @@همسة مع شوية فلسفة@@

مشكور عالطرح اخي
فتى الشرق
بس يعني ما وصلت للأنتحار
وانا معك
انو الكلمة الطيبة
لازم تبقى
تقبل مروري

 

[فتى الشرق]

رد: @@همسة مع شوية فلسفة@@

يعني يمكن مو لهدرجة مزبوط بس بقى في هيك جنان يها الايام

منووورة ساروووووو

 

[عاشقه الصمت]

رد: @@همسة مع شوية فلسفة@@

لازم الانسان يوزن كل كلمه بقولها لانها رح تاثر بالاشخاص الي عم يسمعو ...
وكل شي لو حدود يعني مو تمزح مع صاحبيتها لدرجه توقعها بهيك حب ولهدرجه ..

شكرا كتير موضوع حلو ..
سلمت يداك..

 

[أمل فلسطينى]

رد: @@همسة مع شوية فلسفة@@

كلمات من ذهب

كلام سليم 100 %

وموضوع مميز بالفعل

ويستحق الرد والقراءه

فتى الشرق

كل كلمه هووووون محسوبه علينا

اى حرف او لفظ مابيكون بمحلووو بيروح لمكان تانى

والله أعلم شو راح يترتب عليه

علشان كدا لازم كلنا نحاسب على كلامنا وعلى ألفاظنا

دمت بكل الحب والعطاءء

تحيتى

 

[دموع اليآسمين]

رد: @@همسة مع شوية فلسفة@@

بئا يا ريت كلنا ننتبه على الكلمة
يلي عم تطلع من قلوبنا لتصير على شاشاتنا
خلي هالكلمة تكون
كلمة أمل وحب وابتسامة وحنان
وصدقوني
رح تشوفو العالم بصورة تانية
طولت عليكون يا حلوين
كلامك كلو راااائع
تسلم ايدك خالد
ع الموضوع
يا ريت مطول عليناا
كنا تعلمنا اكتر