سر من اسرارى الخاصة !!!!!!!

[أنسام]

انا حبيت افضفض معاكو لاننا اخوة و انا برتاح اوي لما اتكلم معاكم
ده اكبر سر من اسراري
الحكاية بتبدأ من حوالى سنتين....
العفش بينزل من على عربية النقل...
و انا واقف فى البلكونة.. وبسأل ماما (اللى كانت واقفة تنشر الغسيل هو فى حد هيسكن هنا ولا ايــه يامـاما؟
قالتلى اه يا حبيبى دى الشقة اللى قصادنا
قلتلها ويا ترى عرسان جداد ولا عيلة وبتعزل؟
قالتلى والله يابنى مانا عارفة
قلتلها طيب.. يا خبر انهارده بفلوس.. بكرة يبقى بفلوس اكتر..
و بعد أسبوع......
أمى واقفة في البلكونة.. وانا واقف جنبها بردو.. وبتقولى: مش السكان الجداد وصلوا خلاص
قلتلها يا شيـــــخة!
قالتلى: اه.. مرات الراجل عدت عليا انهارده وسلمت عليا وعرفتنى بيهم
قلتلها: ايــه بقى عرسان جداد؟؟
قالتلى لا دول أسرة.. عندهم ولدين وبنت
قلتلها خير.. خير.. (والشر بيبظ من عينيا)
و أثناء الحديث الشيق ده..
طلعت مامت الولاد م البلكونه.. ولما شافت أمى هزت راسها - بتسلم على امى يعنى -.. وطبعا أمى ردتلها الهزة - بترد السلام يعنى -
و بعدين طلع ولد صغير ابتسم لنا اول ما شافنا....
أصل البلكونة فى وش البلكونة , و باين عليهم ناس طيبين اوى...
المهم.. الأم ندهت لبنتها...
الحقيقة انا كنت أول مرة فى حياتى أسمع الاسم اللى هى ندهت به..
أول مرة أعرف ان فى بنت اسمها كده أصلا...
الام بتنده: يــــــا روفيدة
اسم جامد مووووووت... عجبنى الاسم اوى... وبدعى ربنا تكون رُفيدة حلوة زى اسمها..
و طلعت روفيدة من ورا الستارة فـى حركة Slow Motion من بتاعة الافلام..
و انا متنح تتنيحة سوده... روفيدة طلعت احلى من اسمها.. جميلة جمال لا يوصف... ناصعة البياض..
مش قادر ارفع عينى من عليها.. مينفعش ارفع عينى من عليها اصلا...
فضلت متنح لحد ما شافتنا انا وامى..
لما شافت امى ابتسمت لها..
و لما شافتنى زى ما تكون شافت عفريت ودخلت على جوة جرى...
و تمر الأيام..
و مشكلتى ان البلكونة اللي بتبص علي بلكونتهم دي في اوضتي.. عشان كده فى الرايحة والجاية ابص اشوف روفيده واقفة ولا لأ..
ساعة ما الاقيها واقفة.. اطلع البلكونة..
مرة اعمل نفسى بتكلم فى التليفون.. او بشم الهوا مثلا - الدنيا حر بقي-
او بلعب عشرة ضغط.. اى تلكيكة والسلام
الغريب انها كانت فى الاول لما تشوفنى تروح داخلة جرى على جوة..
لكن بعد فترة لاحظت انها مكانتش بتدخل اول ما تشوفنى.. وكانت بتفضل واقفة هى كمان...
بقيت فى عز الشمس اقف.. لحد ما اعرق واجيب جاز.... فى عز البرد واقف بتكتك م البرد
واقف بالساعات مدام روفيدة واقفة... ارمى نظرة.. ابتسامة.. أشاور
و كانت هى بتكتفى بالابتسام وعلامات الخجل...
و ف يوم من ذوات الايام..
بشاورلها.. شاورتلى
بقيت هطير م الفرحة.. روفيده شاورتلى يا جدعان...
قعدت اطنطط ع السقف وأغنى وحياة قلبى وأفراحه..
و هبا إيـه هبا أاه.. إن شاء الله هنظبط
امتى بقى اتكلم معاها ونهظر سوا...
لحد ما جه اليوم...
انا راجع م الكلية.. وعلى اول الشارع شفت ماما واقفة مع مامت روفيده..
و المفاجاة: روفيده واقفة معاهم
لقيت نفسى بجرى زى شخصيات الكرتون.. نصى التحتانى بيجرى قبل نصى الفوقانى تشووووووووو...
لحد ما بقيت عندهم.. عرقان طبعا وبنهج وحالتى حالة...
نزلت عليهم زى الباراشوط..
ازيك ياماما.. ازيك يا طنط عاملين ايه...
و بصيت لرٌفيدة.. كانت بصالى وبتضحك..
كانت زى القمر اليوم ده.. ولابسة تى شيرت حمالات - اصل الجو كان حر اوى اليوم ده -
قلتلها: ازيك يا روفيده؟!
و كان رد فعلها غير متوقع بالمررررة... كان صدمة حقيقية بالنسبة لىا..
لقيتها بتمد ايديها وبتسلم عليا...
و بتقولى: الحمد لله.. ازيك انت؟؟!
رحت مسلم عليها....
و قلتلها: الله يسلم قلبك يا روح قلبى..
و رحت بايس ايديها....
و رحت شايلها...........
و قلتلها: انتى عندك كام سنة بقى؟؟
قالتلى عندى 3 سنين
رحت بايسها تانى وانا هطير م الفرحة وفضلنا نلعب ونضحك ونهزر... لحد ما مامتها شالتها وطلعوا البيت
و من يومها وانا وروفيده اصحاب... كل ما تطلع البلكونه نلعب ونهزر مع بعض
و بكده هي دي حكايتي مع بنت الجيران و حبيت اقولهالكم...هههههه
اوعوا تزعلوا منى......
ماشى ؟






​

 

رواتب الإطفاء في الكويت

اسعار هدايا التيك توك

مخالفات المرورالكويت

عدد المتابعين للربح من لايكي

مراسلة الفيس بوك

[SONDA]

رد: سر من اسرارى الخاصة !!!!!!!

اي ماشي..
ماشي يا عم

أضحك الله سنك يا أنسام
عن جد أحلى صباح هذا ..

الله يسعدك.... قولي آمين..ماشي؟؟

 

[شموخ رجل]

رد: سر من اسرارى الخاصة !!!!!!!

حكاية جميلة جدا صغتيها هنا اختي العزيزة انسام

مشكورة على طرحك الرائع

تحيتي للجميع

 

[أنسام]

رد: سر من اسرارى الخاصة !!!!!!!

ويسعدك أميرتي الرااائعة

حقاً...

سعيدة بمشاركتك

طابت ليلتك




​

 

[مَلِكْة الظَلآمْ]

رد: سر من اسرارى الخاصة !!!!!!!

حكايه حلوة شوقتيني لرفيده
يعطيكي الف عافيه
انساام

 

[أميرة بكلمتي]

رد: سر من اسرارى الخاصة !!!!!!!

هههه شكرا الك أنسام على القصة .....
شوقتيني أعرف النهاية وانا بنص الموضوع لنعرف شو بصير لرفيدة
... بس لو كنتي كاتبة الموضوع باللغة العربية كانت اسهل للقراءة ..
... الله يعطيكِ العافية .... تحياتي الحارة لك ِ​

 

[ريم الضحى]

رد: سر من اسرارى الخاصة !!!!!!!

اسم رفيدة حلو والقصة أحلى

 

[NOURALDEAN]

رد: سر من اسرارى الخاصة !!!!!!!

شكرا ً الك أنسام
ولا تواخذيني
بس والله ما فهمت شي من القصة
يعني وين الفائدة بالموضوع
والله ما فهمت الا إنو كان صباحك حلو
من وقت سلمت عليكي رفيدة
وكل الشكر الك