مهاوى تحب سوريا
كاتب جيد جدا
شو مشتهي ارجع شي طفل صغير
واتمردغ بحضنك الدافي يا أمّي
واتمردغ بحضنك الدافي يا أمّي
وشيل عن كتافي حمل الغربة الكبير
وتغمرني ايديكِ بضمِّة بعد ضمِّةِ
وتغمرني ايديكِ بضمِّة بعد ضمِّةِ
واتغلغل بصدرك متل شي عصفور صغير
ومن عطفك وحنانك اتنعَّم بنسمةِ
ومن عطفك وحنانك اتنعَّم بنسمةِ
عيونك يا أمِّي بهل دني نواضير
قشعولي همِّي من قبل ما اعقد عالسفر همِّةِ
قشعولي همِّي من قبل ما اعقد عالسفر همِّةِ
أخدتني الغربة وبعَّدتني كتير
وشاب الشعر يا امِّي واختلفت الرسمةِ
وشاب الشعر يا امِّي واختلفت الرسمةِ
وعَ وجِّيِّ بان كتر الهم ّْ والتفكير
والدهر ترك للشقى ع جبهتي بصمةِ
والدهر ترك للشقى ع جبهتي بصمةِ
والغربة من كاسها المرّْ شرَّبتني كتير
الغربة متل جلاد يا أمِّي بيضرب بلا رحمةِ
الغربة متل جلاد يا أمِّي بيضرب بلا رحمةِ
يا أمِّي دخيلك لاتحزني ولاتبكي كتير
واستبدلي الدمعة من اليوم بالبسمةِ
واستبدلي الدمعة من اليوم بالبسمةِ
راجع أنا ع حضنك الكبير
راجع أنا متل شي طفل بعدو صغير
مشتاق للبَوسةِ ع خدي من بعد ضمِّة
مشتاق للبَوسةِ ع خدي من بعد ضمِّة
وبدعي لرب السَّما يمدِّلي بعمرها كتير
ويحفظلي أمِّي ويديمها عليِّ من السما نعمةِ
ويحفظلي أمِّي ويديمها عليِّ من السما نعمةِ
