قمنه بسؤال بعض البنات عن رأئيهم بشباب الجامعه فقالوا

*حمزة*

مشرف عام
46.gif


أم بعد فأني أحببت أن أقدم لكم بعض
معلومات عن فصائل شباب في جامعة
وطبعا هشي مش أنا لي بقواله هاد شي مأخود عن لسان البنات طبع
ولبنات بقوالوا أنو في خمس أنواع في جامعة من شباب تع نشوف هل أنواع


تع نشوف الخمس أنواع لشباب جامعه لي معترفين فيون البنات

انواع الشباب خمسه:
1 - ابو لسان حلو
أخونا بالله عنده مشكله , ما بعرف يحكي كلمتين ع بعض من دون ما يتغزل بالشخص اللي قدامه ان شاء الله البواب تبع العمارة بتكون البنت ماشيه بأمر الله بالشارع بيصير يمشي وراها او يرمي كلام ع مسمعها.. على مبدأ ( الكلام الكي يا جارة ...) وببلش : شو الحلاوه !! امشي ع رمشي !! اموت طخ بفرد ميه بلاستك !! دخيلو الازرق ( او اي لون بتكون البنت لابسته) والله يعينها اذا اضطرت تتعامل معه بالجامعه

2 - ابو البنات
هذا المسكين ثقته بنفسه تحت الصفر ، وعلشان يعالج هالمشكله ، بتلاقيه ما بمشي الا مع بنات.. وعين الله تحرسه وتحميه بتشوفه بالشارع ماشي مع سبع او ثمن بنات ونازلين ضحك وتنكيت سوا !!! وطبعاً دائماً هو بدفع الحساب !! والمواصلات !! وشحن التلفون للصبايا !! وعامل حاله كازانوفا زمانه.. حاط توم كروز بجيبة بنطلونه الصغيره.. وتعال افتح تلفونه.. بتلاقي كل الارقام لبنات (فيفي ، زوزو ،... الخ ) ومستحيل تلاقي اسم شب واحد !!!

3 - ياواد ياتقيل
يا ارض اشتدي ما عليكي قدي !!! هالأسد بكون ماشي بالشارع وحاس حاله طاير بالسما !! نافخ حاله بشكل مش طبيعي ( مع انه ما بيشيل حديد !!) ومفكر انه نص بنات الارض راكضين وراه.. وطبعاً هو ما بيمشي مع بنات.. كل اصحابه شباب !! اعوذ بالله شو يحكي مع بنت !!! ولا بسلم عليها من اساسه !!! لانه برأيه كل البنات معجبات فيه.. بتلاقيه بالشارع ماشي وبين عيونه الف وميه وهدعش (111) وبقضيها تطليعات ونظرات .. ومستحيل يضحك الا ما ندر !!!

4 - الجنتيل مان
وهو النوع المحبوب من كل اناث الارض .. بفتحلي باب السيارة .. وبوقفلي المصعد.. بحمل عني الاشياء الثقيله.. بوقفلي التكسي ..بقوم وبخليني اقعد مكانه بس اط

b


لع بالباص وما يكون الي محل .. مستحيل يناديني الا انسه او مدام (حسب الحالة الاجتماعية) واذا طلبت منه شي برد حاضر ستي او ع راسي ... ولكن هذه النوع اخذ بالانقراض .. واذا ضل منه بكون مظلوم ... لانه البنت بتصير تشك انه هالشب شو بده ؟؟ وليه كثير مؤدب هيك ؟؟ وتحسباً بتبلش البيت تحلقله ع الناشف.. وتزحلقه.. فبروح هو يتحول لأحد الانواع السابقة !!!!

5 - النيرد
وهو شخص لا يملك ذكاء اجتماعي كافي للتخاطب مع الاخرين.. ويمتلك فقط نوعين من الذكاء ، الاكاديمي والمهني .. لا يعرف اصول التكلم مع الاناث.. واذا صار وحكت معه بنت.. تحصل اله الاعراض التاليه : التعرق، احمرار الوجه ، تحريك الايدين بشكل عشوائي، السرحان !!!! واللي بصدم بالموضوع انه البنات برتاحو يتعاملو معه .. لانهم بحسو بالامان تجاههم والثقه العمياء !!!!
 

فراشة ولة

كاتب محترف
رد: قمنه بسؤال بعض البنات عن رأئيهم بشباب الجامعه فقالوا

فصلو الشباب تفصيل رائع

حلو الحكي هذي عجبني

وشباب المنتدي من اي نوع​
 

*حمزة*

مشرف عام
رد: قمنه بسؤال بعض البنات عن رأئيهم بشباب الجامعه فقالوا

هل فيكي في صفحاتي فرفوشه منوره
صفحاتي وأكيد شباب المنتدى أحل شباب
 

رتيل

كاتب جيد جدا
رد: قمنه بسؤال بعض البنات عن رأئيهم بشباب الجامعه فقالوا

حكي حلو كتير
بس اكيد بيختلفوا عن بعض
مو هيك حمزة
تحياتي
 

*حمزة*

مشرف عام
رد: قمنه بسؤال بعض البنات عن رأئيهم بشباب الجامعه فقالوا

هلا رتيل نورتي أكيد بيختلفوا وكل شخص ألووجهة نظار
 

امل الرياحين

كاتب جيد
رد: قمنه بسؤال بعض البنات عن رأئيهم بشباب الجامعه فقالوا

كتير منيح هاد الحكي
بس ما بظن انو في خمسة انواع من الشباب
و يبقى شباب المنارة احلى
تسلم اخي حمزة
 

*حمزة*

مشرف عام
رد: قمنه بسؤال بعض البنات عن رأئيهم بشباب الجامعه فقالوا

أخت أمل رياحين أنا ماشفت شي من شباب المناره لهيك مابحسن أحكي عليهم شي غيرى لي بعرافوا صح
 

مواضيع مماثلة

أعلى