صاحب الظل الطويل
كاتب جديد
أبي بيصورلي الدنيا غابة فيها دياب وناس كذابة
وقلي ان مرق من هون ابن الجار لا تفتحيلو الباب بغيابي
طفلة كنت ما اعرف بنوار ليش بيزهر العنابي
وما كنت اقرا بالعيون اسرار كنت اقرا بس بكتابي
واليوم فصطاني اشتعل بالنار وهمس المخدة شل أعصابي
وأبي جبرني أحجب الانظار وبكل تيابي وزيد سرسابي
مش عارفه على ثلج صدري صار في جمر بلش يحرق تيابي
عندي ذهب عندي خدم وقصوروحراس ابي داير الأسوار
ممنوع أفتح غرفتي للنور واربط عخصري المشتعل زنار
وتحت الشتي كل ما تنفض العصفور بيتبلل وبتغرقوا الامطار
والكرم بدو ياكلوا الدبور ان ما أستغلوا بموسموا العصار
نحن البنات بالحياة زهور بنتفرع وبصدورنا اسرار
والزهرة الما بيمرق الفرفور وبيشمها من اختها بتغار وبتموت قهر على درج نوار
تمشيخ يا بيي وغل ايديي وحرم علي وحلل لخيي
بس مهما حبست المي بالفخار الا ما بدها ترشح شويي
تركني ولبسني تياب قصار وبعد جنودك من حواليي
تفاح بنتك عالمواسم صار وبتقلك الاشجار يابيي
التفاح تيحمر بدو شمس لا تزرع التفاح بالفيي
