مدمن على الشات

[NOURALDEAN]

السلام عليكم
واجهة مشكلة بدي أعرفلها حل
أخي بلغ من العمر27 غير متزوج
طوال النهار وأحيانن طوال الليل
بارك على الإنترنت
على برنامج اليس سي للمحادثة
ما عم يدير بالو لمستقبله ولا لعمله
وإذا حدى حكى معه بينزعج وبعصب
وكأنه صار معو إدمان على النت
بيبرك كل نهار ما يعادل 12 الى 15 ساعه
على الدردشة
على ضحك وكذب وحكي فاضي
مالو طعمة
وكيف بدنا نخلصو من هي المشكلة مالي دريان
وابوي خطبلو وما مشي الحال اذا حدى عنده قول فل يتفضل
وكتير من الناس واقع في هيك مشكلة
:eh_s(10)::eh_s(10)::eh_s(10)::eh_s(10)::eh_s(10)::eh_s(10):

 

رواتب الإطفاء في الكويت

اسعار هدايا التيك توك

مخالفات المرورالكويت

عدد المتابعين للربح من لايكي

مراسلة الفيس بوك

[ترانيم العشق]

رد: بدي مساعدة

مشكلة الادمان على النت صارت شائعة
بين مجتمع الشباب والبنات هالايام
لكن ما يصير هيك
لازم تنبهوه لضرورة الالتفات لمستقبله وحياته
يفوت عالنت كم ساعة
لكن حرام يضيع عمره ووقته عالنت
اول ما يسأل عنه العبد يوم القيامه " عمره فيما افناه "
بتقدروا تفصلو النت بساعات معينة
او تحطو قفل للجهاز
يعني ما بعرف شو قلك
المفروض هو واعي وعارف مصلحته كويس
الله يهديه ويصلح امره
بتمنى تلاقوا حل عند الاخوات والاخوان
اللي راح يردوا عالموضوع
وبالتوفيق ان شالله

 

[آنفآس آلمطر]

رد: بدي مساعدة

دردشة وحكي فاضي ؟؟ اكيد انا ضد
ما خبرتنا نور الدين شو المؤهلات العلمية عند اخوك؟؟
عمرو 27 سنة العمر كلو يارب
لكن الي شغلني كيف بيستغل الوقت على النت بهيدي الطريئة وهو بهيدا العمر
فعلا مشكلة كبيرة !!

وحلها ما رح يكون الا بايدو هو

لان الصراحة بهيدا العمر وبيشغل وئتو بالشات فعلا مشكلة كتير كبيرة

الصراحة ماعندي حل معين
بلكي بعض الاراء الان تكون مساعدة اكثر

ولي عودة اكيدة

تحية لك نور الدين

​

 

[GARDENIA]

رد: مدمن على الشات

والله مشكلة الادمان على النت
بتمنى حدا يعطيك حلول أخي
شكرا

 

[NOURALDEAN]

رد: مدمن على الشات

اخت سارة شكرا ً على مشاركتك
والله يسمع منك ويصلحو ويصلحنا معه
انفاس المطر
كل دردشة بتفرق عن دردشة
اليوم ماحدى عم بيستخدم الدردشة لإفادة
ولكن الدردشة فهل الوقت اغلبها اذا ما كان كلها كذب
وحكي مالو طعمة
وأكبر مثل وقت بتكوني فايته على الدردشة
وبيتعرف عليك واحد بتقليلو كلشي عنك صح
بريئي النص او التلت ارباع الحكي فيو كذب
هاذ برئي ولا تواخذين ان اسئت
المؤهلات شهادة معهد صناعي
بيستغل الوقت لأنو طبيعت شغلو فيها
استخدام للكمبيوتر بيشتغل على ماكينا حفر ليزر
وضروري الكمبيتر يكون شغال
والإنترنت بيلزمنا مشان الزباين في منن
بيبعتو رسمات مشان يشتغلو فيها
وإذا شلنا الإنترنت ما بعود حدى بيحسن يحكي معو
حاولنا مرة معو عصب و رح بدو يسافر
وطبيعة الشغل الماكينة بتشتغل واخي بكون بارك جنبها
وقت بتخلص ببدل العمل تبعا
لذالك بكون طوال الوقت على الدردشة
ولكن هو بتم جالس كتير وما بقوم الا اذا دعة الحاجة
وهاد الشي بخليه اول شي نظرو
تاني شي عدم تركيزو على الشغل
ثالث شي وقت بيتهي دوامه 8 ساعات بتم
جالس لحتى يتعب جسديا ً وهاد الشي مضر بالصحة
بتمنا تكون الفكرة وصلت
بتمنا المساعدة

 

[HALOOSH]

رد: مدمن على الشات

الله يعينو على هل ادمان النت ادمان كتير بشع وحاولي خلي اي بنت تدخل عحياتو بركي بيتغير الله يشرح صدرو ويسر امرو

 

[حزن القمر]

رد: مدمن على الشات

لآ تعليق

لانهآ بحق مشكلة كبيرة

 

[تســـــــابيـــــــح]

رد: مدمن على الشات

اسأل الله له الهداية

 

[RETARETA]

رد: مدمن على الشات

والله بالفعل مشكلة كبيرة

إذا هو مو وعيان على حالو

ولا راضي يرد على حدا فهي كمان مشكلة أكبر

بس مو لازم تملوا من تنبيهو ونصحو

والكلمة الطيبة لها مفعول السحر أحيانا

يعني أحكوا معو بأسلوب لطيف ومحبب حسب شخصيتو مو بعصبية أو طريقة وعظ

أنا برأيي أنو رح يمل من هالشي بعد فترة لحالو

وإذا الأمر بيشكل مشكلة كبيرة لهالدرجة

وما فيكم تستغنوا عن النت مشان الصور اللي بتنرسل إلكم في العمل

ممكن تحصروا النت بوقت معين

يعني لما تعرفوا أنو رح يوصلكم شي أوصلوه

والله ما بعرف شو قول

يعني هو إنسان متعلم وعمرو 27 سنة

لازم يكون واعي

بس برجع بقول ما حد بيتعلم غير من تجربتو

وهو أكيد لحالو بعد فترة رح يمل ويخفف شوي شوي

أتمنى تلاقو الحل قريبا

وتحياتي إلك

 

[NOURALDEAN]

رد: مدمن على الشات

شكراً لكل من شارك في الموضوع
والله من عنده يهديه
ويصلحه ويرشده لطريق الصواب
لكم مني أجمل تحية