شو يعني حصار؟

خيوط الشمس

كبار الشخصيات
ماذا يعني "الحصار" – شو يعني حصار ؟



من عامين و بلدنا تحت الحصار
شو؟ ما فهمتش
بسيطة، رح اكولك باختصار
بلدنا سجن كبير، ملوش سكفيّة، اله جدار
المساحة: 360 كم2 – عدد السكان : مليون ونص ! مش كتار!!ا
ما تسألنيش عن العملة
عن العاصمة،

رجاءً بدون اصرار
الله يسعدك ما تحرجنيش يا زلمة ازا علم البلد الأصلي طاااار !!ا

طيّب كُلّي، تشيف الوضع؟ تشيف الأحوال ؟
بطالة ما فش أشغال!
وينهم اصحاب رؤوس الأموال؟
الله بعلم بس اكيد بشتغلوا في الحلال!!!ا

اضراب معلمين... فش معاشات!!ا
تعليق طلاب.... فش محاضرات!!!ا

( جندي اسرائيلي يتحدث)
كل واخد ساكن هون... رخ يضل مخبوس هون... هيك وصّانا شارون!!ا<<
والمعابر مش رخ نفتخ.... لا بكرا ولا بعده ولا بعد الف يوم!!ا


المي مقطوعة... الكهربا مقطوعة... وخط التلفون مقطوع....
الله يقطعها من عيشة، بس الفواتير اللي عمرها ما بتنقطع... الله يقطعها!!!ا

أبواب السجن مسكرة... المي اللي بتوصلنا معكرة!!ا
فش بضايع مستوردة تدخل... وصناعة محلية يدوبك عنّا

المحلات بتفضى... والمستودعات شو بتحمل؟...
ريح راسك واحفر نفق... هرّب بضاعة... احسن حل لالنا!ا
بضاعة تهريب...أسواق سود... الطلب عالي... استهلاك رهيب... والعرض محدود!!!ا
كل الأسعار قاعدة بتغلى... جرّة الغاز قاعدة بتفضى... والقهوة مش راظية تغلى!!ا



بلّشت تفهم شو يعني حصار؟
منع تجول – ما في طلعة من الدار!ا
احمد ربك لسا عندك دار...
جارك بيته انقصف وطاار!!
والله مش هاين علي اسملّك بدنك
بس بدك تعرف... ممكن يستشهد ابنك!!ا

بنقعد بالليل على ضو الشمعة
بدرّس ابني وبقلبي دمعة
خايف شي يوم يطلع عالمدرسة
يرجع شهيد ويموت حلم الهندسة

سميتلك بدنك غصبن عني... بس هاد تعريف بسيط (للحصار)
غلط غيري وسماها اتفاقيات سلام... في الواقع هيّ معاهدات دمار!
شاطرين في الشعارات "بناء دولة فلسطين مستقلة وعاصمتها القدس"ا

آآه ه ه مزبوووووط!!! يبقى موووووت يا حمااارر!!!ا

لسا بتسألني "تشيف حالتش"؟ شو بدك ياني اكولك!!ا
متسخّم وماكل...... --- والوضع دايماً برجع لورا

بس " عايش – منيح -- وتمام"

خذ منّي وعد... بحلفلك بوطني... بمحمد ويسوع ....
رح اضلني فلسطيني و راسي مرفوووع!!!
 

dodo*dwh*boy

مدير موقع عطر الشام
رد: شو يعني حصار؟

[align=center]
فلسطين الجرح النازف


هسه عرفت إيش يعني حصار

وبدي أكلك أشي
الله يحرك اليهود



شكراً خيوط
تم التقييم
[/align]
 

لانا

كاتب جيد
رد: شو يعني حصار؟

عنجد عنجد عنجد كلام كتيييييييير رائع يسلمو ايديكي شي معبر والو معنى كبير كبير كتير وهادا هو الصح تحياتي
 

ترانيم العشق

كبار الشخصيات
رد: شو يعني حصار؟

خذ منّي وعد... بحلفلك بوطني... بمحمد ويسوع ....
رح اضلني فلسطيني و راسي مرفوووع!!!

ستبقى فلسطين
الام والامل والقضية
ربنا يفك الحصار عن كل الوطن الغالي
غاليتي
كوني بخير
 

خيوط الشمس

كبار الشخصيات
رد: شو يعني حصار؟

[align=center]
فلسطين الجرح النازف


هسه عرفت إيش يعني حصار

وبدي أكلك أشي
الله يحرك اليهود



شكراً خيوط
تم التقييم
[/align]
هلا بيك
ربنا بنتقم منهم لا تخاف
لك ودي
 

خيوط الشمس

كبار الشخصيات
رد: شو يعني حصار؟

عنجد عنجد عنجد كلام كتيييييييير رائع يسلمو ايديكي شي معبر والو معنى كبير كبير كتير وهادا هو الصح تحياتي
هلا بيكي
نورتي يا غالية
 

خيوط الشمس

كبار الشخصيات
رد: شو يعني حصار؟

خذ منّي وعد... بحلفلك بوطني... بمحمد ويسوع ....
رح اضلني فلسطيني و راسي مرفوووع!!!

ستبقى فلسطين
الام والامل والقضية
ربنا يفك الحصار عن كل الوطن الغالي
غاليتي
كوني بخير
ان شاء الله يا سارة يفك هالحصار
لك ودي
 

خيوط الشمس

كبار الشخصيات
رد: شو يعني حصار؟

[align=center][table1="width:95%;"][cell="filter:;"][align=center]
فلسطين ستبقى
امل والام
وانشاءالله النصر قريب
دمت بخير
[/align][/cell][/table1][/align]
رحيق يا غالية
الامل من ربنا ان شاء الله
 

black_rain

كاتب جيد
رد: شو يعني حصار؟

( جندي اسرائيلي يتحدث)
كل واخد ساكن هون... رخ يضل مخبوس هون... هيك وصّانا شارون!!ا<<
والمعابر مش رخ نفتخ.... لا بكرا ولا بعده ولا بعد الف يوم!!ا
 

دمع العيون

(حكاية وطـن )
رد: شو يعني حصار؟

[align=center]
فلسطيني وراسي مرفــــــــــــــــوع
مهمـــا زاد الظلم والألم وكبر الجرح


الله يفك الحصــــــــار يــــا رب

***

طرح معبّر

أشكركـ حبيبتي خيوط الشمس
فخيوط أملك لا بد ّ أن تطرق باب الحصار
[/align]
 

مواضيع مماثلة

أعلى