بدي فش خلـــــــــــــــــــــقي ....مليت

[دموع الشياطين]

مسا الخير
مسا النور
ومسا الرياضيات والدراسة كلها...والهوى كلو
شعورك أنك عم تدرس اغلب وقتك ....ولا كأنك عملت شي...بتفتح المادة وبتدرسها ...وبالامتحان ما في شي بهالمخ

بتقعد يومين وانت عم تدرس الدروس الي اخدتهم قبل فترة وما عم تزبط معك
وبالنسبة للناس التانية ما عم تعمل شي....لك يااااا عالم شو الحل ...؟
شو هالمصيبة هي

انو شو اعمل
مليت وزهقت وقرفت ....عم ادرس بس ما عم حس بنتيجة ....او حتى شعور اني دارسة ...كل شي عم اعملو بحس حالي مقصرة ...شو اعمل اكتر من هيك....؟
دراسة دراسة دراسة
من 11 ظهر البارح لحتى هاللحظة ....وين الخللللللللللللللللللللللللللللللللللللللللللللللللللللللل


أنا فاشلة...!؟!؟!؟

يا ربييييييي

بدي فش خلقي بس
سلام بدي روح كمل فيزياااااااااااااااااااااااااااا
سلااااااااااااااااااااااااااااام
وباي
ومع السلامة
وبكل حروف النداء وكل صيحات الالم

اقول






زهقققققققققققققققققققققققققققققققققققققت
بليز حلووووووووووووو عنييييييييييييييييي


وبهديكم اغنية
زهقان طهقان ومدايق

http://www.la7oon.com/arabic-lyrics/alphabit/artists/lyrics/10-71-4528.php

تصبحو ع ....خير

*​

 

رواتب الإطفاء في الكويت

اسعار هدايا التيك توك

مخالفات المرورالكويت

عدد المتابعين للربح من لايكي

مراسلة الفيس بوك

[لانا]

رد: بدي فش خلـــــــــــــــــــــقي ....مليت

ههههههههههههههههه والله حالتك بتشبه حالتي الله يعينا يا رب فيزيا يووووووووووووو شو بكره هالمادة انتي علمي الله يعينك والله وانا بكرا عندي امتحان وهلأ نسيت كل شي بدي ارد اعيد كل شي تحياااتي يا قمر

 

[دانيال]

رد: بدي فش خلـــــــــــــــــــــقي ....مليت

السلام عليكم ورحمة الله وبركاته
كيفك بالبدايه حابب ئول شي اي انسان بحس نفسو مقصر بشي هاد بكون انسان ناجح على سبيل مثال لو انا عندي مادة عربي ودرسة هل مادة وحست نفسي مقرة معنها انا عندي نشاط اكثر لحتى ادرس
ثانيا
نحن نحفظ دروسنا على انها مفروض علينا هذا هو الخطء
احفظيها على انها علم او احفظيها على انها قصة وليست مفروضه واستمتعي بالدراسه ما بتذكري قصص جدتي
اكيد حافظتيون كلون لانون كانو متعة وليس فرض
اتمنى من الله ان يوفقك

 

[sally]

رد: بدي فش خلـــــــــــــــــــــقي ....مليت

وانا مع الاخ دانيال بالرأي
اي مادة اذا درستيها بمتعة بتترسخ بذهنك
لما تبدي دراسة انسي كل شي من حولك
هيئي نفسك للدراسة وانسي النت والاغاني والــ ......
واختاري مكان مناسب ومريح الك من اضاءة وهدوء ....
وفكري انك انت عم تستفيدي من معلومة مو اكتر
باختصار ما تفكري بالدرس على انو مجرد واجب
والمادة اللي بتكرهيها قولي بينك وبين نفسك انا بدي حب هي المادة
واذا كتير المادة دمها تقيل يعني بدك تحاولي الله يكون معك
بالنهاية البنت بدون دراسة ولا شي طبعا والشب كمان

طولت عليكي
سلام :SnipeR (69):

 

[RETARETA]

رد: بدي فش خلـــــــــــــــــــــقي ....مليت

عزيزتي أنتي مقتنعة نفسيا أنك عم تدرسي بدون فايدة

بس بدي ألك أنو بالرياضيات وبالفيزيا وبهيك مواد مافي شي بلا فايدة

يعني لأنها مو مواد حفظية

لازم تندرس بتركيز وبهدوء

وئت بتحسي حالك مضغوطة أو تعبانة مافي داعي تمسكي الكتاب

لأنو بهالحالة لو ضليتي 24 ساعة ما رح تستوعبي شي

برأيي نظمي وئتك بين الدراسة وشي تاني متل هواية أو نشاط بتحبيه

مو كل الوئت دراسة أهم شي تنظيم الوئت

يعني بس استرجعي كل يوم الدروس اللي أخدتيها بالمدرسة مراجعة سريعة

وانتبهي على شرح الاستاذ أو المعلمة بالمدرسة

أهم شي الراحة النفسية بالدراسة

وربي يوفقك ويوفق جميع الطلاب بيبي

بعدين ما تنسي أنك روح التاتا والتاتا دايما بتدعيلك :nose pick:

تمنياتي بالنجاح إلك وللجميع

 

[ترانيم العشق]

رد: بدي فش خلـــــــــــــــــــــقي ....مليت

وانا مع دانيال في الراي
ادرسي المادة على انها معلومة مفيدة
ومو مجرد مطلوبة بالامتحان
بتمنالك التوفيق شروق
محبتي

 

[خيوط الشمس]

رد: بدي فش خلـــــــــــــــــــــقي ....مليت

لك شو مال الطلاب السنة قرفانين حالهم
لك طولي بالك
ان شاء الله تنحل امورك

 

[لانا]

رد: بدي فش خلـــــــــــــــــــــقي ....مليت

لك شو مال الطلاب السنة قرفانين حالهم
اه والله هاي صدقتي فيها والله السنة ما حدا جاي على بالو يدرس الكل زهقاااااان وانا رح موت كمان شوي .

 

[دموع الشياطين]

رد: بدي فش خلـــــــــــــــــــــقي ....مليت

شـــكراً كتير الكم
لانا....دانيال...سارة...ريتا..خيوط الشمس...سالي
فيني احكي رجعتلو الثقة بنفسي
والكلمة مهما كانت صغير يمكن تعمل شي كبير بقيمة المعجزة
مرسي الكم
وشكرا مرة تانية

كونو دئما بخير

 

[نرمين]

رد: بدي فش خلـــــــــــــــــــــقي ....مليت

اى يعنى قلبى معكى يا ئمر بس شو تعملى اذا المنهج العربى بس بصم وبنتخرج ونحنا مو فاهمين شى بس دارسه وبصم وعبى هالمخ اى بستغرب وربى صعوبه مو طبيعيه على عكس الدول الاوربيه الى بتحببك بالتدريس وبكون الك اختيار المواد الى حابب تدرسه وممكن كمان تحذف المواد الى مو عايزه لازم تحب الشى الى عم تدرسهانا مو من المبهورين بالحضاره الغربيه بس شو فيها لو اخدنا الشى الصح
نا علينا اى بعينك الله يا حلو ادرسى وابصمى بيمشى الحال

 

[GARDENIA]

رد: بدي فش خلـــــــــــــــــــــقي ....مليت

أنا مع كل اللي قالولك اياه
ورح ضيف
غيري جو الغرفة العم تدرسي فيا غيري ديكورها أو غيري الغرفة لغيرا يكون فيها أضاءة شمس مثلا وتهوية افضل
اشربي عصير ليمون طبيعي مع سكر
بينشط الذاكرة وبينقي الدم
واشربي صباحا كباية كاكاو مع حليب كمان بيقوي الذاكرة وبيفيد
أتمنى لك التوفيق من كل قلبي

 

[دموع الشياطين]

رد: بدي فش خلـــــــــــــــــــــقي ....مليت

مرسي الك اميرة العاصي
وان شاء الله يصير خير

 

[زهرة الاوركيد]

رد: بدي فش خلـــــــــــــــــــــقي ....مليت

مافي غير قول الله يعينك
يارب

 

[فراشة ولة]

رد: بدي فش خلـــــــــــــــــــــقي ....مليت

حبيبتي لاتحملين هم بصرحة انا كانت
اخذ وقت راحه واقرار في نفسي
اني سويت الي على والباقي على ربي
وانتي سوي الي عليكي وخالي الباقي على
ربك ولا تضغطين علي نفسك لان اذا ضغطي
على نفسك راح تنسين كل الي درستية
خلكي واثقة من نفسك

دمتي