قصيدة باللهجة الفلسطينية
تحكى عن معاناة الشعب
ونظرة الناس اليه
اتمنى ان تنال اعجابكم
فلسطيني
ممنوع تعيش
فلسطيني ممنوع تعيش
قالولك اسكت ما تحكيش
أنت خلقت للتلطيش
للحواجز للمعابر للتفتيش
كتبوا علي جبينك ينداس
من الضابط للشاويش
فلسطيني قالولك ممنوع تعيش
فلسطيني ممنوع تثور
و مش مسموح تكون مقهور
إياك تطالب بحقك
أوعك بيوم تشوف النور
ممنوع تجدد هوي
ممنوع تجدد بسبور
فلسطيني و بدك تتعلم
هاي الشغلة ضد الدستور
فلسطيني لازم تتألم
من دون ما يشوفك دكتور
فلسطيني ممنوع تتظلم
و لا يطلع بجناحك ريش
فلسطيني ممنوع تعيش
فلسطيني بكل المطارات
اسمك بالأحمر مكتوب
و على شباك مصلحه الجوازات
كتبوا علي جبينك مطلوب
لازم تتوقف ساعات
مذنب أو من دون ذنوب
و يتوجه إلك اتهامات
انك سبب كل الحروب
كأنو بسببك الحق مات
و العدل بأرضك مصلوب
و كأنك سبب النكسات
و كل أزمات الشعوب
و كأنو بسببك مجرم فات
على جنين بلحظه الغروب
و ذبح صبيان و بنات
و عجز على أمرها مغلوب
مع انو الحقيقة
أنا إلي بالدنيا ضحية
عملتوني ماده للغنى
و قضية للي ما عندو قضيه
أنا إلي راسي ما انحنى
بوجه الريح القويه
أنا إلي شعبي صمد
في غزة والضفة و بالرشيدية
أنا إلي شعبي انتفض
و بحجر حارب دوريه
و اليوم و بكره و للأبد
عنا كلمه وحده هي
فلسطيني ولا زم أعيش
لازم أعيش لحتي تعيش القضية
وأرجع الأسري للحرية
والقدس الأبية
فلسطين عربيه
و راح تبقي عربيه
و راح ترجع عربيه
