حبابين تسمعوا على هالمكالمة

ابن البلد · 10 أغسطس 2009

ألو ......... ألو
عن جد رح يجنني موضوع الهواتف ... يعني شي 150% من شعبنا ما بيعرفو يحكو ع التلفون ..
يعني رح سمعكن مكالمة (كلاسيكية) بين اي اتنين
هو:ألو
أنا:ألو
هو:السلام عليكم
انا:وعليكم السلام
هو:شلونك يا معلم
انا:الحمد لله ..انت شلونك؟؟؟

هو:الحمدلله ..كيف الصحة؟؟؟
انا :الحمد لله .. كيف الاهل؟؟؟
هو :الحمد لله ..شلونن الولاد؟؟؟
انا :الحمد لله ..ما قلتلي كيف شغلك ؟؟؟؟

هو :الحمدلله ..انت كيف شغلك ؟؟؟؟؟؟؟؟؟؟؟؟؟؟؟؟؟؟؟؟؟

انا : الحمد لله .....الحمد لله......... والله العظيم الحمد لله
لك ... من شان الله بس قلي شو بدك ... لك يا اخي بس كلمة مفيدة وحدة يستر اختك
اي علي الحلال .. هالهاتف بدو كسر ع راسك وراس اللي رد عليك ..وتضرب بهالماركة

يا سيدي اكتر من 150% من شعبنا بدو دورة تعليمية للحكي ع الهواتف ... وبجوز يرسبوا بهيك دورة

لا وشو بيجوز اخر شي يجلطك وشو؟؟؟؟؟؟؟؟؟ قال مخربط بالنمرة ...
اي تووووووووووووووووووووووووووووووووووووووووووووت .... ولي لحقوني من شان الله

لكم تحياتي انا ابن البلد

آنفآس آلمطر · 10 أغسطس 2009

رد: حبابين تسمعوا على هالمكالمة

[align=center][table1="width:95%;"][cell="filter:;"][align=center]
فعلا معك حئ ناس كتير بتستعمول الهاتف لشغلات سخيفة
ولمجرد الحكي
الله يهدي الجميع
وميرسي لطرحك الظريف ..
مودتي ... كن بخير ..
[/align][/cell][/table1][/align]

دموع اليآسمين · 10 أغسطس 2009

رد: حبابين تسمعوا على هالمكالمة

هههههههههههه
الكلام فن ولباقه
وهاي مشكله عامه عم تواجه كتير ناس
ازعاجات الهاتف من اشخاص حتى لو بالخطاأ
يعتذر وانتهيناا
لازم نعمل ئصه كبيره وبالاخر يطلع
لست المطلوب........بالخطأ

عاشق الليل · 10 أغسطس 2009

رد: حبابين تسمعوا على هالمكالمة

رح الك اخي ابن البلد

ليش في شي مفيد ساوو العرب

كل التكنلوجيا يلي صدروها الغرب النا ما استفدنا شي منها

متل ما الت لا بالكلام المكرر

حتا الانترنيت يلي بتعتمد علي دول عظمة استعملنا للشات ( هاي - برب - ميك - كام ) فقط

او في ما يعني الجيل الثالث للهواتف النقالة بنستعمل الكميرا لنصور بعضنا وبننشرا بالبلوتث ونفضح بعضنا

وهلم جرا ................ الخ

واقع نعيشه فلماذا التغيير

وللاسف انت وانا من هذا الواقع

وشكرا

ابن البلد · 10 أغسطس 2009