ملائكة الحب
مُديّرْ المُنتَدىَ
هذه القصيدة على لسان شاب يرثي نفسه ..
بسبب خيانة أعــــز أصدقائه لـــــه ..
القصيده جداً جداً جداً راااااااااااائعة ..
وتحمل معاني قيمة ..
وإحساس صادق ..
وأهداف نبيلة ..
أترككم تبحرون بين قوافيها
************ ********
تزاحم بالضمير هموم قلبٍ حايرٍ مكسور
ولاينفى بقلب المن كثر كثرة جبايرها
تلاطم بالضلوع العوج موجٍ عاتيٍ وبحور
ولا من مركبٍ وشراع يا من ثار ثايرها
أنا مالي بهالدنيا سوى قلب وقلم وشعور
صديقٍ صادقٍ ياقف إليا صكت معابرها
وإليا ضاعوا بليّاها حياةٍ من نكد و عثور
فلا مطرودها ملحوق من كثرة عثايرها
أنا قلبي دليلي في زمانٍ مدبرٍ مسعور
كبيرٍ مايهمه لو تحاول به صغايرهـــــــا
ألملم بالقلم أشتات روحي في ورق وسطور
وأنثر كل معنى في ضمير اللي يناظرها
لي احساسٍ يصور ما يحوم بداخلي ويثور
صدوقٍ واعذب الأشعار ماتصدق مشاعرها
صديقي صعب نختاره بعالم بالأنام يمور
حسود وجاهل وراعي مصالح مع مكابرها
ياكثر اللي تضاحك لي وقلبه بالمرض مغمور
على وجهه يبين اللي يخفّي في سرايرها
صديقي مأمني ياقف يعيب الخير والشرور
أوليفي عالذي بيني وبينه فعل غادرها
ولاينسى ليالينا ولاهو جاحد ومغرور
مواقفنا القديمه دايمٍ بالخير ذاكرها
ياليت الروح بحمول المصايب والعذاب تثور
دخيلك شيلها ياما نوينا اللي يثورها
هذينا من عنا الدنيا متاهات وشقا ودهور
ولو إن الجبال تشيلها ماظن تقدرها
إذا بظفرك طرفت العين لاتدوّر على دكتور
ترى ماتحرق النيران غير اللي يجاورها
ترى الدنيا على كيفي أسوقه ولو تجي بعسور
ولكنــــــا على كيفه نغامــــر في مخاطرها
أنا وقتي غدر بي ما لحظي في الزمان عبور
سنينٍ يقطعه مقساه وماترحم مسافرها
ناسٍ كنها تقضي حياته في وسط هالنور
وناسٍ مادرت عنــــّا ولا ذاقت مرايرها
أنا كلي عذر واللي شكى من هالزمن معذور
وانا ادري جرح روحي زاد من كثرة تعذّرها
تصنعنا السعاده يوم وصرنا في فرح وسرور
نحاول نخفي العله وتفضحنا عبايرها
على الله كل شي يصير وأيام الزمان تدور
متى تضحك لنا الدنيا عقب ما شان ناظرها ؟؟؟
__._,_.___
