يالله لي خلاً بعيداً ترده
يومي اشوفه بدنيتي يوم عيدي
يالله كانه مطولٍ لي بصده
تبري جروحاً في فؤادي تزيدي
اموت بمعاانده ومزحه وجده
يسحر عيوني ياللي زينه فريدي
تغلى علي عيني لياا شفت خده
واكره عيوني لو هو عنها بعيدي
حبه ذبحني بس مقوى اهده
بحبه انا انسان طبعي عنيدي
وشلون ما احبة وجدي هو جده
دمي ودمه جاريٍٍٍٍٍٍ ٍ في وريدي
حبه بقلبي بس مقوى اعده
وشلون اعده وهو دايم يزيدي
تفداك كل المملكة واهل جده
ويفداك حبي وشوقي اللي يزيدي
حبل الوصل ياصاحبي لاترخيه مده
خل الوصل من بيننا جسراً حديدي
لو حبك النار وتحرق بشده
اضحك واقول يا نار هل من مزيدي
حبك بحر اموت بجزره ومده
هيماان فيك وبعدك محب من جديدي
انت القمر والقمر محداً بقده
ياعذب واجمل كلمةٍ في قصيدي
ياحلو صوته كل حرفن يمده
واسرح بصوته ولاانتها قلت عيدي
يالله لي خلان بعيدن ترده
رده وانا بعطيه قلبي باأيدي