ياريت نتعرف على لهجاتنا ومصطلحاتها من خلال منارتنا أرجو التفاعل

الشيماء

كاتب جيد جدا

https://www.manartsouria.com/vb/





الحمدلله والصلاة والسلام على رسول الله وعلى آله وصحبه أجمعين
ها لموضوع من المواضيع القديمة إلي عملت بعض التعديلات ليكون تفاعلي من جميع الأعضاء يعني بدل ما كل عضو ينزل موضوع بلهجة مدينته أو بلده ياريت ينزلوا هون وهيك بتعلم لهجات جديدة علينا
وأنا رح بلش ......مدينة حمص




المطلحات الحمصية مع الترجمة وياريت كل عضو ينزل مصطلحات للبلد اللي هو عايش فيها مع الترجمة لنتعرف على لهجة كل بلد وأرجو التفاعل مع الموضوع ورح سمي الموضوع ( وطنا واحد و لغتنا واحدة بس لهجاتنا متعددة) والموضوع بيشمل اللهجة الشامية والحلبية والحموية والديرية واللادقانبة والمعراوية وكل المحافظات والدول العربية وكل عضو عربي بمنارتنا بيحكي بلهة مدينته نسأل الله التوفيق للجميع وأول مدينة ببلدنا الحبيب مديـنــــــــــــــــــــة خالد بن الوليد وأهم المصطلحات الحمصية

مدينــــــــــــــــة حمـــــــــــــــــــص


( تعلم الحمصية بيومين )

________________________________________




علاي: عليه

الحق علاي: وتعني أنه هو المذنب أو المقصر في الأمر

شوية اللخر :بعد شوي ..

تعا كل يوم : أداة للتخويت

حسن صبي: بنت مسترجلة

زكُوْرْت : زلمي (رجّاااااااال) من الخالدية، باب السباع، باب الدريب، باب تدمر، جورة الشيّاح وهالحارات القديمة

شووو مشان : أداة للتساؤل

شوفي ما في: أداة للسؤال عن كل شيء بكلمتين

خملت: أي حسِبت (ظننت)

لسع: ليس بعد

مصرع : تعني حدوث الشيء بأسرع من المتوقع، مثال : مصرع ما اجيت.. اي اجيت على حين

على حين : بكير ( قبل الوقت المتوقع)

لاء وْلُو : أداة تخويت و مسخرة

أحِّط : تعني حليق و باللغة الفصحى اذهب من هنا أيها الوغد

ايووووووو: أداة للنداء والاستهزاء، مستخدمة من قبل شوفيرية الميكرو على وجه الخصوص



عم يبلتس : يعني فاتح البلوتوث و عم تظبط شي بنت

أبو عبدو : أداة للتكلم مع شخص ما بتعرف شو اسمه

تطلع، طُص : شوف (انظر)



خيوووو: تعني ... هادا يا أخونا الكريم...

ولا شمعة: مصرووووووووع ( مجنون ) وضاربة فيوزاته

طلاع من راسي : حلّ عني

ماااااااااخرج : أداة للنهي و التملّص

كفوووو : أداة نفش

كبييييييييير : كمان أداة نفش

وجع: تعني و حسكة و علة

سرسري : شخص صاحب مشاكل كتيرة (مشكلجي)

محسوبك : خدام شورابك

طنط : شب محسوب بالغلط ع الشباب

نيان : متل طنط

حاج تتمسخر : حاج تتخوت

دشّرو: اتركه

ماني غضران: غير قادر

عم يزوغل : يعني عم يغش



اقطعله كرت : يعني احلقله عالناشف

الله يمنترك؟؟؟؟ لا اعرف شرحها مرة بقولوا لشي منيح ومرة لشي عاطل

الله يمنتر ئطاطك: نفس الله يمنترك

تنزل عليك النزلة : دعوة خفيفة على حدا

مفشكل : أي غير مرتب ولها مرادف (مخربط)

بفرد مرة : بالمرة

يندفس : يعني ينام

يئبر بعضو: يعني يصطفل شو بنعمله

أبو شمسو: اشهر بياع حمُّص بأبو العوف

عمنوَّل: وتعني السنة الماضية

أول عمنوَّل: وتعني السنة ما قبل الماضية

شلافيط : تعني ساخن جداً او حار جدا

حاجي عاد : أداة طلب للتوقف عن فعل أو قول




يتربح خطيتا: يحمل ذنبها


ولآن الجوع: جائع كثيرا


كماجي: رغيف خبز


عم يبرطن: عم يثرثر


عم يأفلم : عم يتخوت


مشلبن: ناعم


مصرصع : ضعيف جدا


مسحلل: كمان ضعيف

منظنظ : ناعم زياده


مزوزأ : شديد الاعتناء بنفسه

مونون: موسوس

مونَئ : ما بيعجبه العجب

مسودن: شديدالنظافه

مكرشن: مزموم


مكرِّش : أي صار له كرش

مطبلج : سمنان

معجعج : سمنان حتى مرحلة العجعجة من وين ما برمته

متصربع : قاعد ومجعوص على شي كرسي

مجعوص: آخد راحتو كتييير بالقعدة


أريضه: لا معنى لها بتقولا إذا شي دايقك أكتر من مرة

زِرِزْ: دمه خفيف


أبّوع : وهو مايوضع فيه الايس كريم

كُبّاي: قرص كبه

المباراي : هي المباراه

كمشة : تعني شوي

بوزلين: أي فازلين
جلعوص : أي بمقدار حبة الجوز

جاموقة: بركة المي خاصة بعد المطر

مأآآآآطخ : آخذ وضعية منحنية


هايشي: أجدب أو جدبي وتطلق على المذكر والمؤنث على حد سواء

مطبوز، حردان: بس ماحدى ينطمز أمانة


زينو الموضوع بتفاعلكم
لاتضحكو وتمشوا بعدين بتعيدو يوم الاربعاء


 

روح المطر

كاتب جيد جدا
رد: تـــــــــعلم اللغـــــــــــــــة الحمصــــــــــــــــية بيومــــــــــــين

[align=center][table1="width:95%;"][cell="filter:;"][align=center]
ههههههههههههههههههههه
لغة كتير حلوة
تسلملي احلى حمصية انا

يندفس ......يعني ينام

هههههههههه
كتير حلوة يندفس هيدي

ميرسي الشيماء
تحيتي لروحك المرحة
[/align]
[/cell][/table1][/align]
 

ابتسامة طفلة

كاتب محترف
رد: تـــــــــعلم اللغـــــــــــــــة الحمصــــــــــــــــية بيومــــــــــــين

هع هع هع

حلوة كتير

واحلى حمصين

مرسي الشيماء

تقبلي مروري
 

روح المطر

كاتب جيد جدا
رد: تـــــــــعلم اللغـــــــــــــــة الحمصــــــــــــــــية بيومــــــــــــين

[align=center][table1="width:95%;"][cell="filter:;"][align=center]
شوشو معدلة بالموضوع
طالع بيجنن
لك هيك مو بس بيومين
هيك سواني منعرف نحكي حمصي
هههههههههه
مطبوز : حردان بس ماحدى ينطمز أمانة هههههههههههه

لك مين رح ينطز
يعطيكِ الف عافية بيبي \
محبتي
[/align]
[/cell][/table1][/align]
 

HALOOSH

كاتب جيد جدا
رد: تـــــــــعلم اللغـــــــــــــــة الحمصــــــــــــــــية بيومــــــــــــين

أحِّط : تعني حليق و باللغة الفصحى اذهب من هنا أيها الوغد

اي مع اني حمصية بس من ضمن كل هل كلمات ماعرفت غر هاي لانو انا بقولها لما بدي احط لحدا من رفقاتي هههه تقبلي مروري
 

شام شامك

كاتب جديد
رد: تـــــــــعلم اللغـــــــــــــــة الحمصــــــــــــــــية بيومــــــــــــين

ههههههههههههههههههههههههه
ذكرتني وقت خدمت بجيش كانت دورتي بحمص هههههههههههههههه
الله يعطيك العافيه
كتير حلو ه
 

HALOOSH

كاتب جيد جدا
تعلم اللغة الحلبية بثلاث دقائق000000

تعلم اللهجة الحلبية بثلاث دقائق





امتازت اللهجة الحلبية عن غيرها
من اللهجات السورية بأنها
فريدة من نوعها
ولايوجد لها مثيل على الإطلاق وإليكم بعض المفردات شائعة الاستعمال:

ووللدقة باللفظ يرجى لفظ
ال ج : ادجه
وال ش : اتش
وميت السلامة والله



عوجة--------كوع


سيوي ------دغري


أنضرة--------الكندرة


تاسومة--------السكربينة


لاصطيكة-------مطاطة


مصراط -------مصاري


خوته---------معه صرع


جدبة----------مجنون


طاول طاو ل---------أبداً


معلاق جلق--------الغليظ


خَلْء-----------عالم


خيت وخَيْتو--------يعني أختي


خاي وخيو---------يعني أخي


أبويْ--------أبي


ونانتي يعني جدتي


يوم: معناها باللغة العربية وبكل اللهجات هو ال24 ساعة


بينما باللهجة الحلبية بتجي بمعنى ماما



سكرتون---------خزانة


السلاتة--------القشّاطة


السحّابة--------الدرج


خولية---------البشكير


أرمغان-------هدية


وبتلاقي كاتبين عالمحلات يوجد لدينا (صمن) وبعد سؤال واستفسار ببين معكن


أنو معناها خبز السمون


جنق--------هي الصحن


جمجاية-------معلقة السكب


فرتيكة--------هي الشوكة


الدءماءة------مدقة التوم


الدروبُس--------البونبون إللي بتعرفوه


كما امتازت اللهجة الحلبية بأدوات إشارة خاصة بالحلبية ..


يعني العرب كلهون كوم .. وهنن كوم تاني


كوهنه----------للمذكر القريب


كيهنه----------للمؤنث القريب


كوهاك----------للمذكر البعيد


كيهاك----------للمؤنث البعيد



وطبعا للسهولة في اختصارات كمان


اختصار المذكر القريب .. كو


اختصار المؤنث القريب .. كي



ومن الاختصارت أيضاً


تاااا بدل من تعال


رووو بدل من روح


ما راي آجي بدل من ماني جاية



بروك--------------اجلس


تشطّح:بدل من تسطّح (وما تسألوني ليش!!)


أبوس روحك : للمدح




أبوس شنقات وشك بالشلمونة : للمدح البليغ


(الشنقات طبعاً هي الخدود متل ما بتعرفوا)


بلاك بقتلك : دعاء بالقتل والضرب


إشْ ضاءلَّك---------يعني شو بدي قلك


عجب-----------للدهشة


كنّي-----------للاستفهام


ديه بقا-------للتأفف


أَبَوْ-----------للتفاجؤ
 

ملائكة الحب

مُديّرْ المُنتَدىَ
رد: تعلم اللغة الحلبية بثلاث دقائق000000

اشو خيتو انتي كيفك
 

شموخ رجل

كبار الشخصيات
رد: تعلم اللغة الحلبية بثلاث دقائق000000

يسلمو هالدين خيتو
 

HALOOSH

كاتب جيد جدا
رد: تعلم اللغة الحلبية بثلاث دقائق000000

والله اريد سنه عشان اتعلمها

كثير صعبه

ودي

اي معاكي حق بس لما بيكونو يلي حوليكي حليبين بتتعلمي انا رفقاتي وجارتنا حلبية يعني بعرف احكي تمام التمام
 

الشيماء

كاتب جيد جدا
رد: ياريت نتعرف على لهجاتنا ومصطلحاتها من خلال منارتنا أرجو التفاعل

ألف شكر لمروركم العطر أرجو التفاعل من الجميع كل واحد من بلدو
 

فراشة ولة

كاتب محترف
رد: ياريت نتعرف على لهجاتنا ومصطلحاتها من خلال منارتنا أرجو التفاعل

والله لغتكم صعبيه
ممكن سنتين لتعلمها
تسلم يمناكي
 

مواضيع مماثلة

أعلى