عاشقة المساء
مشرفة المنتدى الترفيهي
أشياء ترفع الضغط وتجيب القرحة
... ومنها مايلي
يجي رئيسك فاضي ماعنده شغل ألا أنت وهات ياتأمر وهو مايفهم
* أنك تشرب ببسي حار
* أنك تصلي وأنت لابس شراب مشقوق
* أنك تعطي أخوك سيارتك ... ويرجعها والتانكي فاااضي
* أنك تدخل المسنجر .. وما تلقى ألا اللي ماتبيهم
* أنك تـتـفاهم مع رجل آمن سعودي
* أنك تناظر مباراة على الأي آر تي وأنواع الحماااس وفجأة ينقطع الاشتراك
* أنك تلعب كوره وأنت حافي .. وتشوت غطا البياره
* أنك تذاكر تذاكر تذاكر تذاكر <-- أخلص .. وبعدين تكتشف أن اللي ذاكرته مهوب داخل معك في الاختبار
* أنك تعطي جوالك لواحد ويرجعه لك والرسايل محذوفه
* أنك تقوم من صباح الله وتروح للجامعة تمشي مليون .. وتلقى الدكتور معتذر
* أنك تقوم الصبح وتلقى معجون الأسنان مخلص
* أنك تـَـغص بالماء
* أنك تلعب كيرم وتدخل الخمسين 3 مرات ولاتقدر تدخل الطباقه .. أو أنك تدخل الطباقه والمصقال معه
** أنك تغرز بالبر وأنت معك جيب .. ويمر من جنبك ددسن يمشي بشويش ويناظرونك ويضحكون
* أنك تتروش .. وأذا خلصت ماتلقى المنشفه <-- أعرف أقول فوطه .. ولا روب .. بس هي منشفه
* أنك تكتب موضوع طويييييييل ... وأذا جيت ترسله يطس .. مدري وين يروح
* أنك تغص ولاتلقى أحد يطق ظهرك
* أنك تتفرج على اجتماع دول مجلس التعاون الخليجي
* أنك تلبس نظاره وصخه
* أنك تشوف فـلم .. وواحد جنبك يقولك القصة
* أنك تمسك خط وفيه ذباب بسيارتك وأنك تفتح الدريشه ولا يطلع
* أنك تسوي فيها متابع مع الدكتور وتتوهق ويسألك سؤال وماتقدر تجاوب
* وانت بالطيارة يجيك إسهال .
* تمزح مع أحد ويبرطم عليك
أعتقد إنها ترفع الضغط ولا لا ؟؟؟؟
تحياتي:grin:
