قاموس شامي عالاصلي

prince of love

أحساس أنسان


قاموس شامي - عربي ​

​

دَشْرو : يعني حل عنّو .. تركو ​

​

ماني غضران : يعني لست بقادر وهي( بالميداني) ​

​

يوه تشكلو آسي : يوه مفرده يأتي شرحها لاحقاَ ​

​

تشكلو آسي بعيد(الشر( ​

: تعبير يفيد شدة حب المتكلم للمتكلم عنه. . ​

​

الواه الواه : تعبير نسائي بحت يفيد التمسخر على شيء ما ​

​

حمار معبّا بـ بنطرون : يعني واحد أجدب وجاية يحكي ​

​

ولا : آداة تستخدم في النهر والشتم ​

​

وخنان : مسبة مانها ظريفة بس وضعت للضرورة اللغوية ​

​

دشّرني : أي حل عني . . . وحل عني يعني اتركني بحالي ​

​

طلاع من راسي : كمان يعني حل عنّي ​

​

سد بوزك : يعني سكوت ​

​

سد نيعك : شرحو ​

​

أيدي بزنّارك : تعبير يستخدم للتعبير عن الرجاء ​

​

دخيل الله : أيضاَ تعبير والمقصود به هو الاستغاثة بالله ​

​

شَعرو متل الشوشة : أي أن شعره منفوش ومنكوش ​

​

متل فرشاية المدفع : يعني شعراتو خشنين ومنكوشين ​

​

​

وضرّاب السخن : وهي مسبّة. . وتعني . . . . ما بعرف بالضبط شو .. بس مسبّة ​

​

يوه الواه الواه : مفردة شهيرة جدأ عند النساء وتفيد الأوّية ( نوع من أنواع المسخره بين النساء) ​

​

كوكِش : يعني يفتش ​

​

بحبِِش : أيضاً مفردة تعني البحث مع التمحيص ​

​

ينمحئ : ويعني ينضرب على قامتو . . يسطفل ​

​

يبعتلو حمّى : أي تصيبه حمى ونخلوص منّو ​

​

يبعتلو أتلو : يعني يموت ​

​

يروح دعس : كمان يعني يموت بس دعس ​

​

(دعس . فعس. معس ) ​

​

متل مكّوك الحايك : يعني بحوص كتير ​

​

يفش نيعك : هي مسبّه ​

​

برِى عليك : يعني برافو أحسنت ​

​

شو مشان : يعني شو ​

​

تؤبرني : دليل محبّه ​

​

تشكل آسي : كمان محبّه ​

​

تؤبر عضامي : نفس المعنى بغير ريحه ​

​

تمشي على رمشي : شرحو ​

​

تطلع على أبري : كذلك ​

​

زواز : يعني زواج ​

​

سجره (بالسّين ): يعني شجره ​

​

أوضه : يعني غرفه ​

​

يتدولق:يتزهرم: يأكل ​

يتحورء : متل يبعتلو حمى ​

​

يتئوّص : بنفس المعنى ​

​

يتأمّع : كمان هيك شي ​

​

عود يئعد رزّك : يعني خيلتنا حاجة تحوص ​

​

والمعنى الأدق: يقعد رزك يعني تموت والناس ياكلو رز. . لأنو من المعروف ​

​

عندما يموت حدى بتصير عزيمة وبيطعمو الناس أوزي على روح الميت والأوزي أكلة ​

​

معروفة بالشام ​

​

​

وين غاطط : وين مو مبين ​

​

​

مافي أرنة: يعني لا يوجد مكان ​

​

مطرح مالو آعد : يعني بالمكان يلي يجلس فيه ​

​

والسبع تنعام : يعني إلنا الشرف ​

​

وأش كان : وتعني .. وأذا كان .. طز ​

​

ششمه : يعني تواليت ​

​

خالص : يعني منتهي أمرو ... حرام عيشتو ​

​

حمل ضرب طْرِيئو : يعني يحمل حالو وراح ​

​

الداكونه : الغرفه يلي تحت الدرج ​

​

نمليّه : مكان بالمطبخ بيحطو فيه اغراض ​

​

صحن مئوبع : يعني صحن منتلي لآخرو ​

​

​

حيط بياخذو وحيط بيجيو : تقال للي بيسكر من كتر الترنّح ​

​

مابيعرف الخمسة من الطمسه : عن الرجل اللي ماعندو ثقافة ​

​

​

سرّي مرّي : عاللي بيخفق برات البيت ​

​

​

شندي بندي : للي بيحكي بلا طعمه شروي غروي ​

​

​

فايت بالحيط – طاقق الفيوز : للدلالة على انو ماعم يلاقي كلمة مناسبة ​

​

​

مجنّط : مفلس ولا قرش ​

​

​

كِحته : إيدو ماسكه . بخيل ​

​

​

شاطط ماطط : يعني مدلع زيادة ​

​

نعيان : يعني قلبو بارد ​

​

نايط = نعيان = بارد ​

​

​

شاضومه : بنت مجلوئة . . يعني كيف بدي إلكن . . . قليلة أدب ومصبْينه ​

​

شحّاطة : مايلبسه المرء في قدمه عندما يكون في المنزل ​

​

صرمايه : يعني حذاء ​

​

ديوانيّه : يعني صوفايه ​

​

صوفايه : يعني كنبايه ​

​

طائيّه : القبّعه التي توضع على الرأس ​

​

​

تعسيله : نومة بعض الظهر ​

​

تغدّى وتمدّى : يعني قيلوله بعد الغداء ​

​

​

مسرسبة : يعني بتحب النظافة كتير ​

​

​

​

مسمّاويه : يعني حقودة وأويّه ​

​

كركمّه : يعني ختياره مصوفنه ​

​

أسسييع أوعى الزيت : بمعنى أفسح طريق ​

​

زكرت : يعني أبضاي ​

​

​

أغّيييييى : هي للأبضايات وبس ​

​

خروء : يعني ضعيف كتير ما بيلئى كف ​

​

​

تاكلو الدوده العميا : يعني الواحد يموت وياكله الدود بعيد الشر ​

​

​

يبعتلو أتلو شو سمج : كمان يعني يموت وسمج يعني غليظ . ​

​

​

موَسوس : مهووس بشغله ​

​

محبّك : يعني زكي كتير ​

​

ضراع : يعني ذراع ​

​

المحروسه : كلمه تسبق اسم أحد في حال السؤال عنه مثلا : (كيفا المحروسه والدتك ..) ​

​

وهي تذكر على النساء فقط ​

​

​

عئلو جوزتين بخرج : يعني عقله صغير ​

​

​

متل الأطرش بالزفّة : يعني مالو علاقة بالموضوع ​

​

​

زنفّتو قابة = منخيرو بالسما: متكبر ​

​

حاجه تحوص وتلوص : يعني حاجة تفتل وتدور ​

​

​

شويّة لخار : بعد شوي .. وقت آخر​


​
 

رحيق الزهور

Administrator
رد: قاموس شامي عالاصلي

[align=center][table1="width:95%;"][cell="filter:;"][align=center]
بصراحة ولا كلمة فهمت
بس قاموس كتير حلو
يسلمو ع طرحك المميز
دمت بسعادة
[/align]
[/cell][/table1][/align]
 

آنفآس آلمطر

Well-known member
رد: قاموس شامي عالاصلي



أغّيييييى : هي للأبضايات وبس

هههههه

هيدي كتير حلوة

بس بصراحة كمان انا مافهمت شي :SnipeR (83)::SnipeR (83):

قاموس كتير مهضوم

اكيد الشامي مافي احلى منوو

بس بدي تجيب قاموس لبناني كمان

ههههههه

او انا بجبلك اياه :chatterboxhz51:

مرسي برنس

مميز دائما

تحياتي ​
 

زهرة الاوركيد

مشرف سابق
رد: قاموس شامي عالاصلي

انا فهمت كل شي لان نص حكيي من هالكلام
تحياتي برنس موضوعك جدا جميل
البنت المجنونة
 

أمل فلسطينى

Well-known member
رد: قاموس شامي عالاصلي

دخيل الله : أيضاَ تعبير والمقصود به هو الاستغاثة بالله

هاى الكلمه اللى عرفتها
ههههه

والباقى مافهمت منو شى

يسلمواااااا على الشرح

تحاياى
 

المها

New member
رد: قاموس شامي عالاصلي

يعطيك العافية علي القاموس الحلو اجا بوقتة :grin:
 
رد: قاموس شامي عالاصلي

شي فخامه عل آخير شغل أبوراتب يسلموووووووووووووو:zx4mrm::have a nice day:
 

ملك الظلام

مَشرفّ سَابق
رد: قاموس شامي عالاصلي

[ALIGN=CENTER][TABLE1="width:95%;background-color:black;"][CELL="filter:;"][ALIGN=center]
[align=center]
يسلموا خيوووووووووووووووو

وهي بالحموي

عطيني جبسية

يا أزوط

:blank::blank::blank:

:123::123:
[/align]
[/ALIGN][/CELL][/TABLE1][/ALIGN]
 

مواضيع مماثلة

أعلى