شو الحل .. نقاش بين شباب سوريين‎

[waard]

الى جميع اخواني السوريين

شو الحل؟ .
​

ماحدا مبسوط لا بالبلد ولا برا البلد ​

شبين من سوريا بالغربة :



قلو, يازلمة يالله شو مشتاق لسوريا وللشام ..لك يلعن أبو الغربة شو صعبة (الغربة صعبة كتير يابا).. لك مو مصدق ايمت انزل اجازة عل الشام..
رد التاني: لك اخ خخخ والله معك حق .. لك تضرب الساعة لي تركت فيها البلد واجيت .. قال شو بدي أمن مستقبلي وأخلص من العسكرية...
قلو الأول: لك مافي أحلى من بلدنا .. دخيل ترابا .. ودخيل الزحمة والناس والمشاكل.. تتذكر شو كنا مبسوطين .. كيف كنا كل يوم بليل نروح و نأركل بعد الشغل بباب توما .. ونعمرها بعدين بشي جبل صنين (سلطة فواكه عند رامز)..
رد قلو: ولا الشاورما عند الأغر والبرج .. ولا البروستد عند القصور... لك مشتهي فيق الصبح وحدا يقلي صباح الخير واشرب القهوة معو..
لك مافي ناس ما في بشر تحكي معها وتحس فيون ويحسو فيك..
الأول: قهوة شو وصباح شو... لك اذا كان حظي حلو ممكن الهندي لي قاعد جنبي بالشغل يعبرني ويقلي كياليه (كيفك بالهندي)..... طبعا مع شوية هز بالراس ومابتعرف اذا مبسوط ولا زعلان.. وهاد كلو بعد ساعتين سواقة بالزحمة...
التاني: المصيبة انو 90 بالمية من العالم بالبلد حاسدين الشباب هون .. ولما بتشكي لحدا بتاكول بهدلة على كيفك وبيقولولك انو انت نقاق ومو خرج بسط..
قلو الأول: لك تركها لالله .. مفكرين انو المغترب ..معمر بيت فوق بير بترول.. وعم يكش دبان ... لك يارجل..لما بنزل على سوريا بتنزل العالم فيني أسئلة : كيف دبي ..أكيد مبسوط .. اوعى ترجع ها.... بشرفك دبرلي شغل..
ولما بقلون الشغل مو سهل والحياة صعبة كتير.. ماحد بيصدق وبيفكرو انو مابدي ساعدهون..
التاني: سيدي .. انت نزول وانبسط والله يمرق هالخمس سنين على خير..
الأول : قولتك رح ينزلو مدة الأغتراب؟
التاني : والله في هيك أشاعة ..
الأول: والله اذا بتتطلع صح.. الك احلى عزيمة عند موفق.. (محل مشاوي بالدويلعة)
التاني:ياربببببببببببببببببببببببببببببببببب.....





شبين من سوريا جوا سوريا:​

الأول: لك الله يلعن أبو هالعيشة ..ماعاد فيني اتحمل.... زحمة وقرف وشغل بيهوي.. ومافي مصاري.. بدي سافر بي ايا طريقة ..بدي روح وشوف الدنيا وانبسط..
التاني: يا أخي نحنا بعمرنا مارح نتطور.. شوف وين صارت البشر .. ونحن وين.. لك شي بيطقق .. ولا أيا شي ممكن يخليك مبسوط .. ماني مرتاح بالشغل أبدا ... مديري يقطع عمرو شو غليظ .. أغلظ من هيك مستحيل تلاقي .. مو شاطر الا بالنق...ومابعرف على شو حاطينو مدير ( مجرد نق طيعا متل كل الموظفين على ايا مدير) .. ياسيدي حمار معبا بي بنطلون..​

الأول: ولا عنا نحنا.. الشغل بي اخر الدنيا .. بدي شي ساعة لتوصل بالسرفيس.. هاد اذا لاقيت سرفيس.. وياريت راتب متل العالم والناس .. انا خلص استويت ولازم لاقي شغل بالخليج .. يا أخي الحياة هنيك غير ..بسط ومصاري وسيارات وبنات ... يعني بتعيش حياتك..
التاني: معك حق .. بتقضيلك 5 سنين وبترجع مليونير.. وياسيدي بلا ماترجع بيكون أحسن ..
...انا رفيقي واعدني انو يدبرلي شغل .. ويارب تظبط معي....
الأول : انا مقدم السي في تبعي عل الأنترنت ومو مخلي موقع يعتب عليي..... ومبارح عملت انترفيو مع شركة بدبي.. وقال بيردولي خبر بي هاليومين.. وشو ماعطوني رح اقبل.. لأنو اكيد بيكفي وزيادة..
التاني : الله يوفقك .. ويتخلص من هالعيشة.....
الأول :أمين...​

بالنهاية : شو بدو يحكي الواح ليحكي الواح . اذا حكا الواح بيقولو الواح حكا واذا ما حكا الواح بيقولو الواح ماحكا..... وشو بدو يحكي الواح تيحكي الواح.. ​

حياتي اتو الشباب السوريين.​

​

​

​

 

رواتب الإطفاء في الكويت

اسعار هدايا التيك توك

مخالفات المرورالكويت

عدد المتابعين للربح من لايكي

مراسلة الفيس بوك

[RaSAn]

رد: شو الحل .. نقاش بين شباب سوريين‎

السلام عليكم ورحمة الله وبركاته

المشكل ما يخص فقط شباب سوريا بل معظم الوطن العربي بلدان المغرب العربي شبابها يرمي نفسو في البحر يا اما يوصل للضفة الاخرى اللي تمثل اوروبا او يموتوا غرقا و مقولتهم المشهورة (ياكلوني الحوت ولا عيشة الموت ) ببلداننا ما في استثمار للطاقة الشابة و في خارج اوطاننا نحس بالغربة و مرات كرامتنا تهان لانو خاصة في حقد دفين على الاسلام

الحل صار في ايد الشباب لازم نفكر كيف نبني مستقبلنا في بلادنا سعادتنا في بلادنا تقوم بايدينا
الله يهدي كل شباب المسلمين

 

[الـعـرّاب]

رد: شو الحل .. نقاش بين شباب سوريين‎

امممم

طرح جميل اخي ورد

والله شوبدي الك مابعرف

يعني مو كل شخص سافر رجع غني

يا اخي الغربة صعبة كتير ومحدا بحس فيها لحتى يجربا

والحمد لله كل يوم بفيق الصبح وبوس ايدي وجه وقفى اني عايش

بعدين بكفي انو بتتصبح بأهلك وصوت بياع الغاز هههههه :SnipeR (9):

هي عندي اياها بتسوى الدنيا ومافيها

مشكور ابو عصام الغالي

ولايحرمنا من ابداعاتك يااااااااحق

حيوتي اته :dance9bh:

 

[waard]

رد: شو الحل .. نقاش بين شباب سوريين‎

مشكور مروركم يا احلى اعضاء

واهلا وسهلا فيكم معي دوم

وردودكم حلوة بجد اخت رزان واخوي وائل السوري

موفق بإذن الله ... لك مني أجمل تحية .

 

[RETARETA]

رد: شو الحل .. نقاش بين شباب سوريين‎

عن جد شو بدو يحكي الواح ليحكي الواح
المشكلة أنو الشباب عنا ما بيعجبهم شي
وما بيشوفوا غير الجوانب السيئة بحياتهم
ودايما بدهم يكونوا أحسن وأفضل
أكيد هي الرغبة أنو نكون أفضل هي سبب تطويرنا لحالنا وتطورنا
بس مو لما بتصير أقرب لمغامرة
غير محسوبة أو معروفة النتائج
ولما منخسر شغلات كتير كبيرة
لنحقق شي ممكن يكون ما بيستاهل
بلادي وإن جارت علي عزيزة
وأهلي وإن ضنوا علي كرام
وأقل من شكرا إلك على طرحك الجميل مافيه يحكي الواح

 

[آنفآس آلمطر]

رد: شو الحل .. نقاش بين شباب سوريين‎

لك ورد طلعو الشباب ولاد حارتي من باب توماااااا ياحرام غلوو ئلبي علين
بالله شفلي وين هني في دبي هههههههههههه
صراحة وبعيد عن المزاح موضوعك كتير حلو وبيلامس الواقع
كتير في سوريين هون في الامارات لما بدن يجو يسافروو على سوريا
بيستلفو تك الطيارة ...
على كلا الله يفرج على كل مضايق ويرحم دموع الامهات الي بتنتظر ولادا المغتربين
امين يا رب العالمين
موضوعك جمع البسمة والدمعة
شكرا لطرحك
تحياتي​

 

[waard]

رد: شو الحل .. نقاش بين شباب سوريين‎

موفق بإذن الله ... لك مني أجمل تحية .

نورتو صبايااااااااااااا وردكم جميل

ان شاء الله بتهون على كل الشباب