قصة غزلية تحكي عن الفراق

كاسر

Well-known member
قصيدة تحكي قوة المفارق

وان الايام تمر والسنين تمر والحب باقي في القلب



قصـيده غزليه



شفتها يانـــواف صدفة بعد ما غابت سنين
عند قسم المختبـر وسط مشفى الجامعة

جبيتها ثم قلت ممكن في سؤالي تسمحين
ناظــرت فينـي بدهــشة نظره متواضعة

قــــالت انته تـحسبني مــن بنات صايعين
تـحسبني في زماني عن طريقي ضايعه

قلت أنا ما راح أطول كـل أبوها كلمتين
وأبعــــدت عني شويه ثم جتنـي راجعـه

قـالت أسال واضح انك من رجال طيبيـن
بس هرجك يالسنـافي كان وشهوة دافعـه

قلـــت أنا حبيت وحده يوم كنا صغيـرين
ومن ثمان أسنيـن راحت للمواصــل قاطعـه

عقبهـا مــا ذقت نـوم يهتني به النايمين
ســاهر في طول ليلي لين شـمسي طالعـه

اذكر انه فيه حبه فـوق ثغـره مـن يميـن
واذكـر انه لا جــرينا كـــــان شعـره تابعـه

واذكر انـه عـــاشـق فالــورد الياسميـن
صـــــار قلبي بالورود اللي عشقهـا زارعـه

طابعا اسمه بقلبي فيه سين وفيه عــين
وفيه ألـــف وفيه دال وســط قلبـي طابعـه

قاطعتنـي بقولها سبحـان رب العالميـن
كـــررتـها مــــــره ومــــــــــرتيـن ورابعـه

قلـت وشفــيك وشبـلاك بابنيه ترجفـيـن
ليش عينك يابنيه مـــــن كـــــلامـي دامعة

قــالت الموقف وقلبي والمـحبة والحنين
كــيف أشـوفك بعد مــــا كنت عنك قانعة

قلت أنا بسالك أن كأنك أنتي تذكرين
عــن مواثيـق ثـمنها مــــن حــياتـي دافعـه

قالت ظروف الزمان ما تطيع العاشقيـن
بيعونـي غـصب حـــبك لو هو ماني بايعـه

أنا في دنياي حالي كنها حال السجين
حتى لــــو فكـــوا سراحه فيه شي مانعـه

زوجوني غصب واحد وحرموني حاجتين
السعــــادة فـي زمانـي والحيـــاة الرائعة

والحين أنا أم لثلاثة عندي ريم وياسمين
والولد ا سمه على اسمك والمشاعـر جايعـه

​
 

دموع اليآسمين

Well-known member
رد: قصة غزلية تحكي عن الفراق

[align=center]
زوجوني غصب واحد وحرموني حاجتين
السعــــادة فـي زمانـي والحيـــاة الرائعة


كلمات رائعه
واختيار موفق
تحيااتي لك
مع باقات فل
[/align]
 

waard

Well-known member
رد: قصة غزلية تحكي عن الفراق

كلام جميل يا باشاااااااااااااا

كلك زوء في ارتقاء الموضوع

شـكــ وبارك الله فيك ـــرا لك ... لك مني أجمل تحية .
 

خيوط الشمس

Well-known member
رد: قصة غزلية تحكي عن الفراق

أنا في دنياي حالي كنها حال السجين
حتى لــــو فكـــوا سراحه فيه شي مانعـه


طرح رائع ومعبر

تقبل مروري
 

كاسر

Well-known member
رد: قصة غزلية تحكي عن الفراق

مشكورين النور الذي زتم به الموضوع
 

مواضيع مماثلة

أعلى