دجاجة بياضة

نور الاسلام

Well-known member
السلام عليكم ورحمة الله وبركاته

أولا وقبل طرح موضوعي

بتمنى من كل الشباب يدخلواويقرؤا وبعدين يعطوني رأيهم === بصراحة ===

هل تفضل الارتباط بمرأة عاملة؟أم ربة منزل ؟ولماذا

؟ يمكن سؤال غريب شوي بس جاوب بضمير

[أخواتي أخوتي في المنتدى ما دفعني لكتابة هذا الموضوع مايجري من حولي وبصرااااحة أكثر (ما يجري معي)

فأنا ولله الحمد فتاة =أولا=على دين وخلق وجمال
و=ثانيا=موظفة كما يقولون= دجاجة بياضة =وعندما يتقدم شخص لي تأتي الأم وتقول= بالتم المليان =شو مثبتة ولا............
.حتى أثارت غضبي ذات مرة وحدة سألتني مثبتة أو وكيلة وكم راتبك ؟فحبيت أجربها وقلتلها =وكيلة=واحزروا شو صار .. طلعت و مو شايفة طريقها وهي عم تحكي حالها =والله قالولي مثبتة=ومرة وحدة سألتني ليش مولابسة دهباتك شو ما عندك (والله ما عم بالغ هاد الي صار معي)

آسفة طولت عليكم بس حبيت احطكم بالصورة . برأيكم ماسبب هذا التفكير وهل هو صائب >لانو صار عندي حساسية من هالموضوع قال الرسول الكريم قول تنكح المرأة لأربع :لجمالها وحسبها ومالها ودينها فاظفر بذات الدين تربت يداك )وكأن الناس تجاهلت كل هذه الصفات والتفتت الى المال فقط والآن أضع الموضوع أمامكم لمناقشته وأتمنى عددكبير من المشاركات رأيكم يهمني كثيرا فلا تبخلو علي به ودمتم لي أخوة أعزاء



 

ترانيم العشق

Well-known member
رد: دجاجة بياضة

اختي نور الاسلام
اول شي بتمنالك انسان يقدرك ويرتبط فيكي لدينك واخلاقك
بالنسبة لطرحك
والله هاد صاير حال الناس
عم تهتم بالفلوس اكتر من اهتمامها بالاخلاق والدين
وعم يهتموا بالبنت اللي عم تشتغل اكتر من البنت اللي عاطلة عن العمل
وتبرير هالشي...غلاء المعيشة وانه لازم الاتنين يبنوا بيتهن سوا
طبعا في تفاوت بهالموضوع
وفي ناس ما بهمها الوظيفة والفلوس والجمال
بتهتم بالدين والاخلاق
الله يهديهن ويرجعوا للدين في الاختيار
وانتي تأني باختيارك
وان شالله تلاقي انسان يقدرك ويريحك
بتمنالك التوفيق
 

الـعـرّاب

أدارة موقع رحى الذكريات
رد: دجاجة بياضة

انا بصراحة بفضل المراءة ربة المنزل

وليش بختار هالمراة صراحة مارح اقدر جاوبك هلئ

الي رجعة تانية للموضوع انشاء الله

حبيت اشكرك

شكرا الك
 

OSKAR

Well-known member
رد: دجاجة بياضة

الله يوفقك ويبعتلك ابن الحلال اللي يصونك ويستتك شـكــ وبارك الله فيك ـــرا لك ... لك مني أجمل تحية .
 

*خالد*

من المؤسسين ,
رد: دجاجة بياضة

وعليكم السلام ورحمة الله وبركاته
هلا خيتي نور الاسلام
هل تفضل الارتباط بمرأة عاملة؟أم ربة منزل ؟ولماذا
والله مافي أحلى من ربة المنزل
والاسباب أنه يكفيني ارجع بيتي والقى كل شي منظم
وبالمستقبل عشان اولادي مو بيت وظيفة والله غانيني عن وظيفتها شو كان مركزها في العمل
فاظفر بذات الدين تربت يداك
يكفيني آخر شطر من كلام سيدنا رسول الله صلى الله عليه وسلم
مشكورة خيتي نور:SnipeR (69):​
 

waard

Well-known member
رد: دجاجة بياضة

يسلمو لطرح موضوعك الجميل بيننا نور الاسلام

انا من ناحيتي ما بهتم ان كانت موظفة او ست بيت

لانهم او لانكم ضعفاء يعني يجب علينا الاعتناء بكم

حتى ياتي الاجل الينا وماانخلي بنت الحلال يلي بدنا انجيبها يكون ناقصها شي

وتاني شي انو نهتم في بعض في امور الحياة لانها مهما عملنا يبقى كثير من

الاشياء ناقصة في حياتنا التي نعيشها

اسف للاطالة نور الاسلام والله يبعتلك ابن الحلال يلي ايصونك ويحميكي

وايدير بالو عليكي

موفق بإذن الله ... لك مني أجمل تحية .
 

(فتى النماص)

Well-known member
رد: دجاجة بياضة

من وجهة نظري ما أحب اللي يتزوج المرأة لمالها فقط وأنا أحب أكون أنا اللي أعطيها المال أما أني آخذ منها لا.. ألا إذا هي أعطتني من نفسها ومن أساسيات اللي أتمناها في البنت اللي بتزوجها أن تكون على خلق ودين..
 

نور الاسلام

Well-known member
رد: دجاجة بياضة

السلام عليكم ورحمة الله وبركاته اشكركم من كل قلبي للتفاعل معي وأخص بالشكر سارة لتفاعلها مع أغلب مشاركاتي ولردودها اللطيفة وبالنسبة للشباب لو كل الشباب بفكروا متلكم لكانت الدنيا بألف خير
 

LEGENDS

Well-known member
رد: دجاجة بياضة

وعليكم السلام ورحمة الله وبركاته ​

هل تفضل الارتباط بمرأة عاملة؟أم ربة منزل ؟ولماذا​




افضل المرآة العاملة عن ربة المنزل ولكن عليها ان تنجز واجباتها الزوجية و الاسرية قبل العمل​

و أن كان لا ، فستكون ربة منزل للاسرة بعض النساء لا تستطعن ان توفقن بين العمل و الاسرة .​

فاظفر بذات الدين تربت يداك


صدق رسول الله صلي الله عليه وسلم​


​
شكراً لك نور الاسلام ، ربنا يحل كربك انشاالله​


​







 

حمامة بيضاء

Well-known member
رد: دجاجة بياضة

شكرا لك على هذا الطرح المميز

سلمت يداك,بتمنالك الخير من كل

قلبي.الله يسعدك ويحميك ويرزقك ب

بإبن الحلال يلي يقدر قيمتك,كوني

بخير صح فطوركم كامل.
 

RETARETA

Well-known member
رد: دجاجة بياضة

للأسف آراء أغلب الشباب مثالية في هذا الموضوع

والدنيا قسمة ونصيب

واللي بدو يرتبط فيي عشان وظيفتي ولا عشان راتبي بلا منو أحسن

ربي يوفقك حبيبة ألبي ويهدي بالك

وبتشكرك على الموضوع الحساس

ورودي إلك
 

مواضيع مماثلة

أعلى