السلام عليكم ورحمة الله وبركاته اليوم ام محمد كانت في السوق بتعمل شوبنق هن النسوان شو الهن غير السوق والمشترى والموضى والصرعات والشاطرة والشاطرة اللي بدها تجيب أحدث موديل قبل كل القرايب والجارات والله يكون بعون هالزلمه ورجعت ام محمد من السوق الا هالتلفون ترن ترن ترن وردت ام محمد هالو ولا هاي جارتها كيفك ياام محمد انا ام خالد فاضيه ام محمد خير شو في ام خالد بدنا نيجي عندك انا والجارات ام محمد اهلا وسهلا انا فاضيه منتي عارفه هالزلمه مسافر عندو شغل بفلسطين ام خالد طيب حطي الركوة على النار مسافة الطريق وراحت ام محمد تلبس اللي على الحبل يعني الجديد اللي جابتو من السوق وتحومرت وتبودرت وتهندست وتشيكت وكأنه ابو محمد راجع من السفر ونادت على محمد تعال يماما يامحمد روح جيبلنا من السوبر ماركت بيبسي ياماما مش تجيب حيا الله اشي وكيك امريكانا يماما مش حيا الله كيك دير بالك يماما بدي ضيافة كويسه ورن جرس ام محمد واهلين اهلين والله نورتوني ااااامووووووه من هالخد ومن هالخد وقعدوا هالجارات على هالتراس يتشمسن ياااااي ياام محمد من وين هالفستان بجنن والله ياحبيبتي هاد هلأ جبتوا من السوق اااااااخر صرعة امريكي هاد امريكي الجارات أكيد ياام محمد اه والله مش محلي ولا الو دخل بالصناعة العربية نهائيا الجارات والله مبين عليه من القماشه وجابت ام محمد الفواكه وبلشنت ام محمد يييييييي علينا وعلى هالفواكه والله ماهي نافعة اللي مخمج واللي مش مستوي وبتشتريها من البياع بيحكيلك طازه Fresh متى بيجي ابو محمد وبيجيب هالفواكه من الضفه والله اليهود بيزرعوا هالفواكه اشي بيشهي هالتفاح والمنجى والفراوله ولا البردقان والكاكا والكلمنتينا عن جد اشي بشهي ياعمي مابغشوا صادقين ولا اللبس ياعيني على اللبس بتزهقي منوا لبس وهو زي ماهو والله ابو محمد جاب لمحمد بسفرته الماضيه جاكيت زي جاكيتات اليهود روعه قماشته وشكله روعه ياعمي مافي عندهم غش ولا البيسلي والبريلي والكاندي (شيبس ولبن بالفواكه والكاندي بتعرفوها من صنع اليهود) والله شغلات بتشهي مشفتش شغلات زيها عنا والله كل اشي بسوا هاليهود زاكي الجارات ياعمي مابغشوا صادقين صادقين وهكذا دواليك ........................................ لاالزراعه ولاالصناعه ولاالا كل ولا حتى الشرب العربي المحلي بيعجبنا يااما مستورد من الغرب او اليهود الغاشمين يااما مابينفع مش زاكي مش كويس مش منيح بالله عليكم انه هاد الكلام في كل بيت عربي تقريبا مش بنفس المكتوب بالنص 100% لكن موجود وللاسف وياخساره اغلبنا مابعرف انه احنا هيك بندعمهم وبندعم اقتصادهم وبالرغم من اللي صار مؤخرا في الدنمارك وهولنده بس أغلبنا لحد الآن نشتري منتجاتهم وبندعمهم عن جد وضعنا احنا العرب مأساوي للغايه وأكبر دليل غزة غزة غزة غزة دمروها واحنا بنتفرج ايدينا على خدودنا
