تجنبنا للخطأ بسبب العادات ولا بسبب شو ؟؟؟

بنت اليمن

قسم الأزيـاء و الموضـة
تجنبنا لأخطائنا بسبب العادات والتقاليد وإلا بسبب شو؟
الموضوع هاد منتشر هالايام انو في كثير أشخاص وقت ما تحاكيهم عن شيء منشان يعملوه يقول لا هاد مخالف لعاداتنا وتقاليدنا وما رح ساويه طيب هو وقت ما بيعمل هالشيء ما بيعملو لانو غلط لا لانو بعاداتهم وتقاليدهم ما حدا بيساوي هالشيء مو لانو هالشيء غلط ومو لازم يساويه وما رح انفي حالي من هالفئه لا. أنا في بعض أشياء بيقول هالشيء منافي لعاداتنا وما بساويه بس ليه ما نتجنب هالشيء السيء لانو غلط مولانو شيء ممنوع بمجتمعنا ما أنت بتقدر تساوي هالشيء وما حدا يقدر يشوفك بس وقت أنت بتكون مقتنع فيه بتقدر تساويه بس وقت تكون أنت عارف انو هالشيء أصلا غلط ما رح تساويه لامنشان عاداتك ولا منشان حدا فنحنا بنامل بجيل اصراروا على تجنب الخطا يكون نابع من فهمو وعقليتو مو من تتبع شيء ما بيعرفوا .

بتمنى تشاركوني بأفكاركم وحواركم وان شاء الله بنوصل لتسويه .
تحياتي للجميع
 

عاشق النجوم

كاتب محترف
رد: تجنبنا للخطىء بسبب العادات والا بسبب شو ؟؟؟

الاصول كل واحد يتقيد بالعادات والتقاليد
ويحاول يعمل الها حساب
لانو الشخص مش عايش لوحو بالدنيا
لهيك كثير من الامور يجب ان
نراعيها قبل القيام بامور معاكسه
صحيح في امور خاطئه
نحال نتجنبها ونصلح نظرة المجتمع الها
باساليب كثيره
مشكوره خيتي على طرحك القيم
موفق بإذن الله ... لك مني أجمل تحية .
 

فتى العاصي

كاتب جيد جدا
رد: تجنبنا للخطىء بسبب العادات والا بسبب شو ؟؟؟

مشكورة على الموضوع

أول الشيء لازم نفرق بين العرف والعادة وبين الدين يعني هل شيء مع الدين أو مخالف له

أختي اي أمر قبل ما نقوم فيه لازم نحطوا في ميزان الشرع قبل عرف المجتمع

فإذا كان مطابق لدين ومنافي للعاده والتقاليد فعادة والتقاليد ما بتسوى شيء مثال على ما أقول

درج في بعض مجتمعاتنا إذا زوجت البنت الأب وإخوات البنت الذكور ما بيحضروا زفافا بقولوا هاد عيب ما بصير أحد من أقربائها الذكور يحضروا وهي العادة موجوده في مدينتي هي العادة الشائعه غلط لأن النبي صلى الله عليه وسلم زف فاطمه الزهراء لسيدنا علي رضي الله عنه

وهناك عادات وتقاليد موافقة لدين متل حرام الشب والبنت يجلسوا مع بعض لحالن وأنا مع هل الشيء

خلاصة كلامي أي عمل بدي اقدم عليه لازم حطوا في ميزان الشرع فإا كان موافق الشرعومخالف للعادهو التقاليد قمت فيه ولا أنظر للعادة والتقاليد وإن كان غير ذلك ما بقوم فيه وإن كان بالعادات والتقاليد صح

وهون في نقطه مهمه يجب أن نفرق بين العادات والتقاليد والشرع

هذا هو رايي تقبلي مروري المتواضع
 

بنت اليمن

قسم الأزيـاء و الموضـة
رد: تجنبنا للخطىء بسبب العادات والا بسبب شو ؟؟؟

اختي تير مفهوم الغلط مو مفهوم واحد الغلط الو مفاهيم كتيره
مشكوره لمرورك وردك
 

بنت اليمن

قسم الأزيـاء و الموضـة
رد: تجنبنا للخطىء بسبب العادات والا بسبب شو ؟؟؟

اخي عاشق وفتى العاصي بتشكركم على ردودكم ومرورك
وكل واحد الو وجهة نظر وانا بحترم وجهات نظركم كلكم
تحياتي للجميع
 

RETARETA

كاتب جيد جدا
رد: تجنبنا للخطىء بسبب العادات والا بسبب شو ؟؟؟

تجنبي للخطأ بسبب قناعتي أنو خطأ

ومادامت الانسان تربى بطريقة صحيحة

وتشرب مفهوم الصح والخطأ بالاقتناع والتجربة والعقل

لا بالتقليد الأعمى والقبول به دون السؤال

فهاد إنسان برأيي بيعمل قناعاتو بدون تردد

والمجتمع مهما حكا عليه ؟أو قال أو هاد خالف العادات والتقاليد

هو ببساطة لو واثق من حالو أنو ما غلط أخلاقيا أو دينيا

عندو قدرة يدير ظهرو لكلام الجميع أو كمان فيه يقنعهم بالعقل لو أراد ذلك

تحياتي لك غاليتي ومشكورة على الطرح القيم
 

أمل فلسطينى

كاتب جيد جدا
رد: تجنبنا للخطأ بسبب العادات ولا بسبب شو ؟؟؟

الغلط هو نفسوو الغلط

ونحنا بنحاول تجنب الغلط

وكلنا خطائين وخير الخطائين التوابين

وأكيد عاداتنا وتقاليدنا بتحكمنا قبل مانعمل الغلط

وعلى طول أهلنا بيذكرونا بالعادات أذا نحنا نسيناها مع زحمة الأيام

وقبل كل هاداا لازم نحط مخافة الله بين عيونااا

والحمد لله على أنا مسلمين


مشكوره على طرحك


تقديرى ،،،،
 
أعلى