مشكلة هجر الزوج

قيثارة

كاتب جيد جدا
لما تدخل في علاقة وتوصل لحد شريكك سابك ومشي وقالك مش عايزك وفي حقيقة الوضع انت مغلطش فيه علشان يعمل كدا.
اوعى وقتها يكون رد فعلك انك تتحايل عليه علشان يكون معاك ، او تفضل تبعت له رسايل ليه هاجرني وسايبني
او تبعت حد من اهلك من حين لآخر علشان يقوله مالك ويطيب خاطره علشان يرجع لك
لانك لو عملت كدا حرفيا انت بترخص قيمتك عنده، ودا بيخليه يعند اكثر وهو بيتكبر عليك وفترة الخصام والهجر تكبر وتكبر
ولو رجع لك بعد كدا هتلاقيه يرجع بشروطه اللي بتنتقص من حقوقك وهو حاسس انه عامل فيك جميله برجوعه
ولو ست هي اللي اتحايلت على جوزها علشان يرجعها، وبعد كدا رجعها هتلاقي معامله اسوأ مما كانت، وممكن توصل لشتايم وضرب واهانات وزيادتها ، ولو كان بيخونها هيخونها اكثر وادامها.
#الخلاصة
عزز من قيمتك علشان يهتم بك ويحترمك
ولو جه يوم واتحايلت على اللي مش عايزك، اوعى تشتكي من اللي هيحصلك،
ولو عايز يرجع لك دا له اصول وطبعا من علاقة لعلاقة امور بتفرق في المعالجه.
َودمتم على خير
#رشا_حمودة
المستشارة الأسرية وممارس الدعم النفسي وتطوير الذات

 
أعلى