نصيحة لكل زوجة
مساء الخير عليكم جميعا يا رب تكونوا بكل خير
انا هادخل في الموضوع على طول من غير رغي ابتسامة
نصيحتي ليكي هيا كالأتي ....
إياكي ثم إياكي تاخدي قرش واحد من ورا جوزك
اللي عاوزاكي تعرفيه ان دي تعتبر سرقه
هاتقولي سرقة ازاي ده جوزي وفلوسه وفلوسي واحد وعادي
اقولك لاء يا حبيبة قلبي مش صح لان المفروض انك تصوني جوزك في ماله وفي عرضه
وزي ما بتصوني عرضه لازم تصوني ماله
وبلاش بالله عليكي الافكار القديمة بتاعة لازم تقصقصي ريشه ولازم ما يبقاش معاه فلوس علشان ما يبصش بره
صدقوني كل الكلام ده غلط وبالعكس الراجل لو مرتاح نفسيا في بيته عمره ما هايبص بره ابدا
وعاوزة اقولك حاجة مهمة جدااا لازم تعرفيها منك ليها
تأكدي ان اللي بتاخد فلوس من جوزها من وراه بينعكس ده على حياتها وربنا بيعاقبها في بيتها وفي ولادها
يعني هاتاخدي جنيه هاتلاقي قصاده بعد الشر حد من ولادك تعب وصرفتي ميه
او تلاقي جهاز من الاجهزة تلاجة او غساله تلاقيه باظ ومحتاج تصليح بالشئ الفلاني
ده غير المشاكل اللي بتلاقيها من غير سبب وتقولي يا رب في ايه بس
يعني بالعربي كده بيكون قرش حرام وربنا مش مسامح فيه
لان جوزك يا حرام تعبان وشقيان ومديلك الامان
ايه الشعر اللي باقوله دهاحلى ابتسامة
هاتقوليلي طيب قدري انا محتاجة حاجة ضروري وهوه مش راضي يجيبها
اقولك لازم من البداية خالص تتفقي معاه على مصروف شخصي ليكي يكون بعيد عن مصروف البيت يعني انتي حرة التصرف فيه تصرفيه زي ما انتي عاوزه
ويكون على حسب مرتبه او دخله ولازم تعرفيه ان ده حقك شرعا
وهنا انتي تقدري تحوشي من مصروفك وتشتري اللي نفسك فيه وتقدري تجيبي اللي انتي عاوزاهابتسامة
خلاصة الكلام يا بنات نصيحتي ليكم هيا الامااااااانة ثم الاماااااااااااانة
وصدقيني هاتلاقي النتيجة قصاد عينك لما هاتشوفي ان ربنا مباركلك في جوزك وفي ولادك وفي بيتك
يا رب تتقبلوا النصيحة من اخت ليكم بتحبكم في الله
وربنا يحفظكم جميعا من كل سوء ويصلحلكم الاحوال اللهم امين
هندوز
منقول للامانه
١٦
