فى الاول كده فى زوجات بتقول ليه احنا اللى هندور على السعاده والحب وهما لا وهما مش فى دماغهم اصلا
هقولك انك تعملى كده عشان تسعدى نفسك اولا وان مجرد طاعه الزوجه لزوجها دى طاعه لربنا
فخلى فى نيتك دايما انك بتعملى كده عشان ترضى ربنا وبعدين تسعدى نفسك
وبلااااااااااااااااااش النكد اللى احنا عايشين فى دايمااااااااا
1..بلاش تكونى انتى مصدر النكد لزوجك وكفايه عليه القرف اللى فى الشغل وجربى تقابليه بابتسامه بدل الوش الجبس اللى احنا بنركبه على طول ده
طبعا احنا ملناش ذنب يدخل علينا بتكشيره وهوه راجع من شغله بس كل الرجاله كده متفتكريش انك لوحدك ومتبقيش انتى والزمن عليه هههههههههه
2...مهما حصل متحاوليش تكذبى عليه حتى لو حاجه هايفه عشان ميفقدش ثقته فيكى ويبقى مطمن فى شغله دى بتفرق اوووووووووووووى مع الرجاله خصوصا لو بيغيب وقت طويل عن البيت
3...طبعاااااااااااااااااااا الإهتمام بالمظهر ودى حاجه كتير مننا بيكسل عنها او بيعملها فى المناسبات وخلاص بس هيه بتفرق معاهم جدااااااااا وبيبقوا مستنيين يشفوكى دايما بتجددى من نفسك حتى لو مبيعلقوش
4... محاولة حل المشاكل بينكما والتصالح قبل الذهاب إلى النوم. والتساااااااااااااااامح
هوه مش عدوك عشان تفضلى تحوشيله وبعدين تنفجرى فى وشه زى القنبله وسمعت شيخ قبل كده بيقول مجرد مايجى جمبك ويحاول يصالحك خلاااااااص انسى كل حاجه وسامحيه دا هوه الراجل وجالك لحد عندك
معاكى انها ممكن تكون صعبه شويه خصوصا لو كان غلطان وانتى لسه مش صافيه بس خدى بالك لو هوه جالك مرة وانتى فضلتى مبوزة مش هيكررها تانى ودى مجرباها وساعتها هتقولى ياريتنى فكيت بسرعه ههههههههههههه
5...الإهتمام بالعلاقة الحميمية بينكما. ودى حاجه بهتم بيها الرجل اووووووووووووووى وبيحب انك تطلبيها منه رغم ان ممكن تكونى مش رايقه او مش فارقه معاكى اصلااااااااااااااااااااااااا بس احنا اتفقنا اننا نعمل كده عشان نرضى ربنا وبدل ما يبص بره ونرجع نندم
طبعا مش كل الازواج هتعمل كده بس ممكن تدور على بديل تانى زى انهم يخرجم كتييييييييير مع اصحابهم او يطولوا فى الشغل بدون داعى ويقضوا الاجازات مع اصحابهم واحنا مرميين فى البيت ولا لينا لازمه بس هاتيجى تبصى تلاقى ان الواحده بتكون السبب حتى من غير ما تاخد بالها
6...حاولى تبعتيله رسايل فى شغله سيبك من رسايل الموبايل دى قديمه وممكن تكون عاديه اكتبيله رساله فى ورقه وحطيها فى جيبه او فى محفظته الحاجه اللى بيفتحها يوميا وممكن تنوعى فى الرسايل وتكتبى ادعيه او كلام من قلبك مش لازم رساله نصيه
والفكرة دى شفتها هنا من فتوكه وعجبتنى خلينا نجربها مع بعض
7...دايما خرجى اللى فى قلبك وسمعيه كلام حلو وادعيله وهوه خارج او لما يجبلك حاجه بتحبيها هيفرح اوووووووووووووى
المهم تختارى الوقت اللى تخرجى اللى جواكى فيه ومتكسفيش وانتى بتقوليله الكلام ده متخبيش خيبتى
انا نفسى مش بعرف اخرج اللى جوايا وبلاقى لسانى وقف بس هما بيبقوا محتاجين يسمعوا الكلام ده
8...حاولى تروحى عند مامتك يوم او اتنين بس مطوليش ومتعمليهاش كتير والمهم انك تروحى وانتى مش غضبانه الفكرة دى كنت بقراها كتير اووى بس بقول مينفعش طبعا وايه الروقان ده بس حصلت معايا صدفه بسبب حملى وهتحسى بفرق كبير بعد ما ترجعى وهتتفاجاى كمان بحاجات حلوة
9...حاولى تعمليله مفاجاه حلوة زى انك تجبيله هديه او تعمليله جو رومانسى هيتبسط اووووووى خصوصا لو مش متعود على كده منك وهيستنى كل مرة انك تحضريله حاجه مختلفه
وطبعا مش هيينسى اليوم ده
ودى فكرة بقرائها كتيييييييييييير اوى بس للاسف معملتهاش غير مرة واحده اول ما اتجوزنا كنت طفيت النور وولعت شموع وعجبته اوى ولحد دلوقتى بيفكرنى باليوم ده بس مكررتوش تانى مش عارفه ليه يمكن كسل ولا ايهباضحك
10...حسسيه انك بتغيرى عليه بس اوعى تخنقيه بالاحساس ده وفى نفس الوقت خليكى تقيله وواثقه من نفسك
هستنى افكاركم وتجاربكم ورد فعل الا زواج بيكون ايه
اللى جربت فكرة وعجبت جوزها اوووى تقولنا عليها
واللى حصل منها موقف بسيط فى نظرها وزعل جوزها منها تقولنا عليه
وربنا يسعدنا كلنا يارب ومتنسونيش بدعوه حلوة
منقول
هندوز
