كنا قاعدين شلة شباب
بنلعب شدة وبنأرجل ومبسوطين
وفي واحد من الشباب سرحان مع التلفزيون
وانا بشوفو لقيتو كتير مندمج مع الفلم
مع انو شيخ وقليل ما بيحضر تلفزيون
المهم بقللو شو يا شيخ شو القصة يا كبير
وين سارح وتاركني وراك
قللي : بعدين بحكيلك انتا بس اغلبهم وبدون ما تغش
قلتللو طيب
بعد يوم كنا انا وهو لحالنا بيحكيلي
والله يا بو وسام امبارح الفلم كان حلو
شفت الممثل بحب البنت وراحلها بحصان أبيض وقعد تحت البلكونة يغنيلها
قلتللو : هادا فلم رومنسي ( ال يعني بفهم بهالشغلات انا )
قللي : ابو وسام انا عارفك واحد هامل وبدي تساعدني بهالشغلة
انتا مع البنات باعك طويل
قلتللو : باعي وتلتين مخاخي معك انتا بس أأمر على شو ناوي
قللي : في بنت بحبها شفتها قاعدة ع البلكون وبدي اعمل زي الفلم
حكيتلو : انا بعرفش اشوفر ع حصان انتا بتعرف قللي لأ
قلتللو : طيب انا بشوفر ع حمار وبدبرلك حمار أبيض
قللي : شو انتا ناوي البنت تكب علينا سطل ملوخية
قلتللو : يع انا ما بحبها للملوخية انسانا من هالفكرة
قعدنا نفكر بطريقة بدنا اشي ابيض وعملي وبنفس الوقت رومنسي
قلتللو : لقيتها
قللي : شو هي
قلتللو : الليلة بدنا نسرق سيارة أبوك لأنها متسوبيشي وبيضا
قللي : والله انك جبتها بس افرض ابوي ما رضي وما نام بدري بتجيب سيارة امك
حكيتلو : شو يخي امي .... بترضاش بعدين لو بدي اسرقها مهي سودا واحنا بدنا بيضا
قللي : اااااااااه خلص الليلة بسرقها ولا يهمك
المهم بهالليل برن عليي وبيحكيلي اطلعلي ع الشارع وهات معاك الطبلة
انا : شو بدنا بالطبلة
قللي : هاتها وما الك دخل جزء من الخطة
وطلعت بهالطبلة ع الشارع وركبت معو
اخدني زقق عمري ما دخلتها لحد ما وصلنا منطقة سكنية غريبة تقولو ساكنين تجار مخدرات
بلش يضوي عالي واطي وزمر زمور
طلعت هالبنت ع البلكون
قللي شوف هالقمر ابعد عني قييييييييييييييييييييييم
قلتللو والله ماني شايف اشي هاي ع الطابق الخامس وانا نسيان عيني تبعت الزوم
قللي مش مشكلة انا شايفها حلوة ... هات ناولني الطبلة
اعطيتو الطبلة وبلش يغني وبما انو شيخ مش حافظ غير اغاني دينية
(بس ع فكرة صوتو حلو اسألو ابو هيفا )
يا مزة لو شفتي رفاقي بالزنزانة وحولي
حكيتلو : شو ناوي تكب علينا باميا
قللي : لأ
قلتللو غير غير الاغنية وانا متخبي في الكرسي الوراني بالسيارة بلاش تشوفني
قللي شو اغني
قلتللو : اي شي غير هاي
قللي طيب وبدا يغني
بالاحمر كفناه بالابيض كفناه بالأشقر كفناه
قلتللو شو بتخبص غني اغنية رومنسية
او اي اغنية شعبية ازا مش حافظ
حول يغني وحدة تانية :
سحر عيونك جنني ... حبك علمني غني ... ئوليلي قيس المجنون دخلك شو بيفرء عني
انا نطيت : كبير يا شيخ ايوا هاي
وهي من فوق انبسطت وسقفتلو
وهو اخدو الحماس وكمل الاغنية
ستك شربت الويسكي ... فكرتها ميرمية ... ولما طالت الويسكي لفت ع الختيارية
هون البنت انجنت وكان في عندها كرسي وسطل مي
ضربتو الكرسي واجا بالسيارة وخرب الانتين
وسطل المية كبتو علينا
لأنو انا شردت من الكرسي فكرتو صاروخ
وروحنا زي المساكين بعد ما لفينا نص محلات قطع السيارات عشان نشتري الانتين
ابوك ياالحب شو بتزل
بعد ما وصل الاغنية المطلوبة خبص بالاخر
يللا بتعلم
المرة الجاي بدي اعلمو كم اغنية من الاخر
لرشيد العبيد
وصالح القرمي
وشفيق كبها ما بدنا الو لأنو بغني عن السكر
واهم شي المطرب الرومنسي
مشعل القنيبي http://3laamaria.ahlamountada.com/montada-f7/topic-t1957.htm#7885
