الطريقة
********
طبعا الحمام بعد التنظيف والغسيل اخلي الجلد عن اللحم بحيث يكون فى فراغ احشي فيه الرز لحد الرقبة اسيبه يتصفى واجهز الحشوة مقدار الرز لكل حمامة مقدار قبضة ايدك رز او بالتحديد نص كوباية اغسله واجهز بصلاية مفرومة اشوحها فى قطعة زبدة وانزل بالكبد والقوانص المقطعة قطع صغيرة واتبلها بالملح والفلفل والقرفة وانزل بالرز يتشوح معاهم وازود المية يادوب تغطيه فقط مش اكتر اول ما يتشرب وطى عليه يبقى نص سوى جهزى مية السلق زى سلق الفراخ واللحمة بالطريقة المعروفة احشي الحمام من الداخل وتحت الجلد وقفلى الرقبة بالخلة لما تغلى الشوربة انزلى بالحمام والشوربة يا دوب مغطياه مش تملى الاوضة مية وترميها عشان لما يغلى ميفرقعش وتخلى الحمامة على ظهرها لما يغلى وطى عليه مش اكتر من ٤٠دقيقة طلعيه رصيه فى صنية وادهنى الوش زيت على زبدة ودخليه الفرن تحت الشواية او حمريه فى زيت غزير حسب الرغبة هيديكى نفس اللون وبالهنا مع تحياتى
