المقادير:
الكريم كراميل :
1/2 كيلو لبن
1/2 كوب سكر
4 بيضات
3ملعقة كبيرة لبن بودرة
ملعقة صغيرة فانيليا
1/2 كوب سكر للكراميل
ربع كوب ماء
للكيكة :
كوب وربع دقيق
ربع كوب كاكاو خام
2بيضة
نصف كوب لبن
نصف كوب زيت
كوب الا ربع سكر
ملعقة كبيرة بيكينج بودر
ملعقة صغيرة فانيبليا
رشة ملح
الطريقة :
1- في طاسة انزل السكر والمية وعلي النار وافضل اهز فيها لغاية مالسكر يتكرمل ويبقا لونة قريب من البني يعني برتقالي كده وانزلة في القالب وميتقلبش خالص .
2- في الخلاط انزل اللبن واللبن البودر والبيض والفانيليا والسكر واضربهم كويس جدا ولو مفيش لبن بودر مش مهم بعد ضربهم انزلهم علي الكراميل .
3- في الخلاط او بالمضرب الكهربائي انزل البيض والفانيليا والسكر واضربهم كويس لغاية ميبقا الخليط ابيض وعالي وانزل الزيت مع الخفق اول مالخليط يعلي انزل اللبن واخلطهم كويس جدا .
4- في بولة انزل الدقيق والكاكاو والبيكينج بودر والملح واقلبهم كويس وبالمصفا انزل خليط الدقيق وانخلة كويس علي الخليط السائل واضربيهم كويس جدا وانزلهم علي خليط الكراميل والكريم واغلي مية وانزلهم في صنية واحط فيها القالب .
5- في فرن سخن علي درجة حرارة 180 علي الرف الوسطاني لمده ساعة واسبها تهدي خالص تقعد فى التلاجة ساعتين او اكتر ويفضل ليلة كاملة بعدها اقلبيها فى طبق التقديم وبالهنا ...مع تحياتى
