جودي ومودي
كاتب محترف
هناك مقولة لأفلاطون بيقول فيها: ” لا تربي الأطفال على التعلم بالقوة والقسوة، بل قدم لهم الوسائل التعليمية المسلية التي تناسب عقولهم، وسوف تلاحظ إصراراً غريباً منهم على التعلم لذلك نقدم لكم اليوم في منتديات عالم الزين نصائح لكل أم بتعاني في المذاكرة مع أولادها
خطوات وأمثلة هتساعدكم
لازم نخلي هدفنا في الفترة اللي بنقعد فيها للمذاكرة إنها تكون ممتعة ومش مجهدة
عشان في الأول والآخر لازم يكون هدفنا إن الطفل يتعلم ويستفاد مش مجرد دش وحفظ ودرجات في الامتحان وخلاص
اعملي نفسك تلميذة وابنك الأستاذ وخليه هو اللي يشرحلك الدرس
الطريقة دي رغم إن ممكن ناس تشوفها حاجة تافهة إلا إنها بتثبت المعلومة جدا وبتخليه يستوعبها جداً جداً وبتساعدك تعرف إذا كان هو فهم صح ولا غلط
لو طفلك مش حابب كتب المدرسة، ممكن تجيبيله حاجات تانية تكون جذابة ومثيرة للاهتمام وتكون بتتكلم في الموضوعات اللي عنده في الكتب
اعملي قايمة مع طفلك بالواجبات المطلوبة منه النهاردة وكل لما يخلص حاجة علمي عليها دا لأن الأطفال وكمان الكبار لما عقلهم الباطن بيحس إن الحاجة دي كبيرة ومش هتخلص بيحصله حالة خمول وكسل لكن لو شايفها بتخلص هيتحفز يخلصها أسرع
