علاج الحبوب البيضا تحت الجلد

جودي ومودي

Well-known member


الحبوب البيضا تحت الجلد ما هي الا دهون محبوسه تحت الجلد.
طيب وايه اللي حبس الدهون دي تحت الجلد؟!
_______________________________________
١_⬅️قله الاهتمام والعنايه بالبشره الدهنيه.
من المعروف ان البشره الدهنيه معرضه الشوائب والأوساخ بكتره خلال اليوم فمع قله تنضيفها والاهتمام بيها وعدم استخدام #غسول طبي يشيل الشوائب والميكروبات من الجو فتقوم الشوائب تسد المسام فتمنع خروج الزيوت والدهون فبالتالي تتحبس الدهون تحت الجلد.فتظهر علي هيئه #حبوب_بيضا تحت الجلد.

٢_⬅️او ممكن نهتم فعلا ونغسل بغسول ينضف البشره ويشيل الشوائب ..بس مش بنعمل خطوه مهمه جدا وهي #التقشير.
ازاي. وايه العلاقه ؟؟
التقشير خطوه مهمه جدا جدا ف روتين العنايه بالبشره الدهنيه زي ما شرحت قبل كده ف ڤيديو انه بيخلصني من الجلد الميت ويحسن استقبال البشره للغسول.
يبقي لو معملتهوش:- الجلد الميت هيسد المسام ويمنع خروج الدهون ف الدهون تتحبس تحت الجلد فتظهر علي هيئه #حبوب_بيضاء تحت الجلد.

اذن الفيصل ف موضوع الحبوب البيضا تحت الجلد هما #الغسول و #المقشر.
♨️((الغسول ))عشان ينضف البشره ويشيل الشوائب فنمنع ان المسام تتقفل وكمان هينظم إفراز الدهون عندنا انواع زي Avene Cleanance gel او Isis teenderm gel او La roche effaclar او Vichy.
وعندنا انواع حنينه شويه ف السعر بس محتاجه تونر بعدها زي Akreen غسول او Topigent غسول او Synobar.
♨️والخطوط المهمه التانيه هي ((المقشر )) وزي ما قلت فائدته ان يشيل الجلد الميت ويمنع انسداد المسام ويمنع تكون حبوب بيضا تحت الجلد عندنا مقشر زي
Isis Glyco A 12% مره اسبوعيا
او Pharmaceris almond peel مره يوميا
او Aselia Exfoliating gel مره اسبوعيا.

◀️◀️يبقي كان فيها ايه من الاول لو كنّا اتبعنا روتين العنايه بالبشره الدهنيه واستخدمنا. غسول ثم تونر ثم مرطب. الكلام ده مرتين يوميا وكنا عملنا مقشر مره اسبوعيا؟!
وكمان لو طلعنا ف الشمس لازم واقي شمس وقبل ما ننام نغسل بشرتنا كويس من الميك اب.
لو عملنا الروتين ده استحاله نلاقي لا رؤوس بيضا ولا سودا كمان.▶️▶️

طب يا دكتوره نسمه دلوقتي الرؤوس البيضا او الحبوب البيضا اتكونت تحت الجلد هنتخلص منها ازاي ⁉️
دلوقتي المسام مقفوله عاوزين نفتحها ونخرج الدهون المحبوسه دي من تحت الجلد. تمام؟؟
تمام..طب ايه اللي هيفتحلي المسامات دي ؟؟ اللي هيفتح المسام هو حمام البخار او جلسه تنظيف عند دكتور مختص .
بعد ما نعمل حمام البخار تقوم المسام مفتوحه نقوم نتعامل بقي مع الحبوب دي عن طريق اننا نستخدم واحد من دول:-
Acnebiotic solution.
Clindasol solution.
Aknemycin solution.
Dalacin T solution.

إذن هنلخص كل الكلام ده ف كلمتين:-
علاج الحبوب البيضا تحت الجلد عن طريق #غسول طبي مرتين يوميا. #ومقشر مره اسبوعيا .وعمل حمام بخار واستخدام #مَس زي Acnebiotic soln_Clindasol soln _Aknemycin Soln..​
 

سمر

Well-known member
جميل وعبارات منبهرة بجمال وروعة ما تكتبون
سلمت الأيادي
المعطرة بعطر الورود يا أحلى وردات الحقول..
 

مواضيع مماثلة

أعلى