جودي ومودي
Well-known member
- إنضم
- 17 يوليو 2019
- المشاركات
- 8,916
- النقاط
- 4,901
للاسف الستات بيكون عندها رغبة كبيرة في اصلاح كل حاجه حواليها
بتفضل تلف حوالين نفسها وتتنكد وتحزن وتتقهر وتكتئب
عشان تصلح كل الامور.. وتمشي كل حاجه بالمظبوط.. اتعلمي ان مش كل حاجه لازم تكون ١٠٠% .. كبري دماغك .. طنشي اهدي حبيبتي .. الدنيا مش مستاهلة ..
بتاكلي في اعصابك ليه .. بتنخري في روحك لييه ؟!
اللي مش هيتصلح وحاولتي فيه ومفيش أمل
عايزه تصلحي زوجك .. ويبقي متفصل علي مقاسك .. وعلي ومزاجك بالظبط .. يبقي بتحلمي
احب اقولك لو هو معندوش الرغبة والارداة انه يتصلح .. يبقي مش هيتصلح
انا مش بصدمك انا بس بقولك الحقيقة ..
وفري مجهودك لنفسك اكتر .. وركزي مع نفسك اكتر .. وبلاش تيأسي وتحبطي كل ماتشوفيه ..
رددي لنفسك ده ابتلاء واصبر عليه .. او ده ابتلاء واشوف بديل .. او تطنشي وتكبري عقلك تماما عنه وتركزي في نفسك وبسس ..
يكفرن العشير .. ايوا صححح صدق الرسول ..
يعني يكون عندها كل حاجه.. وفاقدة لحاجه واحده او حاجتين .. ✌
تقوم تركز علي الناقص وبسسس وتنسي الموجود والخير الكتير
علّمي نفسك تكوني مُنصفة وركزي علي الكتير الحلو اكتر من تركيزك علي القليل الناقص ..
عاش الستات بس كفاية كلاكيع ..
الدنيا بتتعاش مرة واحده .. عيشيها برواقة وراحة بال
متركزيش في كل حاجه .. وتدققي علي اي حاجه وتعطي الامور اكبر من حجمها ..
اهدي وعيشي ..