إنا لله وإنا إليه راجغون

لا أنسى

كاتب جيد
هاذي القصيده قالها شخص في ولد خال له توفى ولد خاله في بحر جدة بحادث وهو راكب الجت سكي الي هو دباب البحر الله يكفاكم شره وقايل القصيده يدرس في استراليا ولا جاه خبر وفاة ولد خاله الا متاخر فحزن عليه حزن شديد لن بينهم اكثر من الاخوان والشخص الي متوفي اخوي الله يرحمه ويسكنه فسيح جناته وعز الله انه فقيدة........................

أونست كن في خفايا القلب شبابي=شباب ضوآ يجز القلب بعروقه
ثور علي جرحي الي مابعد طابي=وناتي الي ترادف زادت فتوقه
ياهم يالي بناء في الجاش مرقابي=ماترحم الي جلبه الحزن في سوقه
ارخصتني بالسعر عن كل جلاابي=واصبحت أنا لك رهين صكو سبوقه
حالي كما حال عودآ ماله أقرابي=ماله عوال وحاله بينآ عوقه
يبدي الرضاء ويتجنب فتح الابوابي=ويكن من خوفة الشمات ونطوقه
وألا يتيما ترباء بين الاجنابي=كبدة من الجور والحقران محروقه
جداه لي صاح ثم ماحصل ايجابي=يبلع بريقه ودمع العين في موقه
يالابتي ياهلي ياجملة اصحابي=فقدت سبع يرد العلم ويحوقه
قرمآ نهار الملااقا ماهو يهابي=على علوم المراجل طبعه يسوفه
ينعاك يابحر جدة كل ماغاب=.نجمآ والااخر تبين وأضهر شروقه
خذيت فيصل وطاح الظرس والنابي=تكفى ابن خالي ندر من يطرق طروقه
ليته غدا في نهارآ فيه طلاابي=عجه تركز وباروده طما فوقه
كان القضاء والبدل ماعنه مجناب=.نارد بوظح النقاء مانرد بالبوقه
 

ابو شيماء

سيف الحق
رد: إنا لله وإنا إليه راجغون

ينعاك يابحر جدة كل ماغاب=.نجمآ والااخر تبين وأضهر شروقه
رحم الله ميتكم واسكنه فسيح جناته
وإن شاء الله شهيد
واحسن الله لكم العزاء
 

دااني

كاتب جديد
رد: إنا لله وإنا إليه راجغون

يسعدني اكون ثاني من رد عليك
كم هائل من المشاعر الصادقه سطرت هنا


أحرف تحمل بداخلها اسمى معاني الحب والوفاء

لك اجمل التحايا
 
أعلى