لحظة!فهموني

[دموع الشياطين]

بسم الله الرحمن الرحيم

انا بنت فلسطينية عايشة بفلسطين عشت وتربيت فيها
نفسي اعمل شي لهالوطن طبعا هاي مشكلتي وانا بحلها
بس الحمد لله اني عارفة انو في مشكلة بوطني
غيري مش عارف و شو المشكلة الي عندوانا كمان مش عارفة وبحاول افهم مش عم بستوعب
وما تسألو ليه انا مش عم بستوعب

طب ممكن استعين باستيعابكم علشان اعرف استوعب
​

• شو القصة بلبنان؟؟؟؟ من اساس المشاكل؟؟؟وليه كل صيف بيصير فيها هيك؟؟؟​

​

• شو القصة بالعراق؟؟؟ مين دمرها؟؟؟​

​

• شو القصة بالسودان ؟؟؟ومن جديد عرفت انها من الدول العربية​

​

• شو القصة بسوريا؟؟؟​

القصص هاي مش مستوعبتهم بليز ساعدوني



تحياتي واحترامي انا
TEAR SAHARA
دمعة الصحرى

​

 

رواتب الإطفاء في الكويت

اسعار هدايا التيك توك

مخالفات المرورالكويت

عدد المتابعين للربح من لايكي

مراسلة الفيس بوك

[ahmad]

رد: لحظة!فهموني

والله ماني عارف شو بدي جاوبك

والله لعرب كلمين ايدو الو كل واحد خايف عل كرسي الي تحتو

شوفي لبنان كل واحد راكد وار هل كرسي ومحد مدور شو عم يصير بل شعب

شوفي لعراق كم خاين باعو العراق ولي فيها
ولسودان مابعرف شي عنا

اما بسوريا ولحمد الله احنا بألف نعم عن غيرنا

والحمد الله عل كل حال

الف شكر اختي عل طرح

 

[ترانيم العشق]

رد: لحظة!فهموني

اختي دموع الصحارى
لا تحتاري كثيرآ لما يحدث
فهذا الأمر يتكرر وسيتكرر مرات ومرات
طالما هناك لوبي صهيوني
يتحكم بموازين القوة في العالمين
العربي والغربي على حد سواء
لو رجعت بذاكرتك للوراء عندما نشأ النزاع بين فتح وحماس
وانقلبت حماس على السلطة في غزة
بفعل من؟؟
انها الصهيونية,ضربت الطرفين وفرقت بينهما
والآن تضرب حماس في غزة
والعراق,النزاع بين السنة والشيعة
والآن دور لبنان
وهنا ينطبق المثل القائل:"اُكلت يوم اُكل الثور الابيض"
المنطقة على شفا حفرة من النار
اذا لم يدرك القادة والفصائل هدف الصهيونية
في بث الفرقة في الدول العربية
لتنشغل بحل خلافاتها ولا تعي ما يحدث حولها
وهنا يأتي دور التوعية السياسية للشعوب
حيث يجب أن تعي الشعوب كل ما يدور حولها
لتكون قادرة على كبح جماح الفتنة
وعدم الانسياق وراء الفتن الصهيونية
او وراء القادة الذين اشترتهم العمالة الصهيونية-الامريكية
تحياتي لك لطرح هذا الموضوع
وامنياتي بأن تحقق دولنا العربية أمنها واستقرارها
بعيدآ عن الاقتتالات الداخلية

 

[فتى الشرق]

رد: لحظة!فهموني

القصة ومافيها الضمير العربي اذكان بتعرفي نايم !!!!!!!!!!
هي كلياتا يلقصة
بس بسوريا نعني لحمد لله افيش اشى شو مالك انتي ؟؟؟؟؟؟
مع اطيب التحيات دمعة الصحرى
صحى شو شان اسمك؟؟؟؟

 

[زهرة الأمل]

رد: لحظة!فهموني

دمعة الصحاري

صدقيني رح تتعبي لو صممتي تفهمي حالنا العربي


لان اخوه ببعضم بيتخانقوو

السنه والشيعه

حماس وفتح

حزب الله والجيش اللبناني

وكتير اخوه ببلد وحده

انا بعتقد انها كلها لعبه سياسه والساحه للاقوى

والضعيف ليس له مكان

بعتقد المشكله انه ضمائرنا ماتت وانتهى الايمان داخل قلوبناا



وخير دليل قول الرسول عليه السلام((لا يؤمن احدكم حتى يحب لأخيه ما يحب لنفسه))


وبالنهايه اتمنى ان نستيقظ من احلامنا

ويستيقظ ضميرنا من غفلته

لكي لا نكون مشهد ليسخر منا باقي العالم


تحياتي لطرحك القيم

 

[AM أمير بكلمتي AM]

رد: لحظة!فهموني

اختي كلمتي بيغنوا كل فضولك

اتركي الدول العربية على مستواها الكبير

وشوفي موضوع اتنين جيران اكيد عرب

او رفقات كمان عرب بتصير مشكلة بينهم لو صغيرة

ما بيحكو مع بعضهم لسنين اذا وقفت على الحكي وماصار شي تاني

هي على مستوى شعب
المشكلة مافي رووح اخوة خليها لربك

 

[دموع الشياطين]

رد: لحظة!فهموني

شكرا احمد على مرورك
بس بتوقع انو اسمعت انو في مشكل بسوريا هي
على انو بدهم يدخلوها بقائمة الارهاب بتوقع هيك
مش عارفة بالزبط .


شكرا سارة على مرورك
فهت شي واحد من ردك انو بدنا وحدة؟؟؟
وبتمنى ما تكتبي دولنا بل اكتبي دولتنا العربية


شكرا لمرورك فتى الشرق
يعني انت بتقول انو ما في ضمير او لسه نايم؟
طب شو العمل ؟ اغاني وعملنا شو بدهم كمان؟؟؟


شكرا على مرورك زهرة الامل
وزكرتيني بجملة مش متزكرة وين سمعتها وهي:
أمة سخرت من جهلها امم


شكرا على مرورك امير بكلمتي
طب شو سبب انهم ما بيحكو مع بعض؟؟


ورغم كل هاد لسه ما فهمت
تحياتي

 

[فتى الشرق]

رد: لحظة!فهموني

شكرا لمرورك فتى الشرق
يعني انت بتقول انو ما في ضمير او لسه نايم؟
طب شو العمل ؟ اغاني وعملنا شو بدهم كمان؟؟؟




ورغم كل هاد لسه ما فهمت
تحياتي

ايه يئنوا الاغاني هي يلي بتفيئ مو
:SnipeR (15):
بدى الك شغلة
انت بتحكى انوا ما فهمتي موو؟؟؟
احسنلك نعنى بلا وجعة هالراس مو ناقصك التهي بدراستك احسنلك نصيحة منى يئلك
:SnipeR (27):

 

[دموع الشياطين]

رد: لحظة!فهموني

هههههههه
انت هيك رأيك؟؟؟
بس لازم نعرف شوية عن الي بيحدث حولنا
وبعيد عن الدراسة وهمها

 

[AM أمير بكلمتي AM]

رد: لحظة!فهموني

طيب ياغالية ممممم اسئلتك كلها الها جواب واحد

وين الدين

كم واحد عم يصلي الفجر من العرب كم واحد بتقدري تجاوبي على السؤال

الدين هو يلي بيعلم الانسان يسئل على جارو وقت بيغيب يوم وما بيشوفوا

الدين هو يلي بيخلي العرب يصحوا ويحسوا

راحت ايام ( وا معتصماه )

كتير اطفال ونساء عم يندبحوا وماحدا حاسس

كله خايف على الكرسي

وقت بيصير ايمان العرب قوي بيحسوا هذا كل جواب سؤالك

 

[دموع الشياطين]

رد: لحظة!فهموني

امممممممممم
اذن هيك
طب يلا نصلي
فيها مشكل او عيب؟؟
ولا شو رايكم؟

 

[عمو Google]

رد: لحظة!فهموني

TEAR SAHARA

جوابي بإختصار

((الكرسي))


بس قبل ما تسألي وتستفسري

جيبي خريطة الوطن العربي وحاولي تتفرجي على الدول العربية

لأنه لسه في كتير دول متل السودان اللي ما بتعرفي انها دوله عربية



تحياتي TEAR SAHARA

 

[دموع الشياطين]

رد: لحظة!فهموني

شكرا على مرورك عمو جوجل

والكرسي الكرسي الله يعينا عليه الكرسي