مشكلة وبدها حل ارجو الدخول

lily

كاتب جيد
مرحبا للكل بصراحة انا صايرة معي مشكلة وما كنت اعرف كيف حلها سألت رفقاتي وكل المقربين وحبيت اخد رأيكم يعني بركي بستفاد من خبرتكم بالحياة

--عندي رفيقة كتير مقربة مني يعني اعز رفيقة عندي بتحب واحد وصرلون فترة مع بعض
بس هل واحد حاول يتقرب مني وبده يحكي معي وانا مارضيت
مالي عرفانة شو ساوي
مافيني قول لرفيقتي لانه كتير بتحبه وبخاف تفكر اني غيرانه منها لانه مريت بقصة فاشلة
ومافيني اتركها هيك يعني اذا ما حكا معي بكرا بيحكي مع غيري وهي عم ينضحك عليها
بتمنى من الكل يساعدوني بمشكلتي
وشكرا
 

سالي

كاتب جيد
رد: مشكلة وبدها حل ارجو الدخول

السلام عليكم ورحمة الله وبركاته
انا برأي لازم تحذري رفيقتك لانو اخدها تساليه وتبرهنيها هلشي يعني مثلا تسمعيها انو هو بدو يحكي معك لانو يلي بحب ما بشوف غير يلي بحبو ما بشوف الأشياء المش كويسه بحبيبو
لازم تحذري رفيقتك وتبعدي انتي وهيا عنو شي غريب هي حال بعض الشباب بيحكو مع بنت
كرمال يصيدو اكتر من ضحيه عن طريق البنت الأولى وكل ما شاف بنت مع حبيبتو احلى من حبيبتو بقلها انا حبيتك
يا لطيف الله يجرنا من هل مجتمع الله يوفقك ويرضى عليكي لازم تنبهي صاحبتك احسن ما ضيع مع هيك شري واذا طر الأمر ورجيها يلي كاتبتيه هون
موفقه وطمنينا شو بصير معك
 

الاسير الحر

كاتب جيد
رد: مشكلة وبدها حل ارجو الدخول

[align=justify]
[frame="10 98"]
بصراحه لازم تصارحي صديقتك لان انا عندي قناعه الصداقه اقوا من الحب الي زي هيك لك مني اروق التحيات بتمنالكم السعده ولاختيار الصائب وديري بالك على حالك
[/frame]
[/align]
 

عاشق الليل

مُديّرْ المُنتَدىَ
طاقم الإدارة
رد: مشكلة وبدها حل ارجو الدخول

اختي الكريمة

الافضل انو تصارحيا لانو هي الحقيقا وتفهميا شو هوه

مو معقول تم رفيقتك بهل الشي الوهم يلي اسمو حب كازب

الاحسن هلئ مو بعدين
 

الـعـرّاب

أدارة موقع رحى الذكريات
رد: مشكلة وبدها حل ارجو الدخول

اختنا العزيزة

انا من رايي من راي الشباب الصراحة ثم الصراحة

ارجو انك تفكري منيح قبل ما تعملي اي شي

بتمنالك التوفيق

وطمنينا شو بيصير معك

دمتي بهناء
 

ريما

كاتب جيد
رد: مشكلة وبدها حل ارجو الدخول

انو مرحبا هي القصه مو غريبه هاد روتين كل الشباب بس مو كلهون بس الصايعين منهم
الشب اول ما بيتعرف على بنت بصرلها ارض وبحفظ كل شعر الشعراء حتى يلقيه ادام حبيبتو او فريستو الجديد بمعنى اصح
وعندما يتملكها وبصير ملكو طبعا بغض النظر انه اخد شي منها او ما اخد بكون بالنسبه له انه رضا غروره
وابرز عضلاته العاطفيه وبمل منها وبصير يلتفت لغيرها حتى يعيد الكره
انا بتمنى انك تعمل الصواب وانتي اكثر انسانه بتعرفي الصواب
حكمي عقلك قبل عاطفتك
 

فتى الشرق

كاتب جيد جدا
رد: مشكلة وبدها حل ارجو الدخول

مشكور اختي على الطرح والف شكر للشباب ما قصرو بالرد عليكي

بكل بساطة نبهي رفيقتك انو هالشب ما بيسوى وهيك بتكسبي رفيقتك يعني مو معقول انتي كمان تحكي مع هالشب وانتي يلي عم تحكي عنو

ربي يوفقك ويهديك الصواب ويهدي هالشباب كلون لطريق الصحيح
 

زهرة الأمل

كاتب جيد جدا
رد: مشكلة وبدها حل ارجو الدخول

غاليتي

موقفك جدا صعب ولكن من رأي ان تصارحيها بأسلوب رقيق

وابتعدي عنه لانه ((من خان لأجلك يخونك))

انسان طباعه موحشه فاكسبي صديقتك ولا تحرميها من

حبيبها وصديقتها لان هالشي رح يأثر ع نفسيتها كتير

بتمنالك السعاده

وطمنينا عن احوالك

...دمت بســـــــلام........
 

AM أمير بكلمتي AM

كاتب جيد جدا
رد: مشكلة وبدها حل ارجو الدخول

والله شوفي يا اختي الموضوع يلي طرحتيه

صار موضوع كتير روتيني وعادي وكتير ناس عم تمر فيه

لانه نحنا بزمن صار الكذب فيه شئ ضروري ومتداول بشكل كبير

انتي حكيتي انها اعز صديقاتك وهي الكلمة معناها كبير اذا انا عندي صديقة وهي اغلى وحدة عندي وبدي انصحها وما تتقبل نصيحتي وتشك فيي

للاسف هي ما بتستاهل اسم ( اعز صديقاتي ) عشان هيك انصحيها وقوليلها حقيقة حبيبها

هذا رايي الشخصي :SnipeR (27):
 

waard

كبار الشخصيات
رد: مشكلة وبدها حل ارجو الدخول

تحياتي لوجودك الطيب ليلي الكل حكى يلي في بالو وما في حد ماابيغلط

بس اذا كان حابب ارفيقتك شو دخلو فيكي اذا كان بحبها مهناها انتي رح تكوني نفس الشي

هلق بحبك وبعدين ببطل ايحبك وانا صعب انو اقول رئيئ في الموضوع االشي بعود الك

ومن الحب ما قتل ممكن ايكون اعجب فيكي اكتر منها لاسباب شافها فيكي اكتر منها

مثل جمالك او طريقة كلامك الجميل مع ذلك اذا بدك اتخبريها بس تكون بطريقة جميلة

على شان مشاعرها لان البنت دائما حساسة مهما كانت قاسية او شديدة

لكي مني اجمل تحية

[motr]lili[/motr]
 

lily

كاتب جيد
رد: مشكلة وبدها حل ارجو الدخول

شكرا كتير للكل بصراحة ماقصرتوا بس في نقطة بعض الاعضاء مو فهمانينها منيح انه انا مافي شي بيني وبينه ولا بدي احكي معه ولا شي وعندي رفيقتي بشباب العالم
وان عملت متل ما قلتولي وصارحتها والصدمة كانت انه بتعرف بس عم تستنى حتى متل مابيقولوه تمسكه بالجرم المشهود

والحمد الله مرقت القصة على خير وارتاح راسي

مشكرا مرة تانية للجميع لولاكم ماكنت تشجعت وحكيت
 

دانيال

المدير العام للموقع
طاقم الإدارة
رد: مشكلة وبدها حل ارجو الدخول

السلام عليكم ورحمة الله وبركاته
الحمد الله على رابط الأخوة الذي يجمع
اعضاء منارة سورية على حل مشاكلهم
يغلق الموضوع لأنتهاء المشكله
 
أعلى