قصة مليئة بالحب

[AM أمير بكلمتي AM]

انقل لكم هذه القصة الرووعة يارب تعجبكم


شخصيات القصة :

عائلة أبو فيصل (محمد) يشتغل موظف حكومي ، أم فيصل( لطيفه)

عنده فيصل 25سنه موظف بالبنك متزوج آمال ،حنين22سنه تدرس أدب انجليزي آخر سنه بالجامعه ،سعود 22سنه يدرس بكلية الهندسه

نواف 17سنه يدرس بالثانوي ثاني علمي



عائلة أبو عبد الرحمن (ناصر)أخو أبو فيصل الكبير شخصية لها أهميه بالديرة ،أم عبد الرحمن (نوره)
ولده عبدالرحمن 27سنه موظف بشركة النفط ، تركي25سنه ظابط ،
الجوهره 23سنه متزوجه ولد خالتها ومقيمه بالرياض،
علي 20سنه مع ولد عمه سعود نفس القسم ،
غزل 18سنه آخر سنه ثانويه أدبي
والباقي نتعرف عليهم بالقصه
( الجزاء ألأول )
أم فيصل: حنين يله يمه قومي تأخرتي على الجامعة
حنين:يوووووووووووووه ياربي ماشبعت نوم الساعه كم
أم فيصل:الساعه 9
حنين: يله يمه ألحين قايمه
أم فيصل: أنا بروح أجهز الفطور لا تأخرين
حنين: ok mother
بالجامعه
بشاير:شفيج ماتردين على مكالماتي أدق معطيتني سكب
حنين:يووووووووووه بشاير مالي خلقج كفايه أني متأخره على الدكتور ؟؟؟؟؟؟
بشاير: ولله محد قالج تسهرين للفجر
حنين:أنتي شكلج مطووووله بالحق على المحاظره لايزفني المليق
بشاير:ههههههههههههههاااااااي روحي روحي عاد أهو مايطيقج ولايطيق تأخيرج عليه
الساعه 2 الظهر بيت أبو فيصل
فيصل معصب: يمه ماصارت جامعه
أم فيصل تهديه:يوليدي يمكن عندها محاظره وتأخرت
فيصل بصوت عالي:أنااا قيلهااااا من أول مادخلت الجامعه حدهااا لساعه 12 وترد ماتخذ عقبهاااا شي
سعود وهو يتابع tv :ياخي شفيك معصب يمكن صار عندهاا ظرف
بعدين تو الناس بدري
فيصل:أي ظرف ولي يخليك ؟؟؟؟ أنت ماتعرف سوالف بنات هاالايام 000 إذا ماحست إن في أحد وراها ولاخربت
سعود متفاجئ:يااااااامعود مالقيت ألآحنين يطلع منهاااا خرااب أستريح بس
حنين : السلام عليكم
سعود يأشر على فيصل:وعليكم السلام
حنين:شفيكم ؟؟؟؟؟؟
فيصل:يمسكهاا من أيدهاا بقوه:أنتي ونيج للحين هاااااااااااااااا
حنين بصوت مخنوق:يعني وين بالجامعه
فيصل:لاتصدقين عاد صدقتج
حنين: وربي يافيصل
سعود بعصبيه ويسحبها من أيد فيصل: أنت شفيك عليها
قالتلك بالجامعه وبعدين ترى السالفه ماتسوى أنك تعصب
فيصل: الكلام مو معك الكلام مع أبوي
حنين وهي تروح فوق وتبكي
سعود:هاااا أستانست
أم فيصل: حنين ماتبين الغداء
حنين:لا يمه مالي نفس
ودخلت غرفتهاا وتبكي على السرير ليش ليش هويسوي معي كذا وربي ظلم آآآآه يالقهر مايقدر على زوجته يحط حرته فيني
وماتدري ألاهي بسااابع نومه
(العصر)
أم فيصل وأبو فيصل يتقهووون
فيصل:السلام عليكم
أم فيصل وأبو فيصل: وعليكم السلام حيااااااك
فيصل:يبه ...
أبوفيصل:سم ...
فيصل: قاله عن الي صار
أبو فيصل:خلاص ياولدي أنا لاشفتها بتفاهم وياهااااااا
(في بيت أبو عبد الرحمن )
أبو عبدالرحمن وأم عبدالرحمن يتقهون بالحديقة دخل عليهم
عبدالرحمن توه راد من الشغل: السلام عليكم
أم عبدالرحمن وأبو عبد الرحمن: وعليكم السلام
أبوعبدالرحمن:تعال تقهوى
عبدالرحمن:لاوالله يبه حدي تعبان يعطيك العافيه .....
أبوعبدالرحمن:زين خذلك غطه عشان تقوم المغرب .......
عبد الرحمن:ليش؟؟؟؟؟
أم عبد الرحمن:شنوليش ؟؟؟ عندنا ضيوف
عبدالرحمن:منو؟؟؟؟؟؟
أبوعبدالرحمن:عمك أبو فيصل وعياله عازمهم الليلة عندنا
عبدالرحمن مبسوط حده:والله يبه .....
أم عبدالرحمن:أيه ليش فيها شي
عبدالرحمن:لامافيه شي بس مبسوط لأن العلاقة رجعت بين أبوي
وعمي (طبعاً عبدالرحمن مايدري عن الصلح اللي صار يوم ألاثنين بحكم دوامه اللي ياخذه كل الوقت)
أبو عبدالرحمن:ماصار شي أصلاً بس عمك الله يهديه يفهم كل شي غلط، بس سوء تفاهم وهذا يصير بكل عايله (أبو عبدالرحمن حالته المادية أحسن من أخوه أبوفيصل بكثير يعني يعتبر من الكاش وطبعاً لابد من الحسد والغيره بحكم إن أبوفيصل عيشته بسيطة
وعلى المعاش الحكومي الي يالله يسد البيت ...
جت باله فكرة جشع وطمع راح لولده فيصل وقاله راح أزوجك
بنت عمك الجوهره وأكيد إن عمك ماراح يرفض لنا طلب شرايك قاله فيصل: (أللي هو نسخه من أبوه الي تامر فيه يايبه آنا تحت أمرك) أبو فيصل: الي كان مبسوط حده قال بعدي ولدي أنشهد إن تربيتي فيك ماراحت سدى ،وبعدها بفتره راحولبيت
أبو عبدالرحمن عشان يخطبون وهم واثقين انه ماراح يرفض لهم
طلبهم فاتح أبو عبد الرحمن أخوه بالموضوع وانه يبي بنته
الجوهره لفيصل ولده وولد عمها, فرح ابو عبد الرحمن وقال:
ابشر وانا أخوك وماعندي مانع بس الراي ألاول وألاخير لبنتي
(طبعاَ الجوهره كانت تحب وتموت بولد خالتها متعب وهو بعد
قالها أبوها ورفضت وانهارت وقعدت تبكي بحرقه شافها
ابوها وماهانت عليه بنته قالها حبيبتي ماراح أحد يجبرك
على شي انتي ما تبينه ورد لخوه وقاله إن البنت رافضة
وتقول إن فيصل بحسبة أخوها (تصريفه حلوه )المهم
قام ابوفيصل معصب وقال لخوه متى كان للبنت راي
عندنا قلها وريح عمرك انت اللي ماتبي ولدي
لأنا مو من مستواك ولو كنت ناوي تزوج ولدي
كان زوجته ولاقمت تصرفنا تفاجأ أبو عبد الرحمن
من اخوه كل هذا بقلبه مو معقولة وقال بعصبيه
والله ياخوي انت تعرفني أنا ما أحب أجبر عيالي
على شي مايبونه وانا مارفضتك عشان تقول هذا ياخوي
وشفيك شبيت علي آفا آفا والله ياخوي ماتوقعتها منك والله
قال أبو فيصل:خلاص ياخوي مابينا أي شي خلصنا وانت مهجور
وطلع معصب وجلسوا سنيتين على ذا الحال لين تزوج فيصل وحضر ابو عبد الرحمن وعياله الزواج وكأن شي ماحصل (لأن أبو عبد الرحمن قلبه طيب مره وحبوب وحنون ونقطة ضعفه اخوه يحبه مره لأنه الصغير وماقصر أبو عبد الرحمن قال لخوه يشترك معه وإذا كان محتاج ماراح أقصر بس مالقى من اخوه غير الصد )
وهدا ابو فيصل وحس بالذنب والغلط و طول هالسنين وام فيصل ( ماقصرت قعدت تزن على راسه لين وافق (أم فيصل انسانه اطالع ربها قبل كل شي وحبوبه وحنونه ) تحاول فيه يرجع لأخوه الكبير لأنها شينه وفضيحه ولودرو الناس إن الأخوان متهاوشين وعاد الناس مايبيلهم شي خصوصاً الي حاسد ابو عبد الرحمن على مكانته بالديره ، المهم جاء فيصل وكلم ابوه خصوصاً
أن ابوفيصل مايلين ألآ مع فيصل ولده كلمه وقاله الي راح راح
وحنا عيال اليوم, وآنا أصلاً ماكنت أبي الجوهره وعادها حسبت خواتي بس عشانك وافقت وآنا الحين متزوج ومرتاح وهي بعد
تزوجت يعني كلن راح بطريقه ، فلازم أنت وعمي ترجعون لبعض وترى عمي على انه أكبر منك بس ماقطع فيك لي متى يايبه
حاول انك تروحله بكره أو متى مابغيت بس أهم شي يايبه إن الي
براسك يطيح ،فيصل يضحك : ههههههههههاااااااااااي
وأظن انه طاح صار لكم سنيتين ماتسلفون ألا لاشفتوا الناس بس
(علبونه مابينكم شي )هههههههااااااااااااااي
عطى أبو فيصل نظره لولده خلاه ينقد على الي قالة وبعدين قال:
خير إن شاء الله ، فكر ابوفيصل بكلام ولده وبعد كم يوم راح لأخوه
لدوانيته ولقاه قاعد مع عياله تركي وعلي ، ابو عبد الرحمن
من الفرحه بشوفة اخوه دمعة عينه وقااام وضم ابو فيصل الي كان نادم بالي سواه بأخوه
(ابوعبد الرحمن انسان طيب وحبوب والي بقلبه على لسانه ) المهم
جا بيتكلم أبو فيصل........, سكتة اخوه وقاله الي فات مات قال ابوفيصل ودمعه تلمع بعينه :ابيك بس تسامحني
ابتسم ابو عبد الرحمن : وقال :هو آنا زعلت منك عشان أسامحك
ابو فيصل وهو يمسح دموعه : طول عمرك وانت كبير يالغالي
احم احم نحن هنا يلتفتون محمد وناصر يلاقون علي ماسك بطنه
من الضحك وقاموا عشان يسلمون على عمهم ، ابو فيصل :هلا والله بعيالي وسلموا تركي وعلي بعدها قال تركي: وآخيراً مابغى يخلص الفلم الهندي هههههااااي...... ضحك أبو فيصل: وانت على منت عليه ماتغير طبعك المزوحي
تركي: هههااااي وهل يخفى البغل............. بعدها ضحكوا كلهم
ابوعبد الرحمن : الله لايفرقنا على العموم ياخوي عشاك عندي
وراح يكون عائلي بس حنا واهلك لنا سنتين ماشفنى بعض
تركي : ايه والله ياعم لازم تقول تم ترى من زمان عن العيال
وعن قعداتهم وسوالفهم
ابو فيصل : خلاص تم وحتى الأهل ودهم فيكم
ابو عبد الرحمن : خلاص اجل انشاء الله الخميس يعني بعد بكره
"بيت ابو فيصل "
آمال : فيصل آنا ماراح أروح لعمانك أبيك توديني لأهلي
فيصل : وليش إن شاء الله أهلج لحقين عليهم ياقلبي
آمال : فصول انا مابي أروح يعني مابي أروح يووووووووه
فيصل: انزين ياحياتي لاتعصبين سمعي عمي أول مره يعزمنا
من سنيتين, والعشاء عائلي بس أبيج تروحين يشوفون القمر ومتى مابغيتي تردين عطيني تلفون وانا تحت أمرج ياروحي
آمال : انزين خلاص بس عشانك ومره ثانية مادخلني بمشاكلك
العائليه لأني أنا مالي دخل بأي شي زيـــن
فيصل : إن شاء الله ياقلبي آنا بروح الحين مشوار وارجع الساعه 7 القاج زاهبه (جاهزه)
آمال : زيــــن لا تأخر (آمال مسيطره وشخصيتها قويه ومغروره يصبر الأرض عليها وبنفس الوقت قمر عشان كذا فيصل مايقدر
على كل هذا هي مو من جماعتهم بس خالته شافتها في عرس واعجبتها وعاد خالته ماتخلي ولاعرس بالكويت الاوتروحله المهم شافت
آمال كانت لابسه فستان أحمر المخصر على جسمها ومبين ردوفها
المليانه يعني جسم خليجي وشعرها ألاسود المخصل بالحمر
والمكياج الخليجي الي مطلع جمال عيونها الوساع بالشدو الأسود الكثيف ومطلع انوثتها الخياليه بالحمرة الحمراء (الروج الأحمر)
انهبلت يوم شافتها راحتلها وكلمتها وخذت رقمها
وراحت بعدها بكم يوم لأختها أم فيصل الي كانت حايره من تزوجها
لولدها بعد كسرة عمه فيه وجت ام طلال :وقالتلها عن آمال وصفت كل شي فيها عاد توصيف ام طلال مو أي توصيف والسلام :
توصف أدق شي حيل ؟؟؟؟؟؟؟؟؟
ام فيصل : لاماظنتي إن ابو فيصل وفيصل بيوافقون خصوصاً انها مو من ثوبنا (قبيلتنا ) صعبه علينا ؟؟؟ خليج على بنات جماعتنا أحسن ، أم طلال :ماعليج هذي ماتلقين زيها ببنات الجماعه ولاحتى
ربعها ، خلي فيصل علي وفيصل لابغى شي أبوه أكيد بيوافق
ام فيصل :والله مادري بس ماشفتي أخلاق البنت ودينها
ام طلال : ألاخلاق لارحنا نخطب تشوفينها ولو أني متأكدة إن ذا الزين مايجي منه إلى الكلام الزين والدين كلنا مسلمين بس انتي تبين
طولين الحكي انا بشوف فيصل ومن بعدها ام طلال راحت لغرفة فيصل وأفتحت معاه الموضوع (ام طلال ماعندها لف ولادوران )
قالها فيصل : خاله موضوع الزواج خلاص ابي اشيله من بالي ليمى ربي يفرجها , ام طلال : بس يا ولدي صدقني هذي قمر ما تفوت صدقني إن النسوان الي با العرس عيونهم عليها من الزين الي فيها , فيصل يضحك : ههههههههههههههاااي خاله اكيد حتى لو اخذ( سرلنكيتنا) ورقع وجها با المكياج طلعت تشبه حليمه بووولند من كثر التلطخ , مارح تجي وحده للعرس بجماال لبناني , ام طلال بعصبيه : اقول مالت على وجهك هذا وانا ار كض لك من عرس لي عرس وبعد ما لقيت الزين تقولي تلطخ وما تلطخ اقول حدك سرلانكيتك بس ............ فيصل يضحك : ههههههههههههههاي يعني بتقولين انج رايحه العرس عشان دوريلي عروس كثري منهااااا خاااله ...... ام طلال وهي قايمه : شرها مو عليك الشرهه علي انا الي قاعده اتكلم معك وطلعت وهي معصبه .............. فكر فيصل بكلام خالته وبجمال امال الي سحر خالته له الدرجه, بس خايف ومتردد قال لنفسه الي مكتوب رح يصير وما لي غير الصبر , بهدها بكم يوم فا تحته امه بالموضوع وقالتله شرايك اروح اشوفها لك والله اني من كلام خالتك اعجبتني بس اني ابي اشوف اخلاقها, فيصل بقلبه ( وانا بعد وصف خالتي لها ما خلاني انا الليل زين) فيصل : مادري بس شلون بتشوفينها , ام فيصل : انت ما عليك خل هذا علينا يا النسوان , كلمة ام فيصل اختها وقالتلها تكلم اهل البنت لنل نبي نشوفهم , دقت ام طلال على ام امال : وقالتلها نبي نشوفكم ونشوف امال وياليت باسرع وقت ... ام امال :يشرفنا خلاص فيه عرس من جماعتنا بعد كره في صالة ........ حياكم ام طلال : والله تصدقين اني معزومه عليه يا ماشا الله على الصدف
خلاص اشوفج بعد بكره مع السلامه ..... راحوا ام طلال واختها للعرس وشافوا امال واعجبت ام فيصل في جماااااااالها وكلمة ام امال وحددة وياها على على يوم يجون يخطبون البنت , كلمت ام فيصل ولدها وقالت له إن البنت شحلاتها ونفس الي تبيه(فيصل كان يبي وحده تقوم من النوم وهي قمر طبعاً مستحيل يلقى زي الي يبيه بس اقتنع بكلام امه ) وقالها :
يصير خير بفكر وبعدين برد لج خبر قالت : امه الي تشوفه ياولدي
بعد اسبوع الي كان فيصل يفكر بكلام امه وخاته كل يوم ولاخلاه ينام الليل زين توكل على الله وافق ، راح كلم امه وقالها تروح تخطبله البنت وتاخذ منهم موعد عشان يجون يخطبون بشكل رسمي
وكلم ابوه بالموضوع وقاله عن كل الي صار قاله ابوه : إذا انت موافق انا موافق ولاعندي مانع ،قال فيصل عسى موافق بس
ابوه : توكل على الله وبس ، راحة ام فيصل وام طلال عشان يكلمونهم عن الخطبة ويشوفون آمال كلموهم بالموضوع
ام فيصل لأم آمال : حنى من عائلة 00000وحابين نخطب بنتكم
لولدنا فيصل صحيح أنكم ماتعرفونا بس الديرة صغيره وإذا حبيتوا تسألون عنى ما عندنا مانع ، أم آمال : الساعة المباركة الي جيتوا فيها ومن قال أنا مانعرفكم وإذا أبو عبدالرحمن عم فيصل شلون مانعرفكم الديرة كلها تعرفه وعارفين أصلكم وطيبكم ووانكم بصيرون لبوعبد الرحمن الله يحفظه ، أم فيصل :تسلمين واله هذا من طيبج وأنا بكلمج بعد أسبوع وأشوف ردكم عشان يجون الرياجيل بشكل رسمي ، أم آمال : إن شاء الله على خير
أم فيصل : يالله اجل مع السلامة ، أم آمال : وين توا الناس
أم فيصل : لا إن شاء الله خيرها بغيرها مع السلامة ، أم آمال : مع السلامة
بعدها بأسبوع كلمة أم فيصل: أم آمال:حياكم الله وجو الريا جيل وخطبوا بشكل رسمي وملكوا بنفس اليوم وبعدها بخمس شهور
تزوجوا وكان أول مره فيصل يشوف آمال بليلة العرس الي ماكان متوقع كل هالجمال ، بعد عرسهم بأربع شهور بانت آمال على حقيقتها بعد ما عرفت إن فيصل متعلق فيها حيل ولايمكن يردلها
طلب شافت نفسها على اهله وعليه اللي انصدمن أم فيصل يوم
شافت معاملتها معها وكلامها اللي يطلع من راس خشمها ونظراتها اللي تبين استحقار العالم )
يوم الأربعاء الساعة 6 المغرب
حنين : يمه الحين المياه بين أبوي وعمي أرجعت لمجاريها
أم فيصل : إيه يمه أنتي وينج من يوم الاثنين وهم راجعين لبعض
ولاانتي حاسبه البيت كأنه فندق ، حنين: لا والله يمه بس انتي
تعرفين الجامعه وتعبها ام فيصل: يالله زين روحي البسي لاتأخرين علينا ويزعجنا أبوج حنين: ok
(في بيت ابو عبدالرحمن)
ام عبدالرحمن: غزل حبيبتي نادي الخدم وخليهم يحطون الكراسي
بالحديقه
غزل:يمه لا يكون بتقعدون باالحديقه , ام عبدالرحمن: ايه ليش عندج مانع , غزل :لا يمه بس الجو اليوم حدّه حررر , ام عبدالرحمن: لا بس عشانه وقت مغربيه بخلي السايق يرش الزرع عشان تبرد الارض وبااليل الجووو شزينه : غزل: كيفج , قامت غزل تنادي الخدم وهي رايحه قابلت عبدالرحمن , غزل : مابغيت تقوم , عبدالرحمن : جوا اهل عمي ؟؟؟؟ , غزل تضحك : ههههههاي لا ماجوا شفيك قايم مخترع :, عبدالرحمن منقهر : اقول اذلفي بس وطلع لدوانيه ................
الساعه 8:30( في بيت ابو فيصل )

ابو فيصل : يلاه ترانا تأْخرنا انا انطركم با السياره ...
ام فيصل : يلاه بس البس عبايتي ونقابي وجايه ...
ابو فيصل : نادي حنين معاج ترى إن تأْخرت مشيت وخليتها
حنين : شدعواا يبه لها الدرجه طايحه من عينك .......
ابو فيصل يضحك : هههههااي لا والله يا بنيتي بس ما شاء الله اول مره ماتأْخرين , حنين: افااعليك اعجبك ... ابو فيصل : يلاه مشينا
(الأربعاء)
في بيت ابو عبد الرحمن

ام عبد الرحمن بالحديقه : ياهلا والله حيا لله من جانا
ام فيصل : المهلي ما يولي ، الله يحيج ويسلمج
ام عبد الرحمن : هذي حنين ما شاء الله عليج وش هالزين الي خاشته عنا من زمان
حنين بخجل : الله يسلمج ياعمه
ام عبد الرحمن: اجل وين مرة فيصل ، ام فيصل : بتجي بعد شوي
"""""""
بدوانية الرجاجيل
كان ابوعبد الرحمن ماتشيله الأرض من وناسته
ابو عبد الرحمن : حيالله ابوفيصل
ابو فيصل : الله يحيك ويسلمك
ابوعبد الرحمن : تو مانورا لبيت يالغالي
ابوفيصل النور من نور اهلة
تركي : هاااه هذا الجزء الثاني من الفيلم الهندي
الكل بدوانيه ضحك ههههههههههههههههاااااااااااااااااااااااااااااي
ابوعبد الرحمن : الله يجمعنا ولايفرقنا
الكل آمـــــــــــــــــــــــــيــــــــــــــــــــــ ـــــــــــــن
على الطرف الثاني كانوا قاعدين سعود وعلي الي مستانسين برجعتهم لبعض خصوصاً وانهم مع بعض من يوم كانوا صغار وبالمدرسة ومن شدة تعلقهم بعض دخلوا نفس الكليه وكانوا ليل نهار
مع بعض بس الي صار بين الأباء خلا العلاقه تكون بينهم رسميه يعني سلام وبس وكان هذا يقطع قلوبهم لأنهم مالهم ذنب بس كل واحد عشان ابوه مع العلم إن سعود هو الي كان ماخذ موقف
أكثر من علي
علي : واخيراً بنرجع مثل ماكنا ، سعود : أي والله اني مشتاقلك حيل ومشتاق لضحكنا وسهرنا ومذاكرتنا مع بعض
علي : إن شاء الله من اليوم وانا ناشبلك نفس أول
ضحك سعود وقال : الله واعلم خوفي انا الي أطلع نشبه
علي وسعود : هههههههههههههههههاااااااااااااااااااااااااااي
علي : وانت للحين على سخافتك
سعود : البلا منك وانا أخوك
شوي ويد خل عليهم فيصل
فيصل : السلام عليكم
ابو عبد الرحمن : هلاوالله بولدي وسلم عليه
عبد الرحمن يضحك : هلا والله شلونك
فيصل : المهلي مايولي بخير الله يسلمك ، وسلموا عليه كل الي بالمجلس
عبدالرحمن : تصدق عاد بغيت ابكي يوم ماشفتك جاي مع عمي
ضحك فيصل : مع العلم انك شايب وتسوي نفسك شباب
عبد الرحمن : الله يهداك تراني كبرك بس امي كانت مستعجله
الكل ضحك يوم سمعوا عبد الرحمن
تركي : والله انا المسيكين الي حاطيني مطب كل اثنين مع بعض وانا كني هندي الظاهر إني بمسك الفناجيل عن كومار و أصب القهوه بداله
الكل ههههههههههههههههههههههههههاااااااااااااااااااااااا اااااااي
فيصل : لايالغالي مايبكيني من الضحك إلا انت بس اجامل الشايب
ناظره عبد الرحمن نظره خلت فيصل يختلع
فيصل : امزح معك يابو الشباب هههههههههااي
"""""""
عند الحريم
ام عبد الرحمن :شخبارج ياآمال
آمال : بخير والحمد الله
غزل : مشاء الله يا آمال ماتوقعتج بها الجمال
آمال بنظرة غرور : تسلمين ياعمري
ام عبد الرحمن : هاه ماودج تفرحينا بولد إو بنت
آمال : ويهه على شنو مستعجله
غزل : حنين شرايج ندخل داخل مت من الحر
ام عبد الرحمن : وين حر قولي مابي أقعد وخلاص
غزل :هههههههههههههاااااااااااااااي يمه عاد انتي مشيها يلاه حنين
حنين : يله
""""""""
في الدوانيه دق تلفون عبدالرحمن : هلاوالله سعد
سعد : هلابك شخبارك
عبد الرحمن : بخير الله يسلمك
سعد : اقول عبد الرحمن الله يعافيك بغيت منك اللاب توب
عبد الرحمن : خلاص بكره اجيبه لك ولايهمك
سعد:لاانا الحين عند اشارة بيتكم بغيته ضروري
عبدالرحمن : خلاص يالغالي عندك
سعد الله لايهينك يابو ناصر مع السلامه
عبدالرحمن : مع السلامه
عبدالرحمن : علي روح غرفتي وجيب اللاب توب
علي : عبدالرحمن والي يخليك مالي خلق
عبدالرحمن : وهو قايم :مدري متى يصيرلك خلق والله
"""""""""""""""""
حنين : مشاء الله غزل والله انكم عايشين بقصر
غزل : ههههههههاااااااي قصر مره وحده
حنين ناقده عليها : شفيج اتكلم من جد
غزل : زين امشي خلنا نروح فوق بغرفتي ياعندي كلام لج
حنين : يله امشي
ميني : مدام غزل ماما يبي
غزل : زين قوليلها جايه الحين حنين روحي غرفتي وانا بروح اشوف امي وش تبي واجي
حنين : لا انا بنطرج بالصالة لين تجين
غزل تضحك : هههااااااااي امووت بالأ دب انا
نزلت غزل للحديقه وقعدت حنين بالصالة الي كانت مره جناان
من الديكور الفخم لي الأثاث لي الأباجورات والترتيب والذوق كانت حنين تمشي وهي تتفرج على الأثاث والديكور ومقلبه عيونها في الصالة بالحظة حست إن فيه احد قاعد يشوفها التفتت وشافت رجال
يشوفها بنظره كلها اعجاب واستغراب جيمت حنين كل العادة وكانت موعارفه شتسوي حست بعمرها ودخلت غرفة غزل بسرعة
ياترى ايش صار بعدين بين حنين وعبد الرحمن

كل هذا وأكثر بالجزء الثاني؟؟؟؟؟؟؟؟:SnipeR (27):

 

[AM أمير بكلمتي AM]

قصة مليئة بالحب جزء2

اخر شي وصلنا عند لما حنين شافت عبد الرحمن وخجلت ودخلت الغرفة

عبدالرحمن كان بعالم ثاني موعارف هو وش شاف قمر والاانسان جت غزل وهي تنادي حنين التفت عبدالرحمن عليها
غزل : بسم الله وش جابك فوق
عبد الرحمن الي خذت تفكيره حنين :00000000
عزل بسخافه : عبدالرحمن حبيبي شفيك لايكون صرت اطرم
حس عبدالرحمن بعمره : الي قبل شوي حنين بنت عمي
غزل : أي قبل شوي شقاعد تقول
عبدالرحمن توهق على زلة لسانه : سلامتج ولاشي ا ذلفي
غزل : يالله لك الحمد على نعمة العقل إلا وين حنين صدق
عبدالرحمن : مدري ماشفت احد وراح واخذ اللاب توب ونزل بسرعه وهو يفكر بحنين والي شافه من جماااااااال
غزل : الله واكبر قبل شوي بتنتظريني بالصاله والحين قاعده مثل ابليس بغرفتي
حنين وهي بالها بعيد 0000000
غزل : استغفر الله شفيكم لاتهبلون فيني الووووووووووو
حنين استوعبت : هلاشقلتي
غزل : الاوش الي ماقلت صارلي ساعه اتكلم ومسكبتني
حنين : لاوالله معاج حياتي
غزل بمكر : اوكي يالله ماعلينا شافج عبدالرحمن هاااااااااه
حنين : صدفه
غزل تضحك وتغني :هههههههههههههاااااي صدفه ومن بين كل الناس علقني ههههههههههههههههههاااااي
حنين معصبة :علقوج بحبل المشنقه ياسخيفه
غزل : يلعن خيرج مايمزح معاج استغفري تكفين
حنين : استغفرالله قومي ياهكرز وشغلي الكمبيوتر خلنا نستانس
غزل : يالله بعد ابي اشوف ايميلي والله ياحنين ياليت ماصار الي صار والله اني متحسفه على السنيتين الي ماقضيناها مع بعض
حنين : يالله الحمدالله انا رجعنا لبعض ونعوض كل الي راح
غزل يوووووووووووه عاد فله اجتمعنا انا وياج اصيع ثنتين
حنين : لاحبيبتي اسم الله علي انا صحيح اني اسولف معاج واضحك
بس مو نفس تفكيرج حياتي
غزل : خلاص لاتزعجينا انتي مؤدبه بس تعالي انثبري هنا على ذا الكرسي
"""""""""""""""""
في الحديقه الساعه 12

ام عبد الرحمن : امال حبيبتي شفيج
آمال : مافيني شي ليش شايفه علي شي؟؟
ام عبدالرحمن : لابس من اول ماجيتي وانتي ساكته
ام فيصل ترقع الموضوع : اصلاً آمال مو من كثر كلامها
آمال عصبت : شعندج خالة انا اصلاً ماأتكلم إلا عند الناس الي يستاهلون
انصدمت ام عبدالرحمن من ردها القليل الأدب والذووق وقالت : اسفين يابنتي نحسب حنى قد المقام
ناظرتها آمال بكل وقاحه وطلعت تلفونها ودقت على فيصل 00
الو فيصل يلاه
فيصل : توالناس حياتي
آمال : انا لابسه عبايتي وطالعه
فيصل : خلاص مع السلامه
ام فيصل كانت مررره متفشله من آمال
قامت آمال وطلعت بسرعه وقالت مع السلامه
ام عبد الرحمن : مع السلامه
ام فيصل : سامحيني يام عبد الرحمن هي طبعها كذا
ام عبدالرحمن بطيبه : لاوالله عادي ماصار الاالخير
""""""""""""
""""""""""""
بالسياره
فيصل شفيج آمال
آمال : والله مادري عن امك حاطه دوبها دوبي ترا انا بالبيت اسكت عشانك بس انها تتكلم عند الغرب لا اسمحلي
فيصل مستغرب : أي غرب واي حاطه دوبها دوبج شسالفه قولي حبه حبه
آمال : يعني ماتعرف امك
فيصل : إلا اعرف امي وش سوت
آمال بمكر : سألتني ام عبد الرحمن ليش ما اتكلم نطت امك وقالت
من زين كلامها عاد لاولي يسلمج السكوت احسن لها
هذا كلام تقوله بذمتك
انصدم فيصل من كلام آمال : معقووله امي تقول هالكلام لا مستحيل
عصبت آمال زياده : شقصدك يعني انا كذابه
فيصل : لاحياتي ماقلت انتي كذابه خلاص وحنا وصلنا البيت روحي وبعدين نتفاهم بالموضوع يلاه انزلي قلبي
"""""""
"""""""""""
بيت ابوعبدالرحمن
كانت حنين وغزل جالسين على النت
حنين : غزل انتي دايماَ تدخلين الشات
غزل : ايه كل يوم ادش ليش في شي
حنين : لابس اخوي سعود يقول موزين البنت تدخل شات لأن فيها ناس قليلين ادب وكلام تافه وتضييع للوقت
غزل : ليش سعود مايدخل نت
حنين : لا يدخل بس الشات مايحبه مره وهو اصلاً اكثر شي يحبه المنتديات
غزل باعجاب : ماشاءالله وربي اول مره ادري إن في شباب مايحبون الشاات
حنين وهي تغمز لغزل : افا عليج اصلاً اخوي مايحب سوالف الغزل والحركات البايخه ياغزل
غزل : ههههههههااااااااااااااااااااي اجل اخطيبيه لي
ميني طق الباب : مدام غزل ماما قول خلي حنين انزل
غزل : خلاص الحين نازلين
حنين : يلاه عاد لازم تجين بيتنا
غزل : مع السلامه وانشاء الله راح اكون 24ساعه مقابله خشتج
غزل وحنين : ههههههههههههههاااااي
ام عبدالرحمن : عاد لاتقاطعونا من شوفتكم
ام فيصل : إن شاءالله ماراح نقطعكم بس لازم تجون بيتنا
ام عبدالرحمن :ا نشاءالله
تدخل عليهم غزل وحنين وهم ميتين من الضحك
ام فيصل : وش فيكم تضحكون ضحكونا معكم
غزل : اضحك على بنتج
حنين : ليه عيوني شايفتني مهرج قدامج
ام عبدالرحمن : عسى هالضحك يدوم انشاء الله
الكل : آ مين
"""""
ابو عبدالرحمن عند سيارة ابوفيصل
ابوفيصل : مع السلامه وانشاء الله لازم تجينا انت واهلك
ابو عبدالرحمن : انشاءالله
عبدالرحمن كان جاي عشان يسلم على عمه ويودعه وكان واقف وراء ابوه
ام فيصل طالعه وراها حنين
ام فيصل : السلام عليكم ابو عبدالرحمن شلونك
ابو عبدالرحمن : بخير وشلونج اخبارج
حنين راحت لعمها عشان تسلم عليه وما انتبهت لعبدالرحمن
حنين : السلام عمي شخبارك
عبدالرحمن قلبه وقف يوم سمع الصوت
ابوعبدالرحمن سلم على حنين :هلا والله بنتي الزين كله والحلا
حنين تضحك : هههااااي كل هذا فيني عمي
عبدالرحمن سمع الضحكه عاد خلاص مايقدر اكثر من كذا الولد ذاب بالصوت والضحكه
ابوعبدالرحمن : كيفج حنين اخبارج واخبار الجامعه
حنين : الحمدالله كل شي تمام
حست حنين بنظرات قويه قاعده تشوفها التفتت وشافت عبدالرحمن الي واقف من اليوم ويتأمل فيها (طبعاَ حنين كانت لابسه نقاب وباينه عيونها وحواجبها )
عبدالرحمن تدارك الموقف وسلم على ام فيصل وعلى حنين
عبدالرحمن : شخبارج خالتي
ام فيصل : بخير جعل ربي يخليك
عبدالرحمن : شخبارج حنين
حنين بخجل : بخير وانت
عبدالرحمن ببتسامته الجذابه : الحمدالله بخير
وبعدها قال ابوفيصل يلاه فمان الله وركبوا السياره
حنين : يبه حط على المارينا اف ام
ابوفيصل : انشاءالله
طلعت اغنية راشدالماجد 00000انت تأثيرك على قلبي قوي
وانكتب لي من هدب عينك هلاك 00فوق عرش قلبي وحدك معتلي
تآمر وتنهي ولاحد سوااااااك 00000
سرحت حنين بالأغنية وتذكرت عبدالرحمن موقفها معه بالصالة
لما طاحت عينها بعينه وكانت عيونه عسليه وكبيره والي محليها رموشة الطويله وفمه الصغير وكان مسوي سكسوكه وشفته كان لونها وردي لأن عبدالرحمن كان يكره التدخين المهم هو ابيض
وطويل وجسمه معضل قطع عليها حبل افكارها صوت ابوها
يناديها 00حنين يله وصلنا البيت
حنين : تنزل وهي تضحك على نفسها وتفكيرها الي راح بعبدالرحمن
كان فيصل ينتظر امه بالصاله وهو معصب دخلت ام فيصل البيت
فيصل : يمه
ام فيصل : بسم الله اخلعتني من وين جيت
فيصل وهو بينفجر من التعصيب : يمه انتي وش قايله لآمال
ام فيصل بستغراب ـ: وش قايلتلها ياوليدي
فيصل حده انفجر: انا الحين اسئلك وانتي تسأليني اجل مين يجاوب علي
دخلت حنين وهي كانت سامعه الحوار
حنين بعصبيه ورافعه صوتها حده : انا اقولك ياخوي الحين انت جاي تحاسب امك عشان مره لاراحت ولاجت ياخي عيب استح على وجهك كل كلمه والثانيه جاي تهزاء فينا ياخي سنع مرتك مو تكبر راسها عليك
ام فيصل : حنين خلاص اسكتي
حنين وهي تصعد الدرج وهي منقهره على حال امها وحالها من يوم دخلت عليهم السعلوه وهم نكد بنكد
فيصل وهو يلحق حنين : تعالي ياحيوانه تعالي خليني اسنعج ترفعين صوتج على اخوج الكبير يالي ماتستحين
حنين وهي بغرفتها ومطلعه راسها علشان تقفل بسرعه قبل مايجي ويطقها : علىالأقل ارفع صوتي على اخوي مو على امي وبسرعه تقفل الغرفه بسرعه
فيصل حس بتأنيب وشاف امه ودموعها على خدها حس انه نكد فرحتها على طول راح لغرفته
ابوفيصل : لاحول ولاقوة الابالله وانتوا دايم على ذاالحال متى ترتاحون من النقه والهواش
ام فيصل وهي تمسح دموعها : الله يهديه انشاء الله ويسخره لي يارب ويرزقه بالذريه الصالحه

""""""""
بيت ابو عبدالرحمن
كان سعود وعلي فالينها بالدوانيه (المجلس ) سوالف وضحك علي
كم الساعه الحين ياسعود
سعود برائه : الساعه 1 ليش عندك شي
علي : ايه والله مشغول بكره لازم انام مبكر وانت مقابلني ياخي
استح على وجهك واذلف لبيتكم ولا ماصدقت ترجع لي عشان تلزق
سعود: اعوذ بالله كليتني بقشوري ياخي شوي شوي علي خلاص بقوم مع السلامه
علي : طيب سكر الباب وراك
سعود : وهويناظره بنص عين انا الحين ابيك تقولي اجلس على طول ماصدقت
علي وهو ميت ضحك : هههاااااي وربي امزح اجلس
سعود وهو يسوي نفسه معصب : ياخي اقلب وجهك مابيك
علي وهو يمسك يد سعود : حلفت عليك اجلس
سعود وهويضحك : لالا مابي خلاص انا بروح ابي انام
""""""
كانت غزل نازله لصاله وتنادي امها يمه يمه
ام عبدالرحمن خير وش فيك
غزل : وين علي ابيه بسرعه
ام عبد الرحمن اختلعت تلقينه بالدوانيه
غزل وهي تركض لدوانيه بسرعه وتفتح الباب بكل قوتها
إلا وتشوف قمر قدامها وطاحت عينها بعين سعود
كانت غزل لابسه بيجامه وفاكه شعرها الي يوصل لنص ظهرها
وعيونها الي نفس عيون اخوها عبدالرحمن وفمها الصغير وجهها المليان وجسمها النعومي
سعود فتح كلخه من الجمال كل هذا فيها
وغزل من هول الصدمة ما قدرت تتحرك وقفت وكان سعود قريب
منها لأنه كان واقف تدارك سعود الموقف وبسرعه صد 000
علي بصوت عالي : اذلفي
غزل قامت تسحب رجولها وعلى طول راحت لغرفتها اما سعود طلع وراها وراح للبيت
علي راح لصاله على طول وقعد ينادي غزل وكانت غزل بغرفتها تبي تعرف منو الي شافته وكان شكله روعه كان اسمر شوي وعيونه دعج وكبار وجسمه طويل وضعيف بس مو مره بس حلو قطع عليها تفكيرها صوت علي عند بابها خافت غزل لايطقها
علي :غزل افتحي الباب
غزل بخوف : نعم وش تبي وربي ياعلي مادري إن عندك احد
علي يضحك : يالخبله انا مو جاي اهزئج جاي اقول وش تبين مني
غزل تركض وتفتح الباب : طيب جايه
علي : هاااه وش تبين مني
غزل : من الي كان عندك
علي :هذا الي تبينه يعني ماعرفتيه
غزل : لا منو قول ياخي شوقتني
علي : اقول البخي لااخذ العقال ولشطج فيه
غزل : لاخلاص
علي يضحك : ههاااااي وربي انج نكته (علي مع غزل وهو مره طيب ومتفتح شوي )
غزل بعصبيه : ياخي احد قالك دمك خفيف وربي دمك ثقيل
علي : اهم شي انه عاجب سعود وبس هههههاااي
غزل اول ماقالها الأسم وهي بعالم ثاني مو معقوله هذا سعود ولد عمي الله يازينه وياحلاته وربي جناااان
علي : غزل
غزل : نعم
علي : وش تبين مني
غزل مابي شي ممكن تطلع
علي : وربي طراره وتتشرط ويطلع ويسكر الباب بقوه
هو طلع منا وعبدالرحمن دخل عليها منا
غزل : لاحول محد يجلس بغرفته براحه
عبدالرحمن وهو يبتسم : افا يعني اطلع
غزل : لابس وش ذا الحب الي نزل فجأه
عبدالرحمن وهو يضحك : لاجل عين تكرم مدينه
غزل فهمت قصده وهي تغمز على طول حبيتها شوي شوي على البنت وقعدوا سوالف عن حنين 000
""""
حنين كانت منسدحه على السرير وتفكر بعبدالرحمن الي حذا عقلها هذا ولد عمي مو معقوله الحين هو شافني ممكن انه يفكر يتزوجني
لالاوش جابه يفكر فيج يالكحيانه (يالطفرانه )اصلاً اخته ماقبلت باخوج علشانه طفران تبين عبدالرحمن ياخذ وحده ماعندها فلوس
وكاش مومعقوله بعدين انا ليش افكر فيه خلني اريح مخي وانام
اما فيصل دخل على آمال الي كانت مستانسه يوم سمعت الصياح
والصراخ عرفت انه هزاء امه واخته دخل عليها فيصل ها حبيبتي
ارتحتي الحين
آمال تتصنع الطيبه : ليش ياحبيبي مهما كان هذي امك واختك حراام
فيصل بعصبيه : بس ياحبيبتي ما أرض انهم يهينونك مهما صار انتي مرتي
آمال بأبتسامة انتصار : تسلم ياقلبي خلاص لاتعصب عااد
فيصل ماصدق آمال تقوله ياقلبي : وانا اقدر ازعل على حبيبتي
قام فيصل وجلس على السرير بجنب آمال، فيصل حبيبتي متى ودك نجيب عيال
آمال : حياتي انا ما أفكر الحين
فيصل بحزن : طيب إلى متى ياآمال صار على زواجنا سنتين
آمال وهي تبي تغير الموضوع وتقرب من فيصل
آمال : ماودك انّا نام الحين
فيصل :حياتي انتي امري وانا انفذ
ويقرب فيصل من آمال ويبوسه بوسه على خدها خلاها دوخ وتستحي فيصل وهو يناظرها بنظرات حب امووت علي يستحون انا 000000 ونااااامووو
"""""""""
بيت ابوعبدالرحمن
الساعه 10 الصبح
ام عبدالرحمن تقوم علي
ام عبدالرحمن : يله قوم عندك مراجعه
علي : يمه خلاص لاتزعجيني اخذ موعد ثاني
ام عبدالرحمن : وانت كل يوم على ذا الحال ترا الدكتور مل منك ومن اسنااانك
علي : سكري معج الباب يايمه
طلعت ام عبد الرحمن تقوم غزل
ام عبدالرحمن : ياغزل يله قومي ماعندي احد اجلس معه
غزل : يــــــمــــه تكفين اليوم خميس وخليني اشبع نوم
ام عبدالرحمن : قومي بس لا اكب عليج مويه بارده
غزل : يمه لالا ترا عبدالرحمن هو الي مسهرني
ام عبدالرحمن : وش دخل عبد الرحمن يسهرج
غزل : مادري روحي اسئليه يله يمه خليني انااام
ام عبدالرحمن : بجيج على الساعه 12 الظهر اقومج
طلعت ام عبدالرحمن وركضت غزل تقفل الباب وراها
"""""
بيت ابو فيصل
حنين راحت تقوم سعود يله سعود جهزت الفطور
سعود : يله الحين جاي
حنين : يله خمس دقايق انا وامي ننتظرك تحت
نزلة حنين وشافت الخدامه شايله الفطور ورايحه فوق
حنين : بيبي خلاص الحين سعود بينزل
بيبي : هذا مال مدام آمال
حنين : عشتوا عافت نفسها تفطر معنا !!!
بيبي : شنو قول مدام
حنين : ولا شي ذلفي فوق بس
ام فيصل : هااه حنين قومتي اخوج
حنين : ايه الحين بينزل
شوي وينزل سعود
سعود : صبااح الخير لاحلى ام في الدنيا ويحب راس امه ويقعد بجنبهاااا ( سعود مره متعلق في امه وينقهر من تصرفاات فيصل ويحااول انه يتجاااهله )
ام فيصل : صباح النور ياجعلني مااذوق حزنك ياالغاالي
حنين : احمم احمم نحن هناااا
سعود : يااشين اللقااافه
ام فيصل : االا وين نواااف صدق من امس ماااشفته
سعود يضحك : إلا قولي وين المصري ههههههههههاااي
حنين : ههههههههاااي والله احس الكتااب طفش منه
ام فيصل : اسم الله على ولدي شفيكم منقهرين منه الولد يبي يسير دكتوور
سعود وهو يضحك : هههههههههههههههههههااااااي والله اني مراات انسى إن عندي اخو
حنين : ههههههههاااي وانا بعد
دخل عليهم نواااف
نوااف : خير إن شاء الله وش ذا الضحك الي من الصبح
ام فيصل : هلا والله باالدكتووور
سعود : ياخي ارحم نفسك خلنا نشوفك
نوااف : اسف ماا احب وقتي يضيع بسخااافه
حنين : ويييييييييع لا تكبر علينا يا رجاال ترانا كلنا مثقفين مو بس انت
نواااف : حبيبتي انتي مصيرج بيت زوجج
حنين : يوووووووه اخااف قاااعده على راسك وانا ماادري
سعووود : اقول نواف ترى من جد انت طفش الله يعين زوجتك عليك هههههههههاااي
نواف : من قاال لك اني بتزووج !!!!!!
ام فيصل وهي معصبه : ليش ياحبيبي وانت شنااقصك عن الرياجيل عشان ماتتزوج
حنين : لا يمه فهمتي غلط قصده إن الزواج تضيعة وقت واحسن له انه يدرس وياخذ المااجستير بدل الزووواج ، شافت نواف وقالت بس تدري اني احب المؤدب انت عاارف إن مافيه وحده بتقبل فيك وقعدت تصرف باالدراسه هههههههههههههههااااي
نواف: استغفر الله ياربي انا قايلكم اني بضيع وقت لو ذا النص ساعه الي راحت بسخااافتج انتي واخوج كان قريت فيهاا كتاااب احسن لي 0000
سعود و حنين : ههههههههههههههههههههااااي
ام فيصل : ماعليك منهم اهم شي دراستك روح ذاكر بس
نواف : إذا جى الغدا ناادوني
سعود : قااابلني إذا تذكروك ههههههههههههاااااااي
دق تلفون حنين """"
حنين : الووووو
بشاااير : السلام عليكم
حنين : هلا والله شخباارج
بشاير : تماااام وانتي
حنين: بخير الله يسلمج
بشـاير :هاا وشلون العشاء في بيت عمج أمس
حنين: يووووه يابشوره يا عندي لج سوااالف ما تنقال على التلفون تعالي تعشي عندي واقولج
بشاير : شنو شنو انت اللي تعالي تعشي عندي وعلى فكره ياسر بالدوام ومافيه إلا انا وامي
حنين: اوكيه اكلم امي واردلج خبر
بشاير: يلاه بااااااي
""""""""
بيت أم يـــاســر
ام ياسر: ياحي الله من جانا
حنين: الله يسلمج خالتي
ام ياسر: يلاه عاد اخليكم الحين مع بعض
حنين :لا خالتي عادي قعده شبابيه
بشاير: شبابيه ولا هلاليه هههههههههاااي (مصخرتها)
حنين: هه هه هه يا سخفج
بشاير : من زمان ، إلا قولي السوالف اللي عندج اخلصي
حنين: واي واي وش اقولج
بشاير: ياملغج قولي
المهم حنين قالتلها عن كل اللي صار بيت عمها000000
بشاير: إذا هذا شكله على وصفج تكفين انا رفيقت دربج اصفطيه لي
حنين: شنو سياره هو ههههههههاااااي ( مصخرتهاا )
بشاير : هه هه هه يعني تردينهااا لي يا السخيفه
ولا تبين تغيرين الموضوع عليــــــنــــــا هاالسوالف ههههههاااي
حنين : لا والله حرام عليج , خذيه حلالج بيني وبينج انا فكرت فيه لحظاات بعدين على طول شلت هاالافكاار من بالي لاني مابي ابني احلام وعاارفه انها مارح تتحقق 000
بشاير : وليش مو الي فات فات
حنين : بشاير حياتي ماودج نغير الموضوع لاني مليت منه
ام ياسر : يلاه يا بنات قوموا على العشاء
بشاير : يمه ليش حطيتيه بدري
ام ياسر : خفت إن اخو حنين يجي وهو معصب وياخذها من دون ما تعشى زي ذيك المره
حنين تضحك : هههههههههههاااي لا يا خاله لا تخاافين ماطلعت إلا وهو عارف اني جايه عندكم
بشاير : يلاه قومي خلينا نتعشى قبل ماتقولين مأْساتج مع اخوج لامي هههههههههااااي
"""""""""
بيت ابو عبدالرحمن
في الدوانيه جالسين سعود وعلي وتركي
تركي : يناس عطونا وجه
علي : ياخي وشفيك قاط وجهك علينا ياخي افهمها واطلع
سعود : والله من جد تراك نشبه
تركي : يلعن خيركم شبيتوا فيني على طول
سعود وعلي :ههههههاااااااي
تركي : ليتكم ماجتمعتوا
علي : اعوذ بالله يالحسود
شوي ويدخل عليهم عبدالرحمن
عبدالرحمن : حيالله سعود
سعود : الله يحيك ويبقيك
تركي يضحك : الحين بننشبلكم انا وعبدالرحمن هههاااااي
علي : استغفرالله ياربي الظاهر إن اخوي انهبل
عبدالرحمن : انا بشرب لي فنجان وطلع
تركي :على وين
عبدالرحمن : عندالربع
سعود : علي ماودك نروح لسينيماء
علي : يله قدااام
طلعوا سعود وعلي وعبدالرحمن ومابقى الاتركي كنه مجنون جالس لحاله بالدوانيه مع كومااااار
تركي : والله انك نشمي ياكمار مافي إلا انت الي معطيني وجهه
كومار :اعمي يبي قهوه
تركي : صب لي قهوه وش عندي غير الشرب ومقابل خشتك الله يعيني بس على ريحتك الي فقعت مخي ياخي ماتتحمم
كومار معصب :اعمي ايب انا في حمام بس انا قوم صباح ايشتغل لين
ريهه مال انا يطلع شنو سوي اعمي
تركي : اقول صه صه بسك نقه على مخي خلاص اسف
كومار : بس قرقر واجد مافي معلوم
غزل : خلاص ياخي انا لازم انهي علاقتي فيك
خالد : شنو الدعوه على كيفج ولاعشانج بنت اكابر لاحبيبتي هالسوالف مو علي اكيد شايفتلج شوفه الحين
غزل مصدومه : شنو قاعد تقول وش شايفني ماني بنت ناس
خالد يضحك : ههههههااي تصدقين ضحكتيني وانا مابي اضحك
من متى وانتي بنت ناس انتي لو بنت ناس ومتربيه كان مو قاعده تكلمين من رجال لي رجاال 0000
غزل : والله عاد كنت غبيه ومغفله وطحت في واحد زيي
خالد : لا حبيبتي المغفل حمد مو انا
غزل بخووف : وش عرفك بحمد ؟؟؟؟
خالد : حبيبتي الديره صغيره وكلن يعرف الثاني
غزل مصدومه : يعني هو الي معطيك رقمي ؟؟؟؟؟
خالد : لا انا الي خذيته منه من غير ماايدري
غزل : ياااااا حقيييييررر
خالد : بس مو احقر منج 00
غزل : انا بغير رقم تلفوني وافتك منك ومن ماضيي الشين 00
خالد : ياحياتي بعد بتغيرين بيتكم
غزل : ليش تسوي فيني كذا ؟؟؟؟
خالد : لان مو انا ألي يلعبون علي الحريم لو كانت مين ما كانت ولاتحسبين الرياجيل كلهم زي حمد
غزل بعصبيه : لانه رجال وعنده كرامه ويخاف على بنات الناس
خالد بكل بروود : وبنات الناس ليش مايخافون على نفسهم ههههههاااي
غزل : خالد الله يخليك لاتفضحني انت تعرف منو انا ومنو اهلي ومكانة ابوي في الديره خلنا نسوي كل شي بدون فضاايح 00
خالد : خلاص مثل ماتبين بس بشرط ؟؟؟
غزل بخووف : شنو !!! وإذا تبي فلوس انا حاضر
خالد : ولي زين انتي وفلوسج محد باالديره معه فلوس إلا انتي ؟؟ شرطي انج تطلعين معي الحين 000
غزل : لالالالا خالد شايف الساعه كم وبعدين مقدر اروح معك في مكان عااام
خالد : كيفج تبين ولا افضحج عند الله وخلقه
غزل : انت مسجل كل مكالماتي ؟؟
خالد : حرفاً حرفاً ولا تحسبيني حبيتج مثل حمد الهايم لا حبيبتي انا ما احب فضلات الناااس هههههههاااي
غزل : الله ينتقملي منك ياحقير
خالد : بتجين ولا لا ؟؟؟
غزل : وين القااك , خالد بضحكة انتصاار : هههههههاااي في مجمع 00000 انا انتظرج عند الكااافي لا تأخرين حياتي
غزل وهي مخنوقه : جيب تسجيلات معك لانك اخر مره رح تشوفني
خالد : بطقاااق مايهمني بس اهم شي اني ذليتك وأدبتك تجين وتستلمي تسجيلاتك الحقيره 00 يلاه بااااااااااي
سكرت غزل التلفون وقعدت تصيح وبحرقة قلب وتحسفة على كل الي سوته وقامت تمسح دموعها وتلبس وطلعة وقالت لأمها انها رايحه للمكتبة
"""""بيت ام ياسر
كانوا حنين وبشاير ضحك وسوالف
بشاير :انا بروح اجيب شاهي حبق على كيف كيفج
حنين : عاد انا امووت على شاهيج
بشاير وهي تروح للمطبخ : افاعليج كم عندنا حنين وحده و تامر امر
وجلست حنين بالصالة بروحها وشوي وينفتح باب الصالة وتشوف
ياسر
اما ياسر استغرب منو هذي وتذكر على طول ملامحها الي عمره مانساهااا هذي هي حنين الي من يوم يومه مافرقت خياله
اما حنين على طول تذكرت ايامها مع ياسر وسوالفهم مع بعض واحلامهم وكل شي وكأن قلبها انفتح من اول ماشافته حست حنين بقلبها يدق بسرعه ماتدري ليش حست بهالشعور الحلو وبنفس الوقت
غريب ,ياسر حس بعمره وعلى طول كمل طريقه وراح لغرفته
جت بشاير ومعها الشاهي : حنون يله اشربي لين يطلع من خشمج ههههااااي
حنين : 000000
بشاير : حنين
حنين : هاااه وش قلتي
بشاير : وش فيج ماتردين علي
حنين : لا بس تذكرت ايام اول انا وانتي وياسر وكل شي
بشاير : ايه تصدقين إن ياسر دائماً يسولف عنج وعن حركاتج قبل
حنين : ههههاااي يحليله عاد كل حركاتي انا متعلمته من ياسر
دق جوال حنين : الو
ام فيصل : يله ترا الحين فيصل جاي بالطريق تجهزي لايعصب
حنين : انشاء الله يمه بالبس الحين
ام فيصل : سلميني على بشاير وامها
حنين : يوصل مع السلامه
بشاير :توج ماشربتي الشاهي
حنين : مره ثانيه حياتي يالله باي
بشاير : خليني اقولج شي
حنين :هلا
بشاير :وش جاب طاري ياسر والطفولة
حنين :صارلي موقف نفس الي صار مع عبدالرحمن هههااي
بشاير : وانا طوفني هالحظات دائماً
حنين تضحك : يله مع السلامه اكلمج بالتفلون باي
طلعت حنين لفيصل وراحت للبيت 0000


وش راح يصير مع غزل وخالد ؟؟؟؟؟
حنين هل بترجع لحب الطفوله ؟؟؟؟
عبدالرحمن شنو راح يكون نهاايته مع حبه الجديد ؟؟

انشاء الله بالجزء الثالث :SnipeR (27):

 

[دانيال]

رد: قصة مليئة بالحب

بارك الله فيك ناطرين الجزء الثالث
ملاحظه تم دمج الموضوعين لتسهيل المطالعه

 

[AM أمير بكلمتي AM]

رد: قصة مليئة بالحب

مشكور اخ دانيال على مرورك الكريم وعلى دمج الموضوعين

نورت الصفحة

 

[*خالد*]

رد: قصة مليئة بالحب

مشكور أخي على القصة
الصراحة ما قرأتها كلها كل يوم أٌقرء منها شوية
تحياتي لك أمير :SnipeR (69):​

 

[دموع الشموع]

رد: قصة مليئة بالحب

يسلمــــــــــوووووو امير

ان شاء الله اذا فضيت راح اقراها

لا عدمناااااااااااااااااكــ يالــ [mark=#FF9999]غ [/mark]ـــلا

,

 

[AM أمير بكلمتي AM]

رد: قصة مليئة بالحب

هلا وغلا اخ خالد مشكور على مرورك

والله قصة بتجنن وحلوة مرة

كملها وعطيني رايك

 

[AM أمير بكلمتي AM]

رد: قصة مليئة بالحب

هلااااااااااااااا وغلااااا دموع الغالية

اكيد نورتي الصفحة بمرورك ويارب تعجبك القصة

مشكورة يا الغلا

 

[ahmad]

رد: قصة مليئة بالحب

شـكــ وبارك الله فيك ـــرا لك ... لك مني أجمل تحية .

 

[AM أمير بكلمتي AM]

رد: قصة مليئة بالحب

مشكور احمد الغالي على مرورك واكيد


نورت الصفحة ياغالي بمرورك

 

[AM أمير بكلمتي AM]

الجزء الثالث

الجـــــــــــــــزء الثـــــــــــــــــالث



في السوق 00000

غزل : ياربي استر يارب
شوي وتسمع صوت من وراها 00
خالد : والله وتخافين ربج 0000هههههههااااي
غزل بقهر : يله هذا انا جيت اخلص وعطني الأشرطة قبل محد يشوفني 0000
خالد ببرود : لاحياتي موعلى كيفج اقعدي وخليني اتأمل في جمالج يله انثبري
غزل بخوف : خالد تكفى انت عارف انا منو وبنت منو ؟؟ الله يخليك خالد عطني وخلني اروح
خالد بعصبيه : وخير ياطير واحد اضربج على ايدج وقالج العبي بقلوب الرياجيل ولا عشانج بنت 000تسوين الي تبينه , لاحياتي موعلى خالد هالسوالف هالمرة طحتي على ذيب مو على خروف (على صراخ خالد في المجمع كل الناس تجمعوا عليهم , اما غزل فكانت منزله راسها ودموعها ماوقفت من الخوف والفضيحة 000
خالد : وتدرين عاد انج بالنسبة لي ولا شي يعني محتقرج لأنج وصخه ودنيئه ولا يشرفني اني احب وحده نفسج مين ماكانت
ويقرب خالد من غزل ويرفع وجهها ويقول : لاوبعد تبكين تدرين شلون تستاهلين كل دمعه طلعت منج ياحقيره هذا جزاءج مثل ماقطعتي قلب حمد وخليتيه يبكي دم عشان حقارتج ولعبدج السخيف والي منتي قده

حست غزل بالأهانه الكبيره مرررره وحست ان جسمها شوي ويطلع منه نار من القهر وبما انت وجه خالد قبالها تفلت على وجهه من القهر ومشت بسرعه وقبل لين خالد وراها ومسكها من ايدها وقعد يهزء فيها 00000


"""""""""""""""""""
""""""""""""""""""
في السينما 000

سعود : انا بروح اجيب لي كولا تبي معي ؟؟؟
علي : يلعن خيرك ماشبعت توك شارب كولتين 00
سعود : اخاف من حلالك شي وانا مدري
علي يضحك : هههههههاااي لاوالله بس خايف على صحتك
سعود : يعنني مندمج مع الفلم 000هههههااااي
شوي يسمعون صوت عالي
اذا موعاجبكم الفلم طلعوا برى
علي : لاوالله عاجبنا دافعين فلوس ليش
سعود : خلاص خلاص اسكت انا روح خمس دقايق وجاي

طلع سعود من صالة السينما واستغرب الناس كلهم مجتمعين وصوت صراخ , قال في نفسه اكيد في احد مغمى عليه او هوشه راح يشوف شنو الي صار ودخل بين الناس
وشوي لفت انتباهه شخص حس انه يعرفه ركز شوي , شوي ترجع له ملامح البنت الي دخلت عليه بالدوانية راح سعود لاشعورياً لخالد الي كان ماسك غزل من ايدها وقاعد تهزيئ فيها قام وسعود وعطى خالد كف خلها يدوخ من قوته ومسك غزل المتفاجأه وعلى طول طلع معها برى المجمع ومن دون أي كلام 00حس سعود انه الحين بعيد عن الناس التفت على غزل الي كانت منهارة مررره
سعود بحنان : ليش الدموع ؟؟
غزل : 0000
سعود : تعرفينه ؟؟؟ولا من الشباب الطايش
غزل : ابي ارد البيت
سعود : زين انا اسف بس ما :أبيج تردين وانتي بذا الحالة
غزل : سعود تكفى لحد يدري بالي صار
سعود : ولو مو انا الي افضح شعر وجهي ياغزل عشان كذا ماأبيج تروحين للبيت وانتي تبكين
غزل : لاتخاف محد راح يدري عني البيت شكبره
سعود : مع منو جيتي
غزل : مع السايق
سعود : لحالج ؟؟
غزل وهي منزله راسها : ايه
سعود حس انه طول معاها : خلاص انا بعد احس اني طولت معاج يله روحي بسرعه قبل مايطلع علي 00
غزل : اوكي
سعود بتردد: آآ غزل :
غزل تلتفت : هلا
سعود : انا حاب اطمأن عليد واعرف شغله
غزل مافهمت : شنو؟؟
سعود : يعني اذا جاج رعم غريب رد ي لأنه انا 000
غزل تبتسم : ان شاء الله يله مع السلامه
راحت غزل للسياره وسعود رد للمجمع وتفكيره بين غزل والي صار معها شوي دق تلفونه
سعود : هلا
علي : وجع وينك انتهى الفلم
سعود : هاااااه
علي : وجعااه كل ذا كولا
سعود : زين مالي خلقك انا عندي السياره يله اطلع
علي : شفيك معصب وبعدين وش وداك للسياره
سعود : انت تعال وبتعرف

في السياره 00000

علي يضحك : وماجاك وجع الراس الا اليوم ههههههااااي
سعود كان تفكيره كله مع غزل : 0000
علي : يابو الشباب شفيك ؟؟؟
سعود : لا مافيني شي بس تعبان شوي
علي : يعني منت سهران عندنا
سعود : لاوالله يوم ثاني ان شاء الله

نزل علي سعود لبيتهم وراح
دخل سعود للبيت كان البيت هدوء الكل نايم راح لغرفته واخذله شور وبعدها انسدح على السرير يحاول انه ينام وماقدر ينام من التفكير بالي صار (معقولة غزل البريئه الطفله تطلع من هالنوعيه 00لالامستحيل غزل غير بس منو الي يهاوشها ؟؟ استغفرالله ياربي انا شفيني ليش قاعد افكر فيها 00ايه عادي هذي بنت عمي حسبت حنين بس المشكله انها غير
الله اكبر الله اكبر 00 لا اله الا الله
ماحس سعود بالوقت الي كان ماخذه منه عقله وقلبه بين الصح والغلط 000
قام سعود وتوضأ وراح للمسجد عشان يصلي الفجر 00
يوم رجع راح للمطبخ عشاي يشرب ماي وهو داخل لقى حنين
سعود : السلام عليكم
حنين : هلا والله وعليكم السلام وينك من امس ماشفتك
سعود وهو يحط الكاس : كنت طالع مع علي
حنين : لاحول ترى كل وقتك مع علي عطنا نصيب
سعود: ياشين الي يبون يتلزقون
حنين تضحك : ههههاااي حرام عليك هذا وانا فاقدتك وتقولي هالكلام
سعود : امزح يالشينه انا بروح انام
حنين : اذلف يالشين
طلع سعود وبنص الدرج تذكر شي ورجع ركض لحنين
سعود : حنين !!!!!
حنين : بسم الله خير وش فيك
سعود : وين تلفونج ؟؟؟
حنين : ليش ؟؟
سعود : ااابي مسجات ؟
حنين : بكره ان شاء الله الحين روح نام
سعود بعصبيه : اخلصي وعطيني اياااه
حنين : زين لاتصارخ تلقها فوق بغرفتي 00
راح سعود لغرفة حنين واخذ تلفونها وقعد يدور على رقم غزل طلع تلفونه وسجل الرقم وراح لغرفته 00
ادق ما ادق ادق ما ادق ولالابس اخاف نايمة الناس دوامات 00
خلاص الرقم عندي وبكره ان شاء الله ادق 000 وحط راسه وناام


""""""""""""""""
""""""""""""""""""""""""""""
""""""""""""""
في بيت ابو عبدالرحمن 000
غزل طبعاَ ردت البيت
بغرفة غزل 000
كانت كل شوي وهي طالع تلفونها وتقول يارب ياسعود انك تكون قد كلمتك ولا تفضحني 00قعدت غزل تفكر بسعود وفزعته وحنانه ولو ان سعود ماجاها كان وش راح يصيرلها ولا قدرت تنام ماتدري ليه قعدت لين طلعت الشمس ثم تعبت ونامت وهي ماتدري شنو راح يصير لهاااا

"""""""""""""""""""""
""""""""""""""
"""
في الجامعه 000

حنين متفاجئه : لاشنو شقاعده تقولين
بشاير ببرود : انا مالي دخل هو من زمان وهو ميت عليج ويوم شافج ذاك اليوم زاد حبه وعشقه وهيامه الله واكبر قيس على غفله هههااااي
حنين تتطنز : قيس على غفله ؟؟ ياشينج
بشاير بضحك : عاد انا قلت لأخوي العزيز شنو الي عاجبك فيها تسد النفس سبحان الله كل ماشفت الشاذي اتذكرج هههههاااااااااااي
حنين وهي قايمه : ياشين الغيره قومي بس خلنا نلحق على المحاضرة تراها بدت

قاموا حنين وبشاير وكان كل تفكير حنين بياسر هل هو صدق لي لحين يحبني (ياسر من يوم كانت حنين صغيره وهو يحبها ويشتريلها حلويات ومدلعها مرره هم كانوا جيران حنين بس انتقلوا لبيت ثاني وهذا الي قطع قلب ياسر لأنه ماراح يشوف حنين كل يوم وبذاك الوقت يوم انتقلوا كان عمر ياسر 18 وحنين 14 وكانت مراهقه )
بس علاقت حنين ببشاير مستمره بحكم انهم عايشين ونفس المدرسه وكل شي كانوا مع بعض وفرحهم وحزنهم واحد ودايماً على قلب واحد حتى بنات المدرسه كانوا يحسدونهم على بعض
بشاير : وجع ان شاء الله يالخايسه
حنين : يوجعج شفيج ؟؟؟
بشاير : صارلي ساعه اتكلم وخلصت المحاضره وانتي ولا عندج
حنين : تدرين انج دفشه
بشاير : هههااااي مو اول مره احد يقولي هالكلام
حنين : يله انا بقوم الحق على الباص قبل مايروح ثم يذبحني فيصل
بشاير : والله اشك انه اخوج يله انا بوصلج عند مكان الباصات
راحوا حنين وبشاير مصافط الباصات وقعدت حنين تحوس وادور على باص منطقتهم وسألت الهندي
حنين : حجي وين باص منطقة 000
الهندي : هذا يروه من ساعه
حنين اخترعت : راحت روحه وليش يروح
الهندي : مادري مدام
حنين : خلاص مشكور
بشاير : ههههههههههههههههههااااي اجل بكره عزاج هههااااااااااااااي
حنين: ضحكتي بلا ضروس انطمي بس
بشاير : شدعواا ليش معصبه بتروحين معي ياقلبي
حنين : مابعد انهبلت اركب مع ياسر
بشاير : ليش شفيه اخوي حبيبتي
حنين : مافيه شي بس لودرى فيصل ذبحني
بشاير :تراج غثيتيني كل شوي فيصل وفيصل مو مسويه غلط انتي
حنين : خليني ادق على سعود
شوي دق تلفون بشاير
بشاير : هلا
ياسر : يله وينج
بشاير : يله كاني طالعه خمس دقايق وطالعه
ياسر : يله مع السلامه
بشاير : مع السلامه
بشاير : يله امشي ياسر ينطر برى
حنين : لالابشاير حياتي روحي وانا بدق على سعود
بشاير : حنين يله عاد ترى بزعل منج شنو بتسوين انتي كله بتركبين وبتنزلين ماسويتي ذنب يله بسرعه ترى الشمس فقعت راس اخوي

في السياره 0000
ياسر طاير من الفرحه : شخبارج حنين
حنين بخجل : تمام
بشاير : احم احم نحنوا هنا
ياسر : ندري يعني عمياان
بشاير : زين عطوني وجه
ياسر : اقول حنين
حنين وصوتها ياله يطلع : هلا
ياسر بقلبه يازين الصوت : شلون متحملتها
حنين تضحك : هههههاااي حرام عليك والله انها عسل
بشاير : يابعد جبدي ياحنين محد مقدرني الا انتي
ياسر : افاااا ياحنين بغيتج عون صرتي فرعون
بشايروحنين : ههههههههههههههههااااااااااااااي
ياسر : عساها دوم هالضحكه
بشاير بمكر : تسلم
يلتفت ياسر عليها : دوم لحنين مو لج يالملقوفه
ضحكت بشاير على ياسر ووصلوا عند بيت حنين
حنين : يله مع السلامه ومشكورين
ياسر : ولو ماسوينا الا الواجب
دخلت حنين البيت وهي خايفه انها تقابل فيصل 000
حنين : السلام عليكم
ام فيصل : هلا وعليكم السلام وش ذا التأخير
حنين : لايكون فيصل معصب ؟؟
ام فيصل : لاولا درى عنج
حنين : اشوى
ام فيصل بشك : ليه وين كنتي
حنين : الله يهداج يمه يعني ويني بالجامعه
ام فيصل : وليش خايفه
حنين : لأنه كانت عندي محاضره والباص طافني وتأخرت وخفت انه يخانقني زي ذاك اليوم 00
ام فيصل : خلاص يمة روحي بدلي ملابسج وتعالي تغدي
حنين : لايمه مالي نفس انا بروح انام
راحت حنين لغرفتها وبدلت ملابسها وانسدحت على سريرها
آآآآه ياياسر فتحت علي باب كنت احاول انساااه من زماان آه ياياسر نظراتك هي نظراتك ماتغيرت تظرة حب وحنان ليه تسوي فيني كذا ليه 00احسبك خلاص نسيت ايامنا 00اثاريك مانسيت شي ياربي ياياسر اخاف اتعلق فيك احبك وتتخلى عني
شوي ويقطع عليها حبل افكارها صوت مسج فتحت المسج

احبك واموت فيك
واموت بعيونك
ولايهون باقيك
بختصار احبك واموت فيك كلهااا مااا توفيك 00

شافت الرقم ولقته غريب 00قالت اكيد غلطان رجعت وحطت راسها على السرير ونامت

"""""""""""""""""""
""""""""""""""""""""""""""
في بيت بشاير
بشاير : يمه ماشفتي تلفوني ؟؟؟
ام ياسر : وانا وش يدريني عنه
بشاير : ياربي يعني وين راح
ام ياسر تضحك : الظاهر انه سير على الجيران هههاااااي
بشاير : والله صايره تنكتين يمه ههااااي
ام ياسر : ليش محد يعرف ينكت الا انتي
ياسر : السلام عليكم
ام ياسر وبشاير : وعليكم السلام
ياسر : هاج تلفونج
بشاير : شنو الي جابه عندك
ياسر وهو مسوي نفسه برئ : مدري لقيته بغرفتي يمكن يوم انج جايه تقرقرين على راسي ونسيتيه
بشاير وهي شاكه : يمكن
ام ياسر : امشو نقعد بالدوانية مع ابوكم لايحسب انا مطنشينه
""""""""""""""""""""
""""""""""""""""""""""""""""
"""""""""""""""""""
في بيت ابو عبدالرحمن

الكل قاعد بالحديقه ومجتمعين ماعدا غزل الي ماطلعت من غرفتها وخايفه ولا تدري شنو تسوي 00
تركي : يمه وين غزل ماشفتها من امس ؟
أم عبد الرحمن : اكيد بغرفتها ؟
تركي وهو يضحك : والله كنها عايشه بفندق الكل يجيها فوق وتطلع وتروح على كيفها اشك اني اخوها هههههااي
ابوعبدالرحمن : تركي وش ذا الكلام الي تقوله عن اختك
تركي : شدعوااا يبه امزح
دخل عليهم عبد الرحمن
عبد الرحمن : السلام عليكم
الكل : وعليكم السلام
قعد عبد الرحمن معهم سوالف وضحك
تركي يضحك: يارجال اخلص علينا وتزوج وراك ناس اخلص
عبد الرحمن و ابتسامة ترد الروح: عن قريب إن شاء الله ارتاح بيجيك الدور
أم عبد الرحمن وهي مستانسة : الحمد لله مابغيت ، وش رايك بدلال بنت خالك زين وجمال 00
عبد الرحمن: لا لا يمه البنت أنا مختاره وقريبه لنا وأنتي تحبينها
أبو عبد الرحمن: منهي سعيدة الحظ 000
تركي بلقافه: إلا تعيسة الحظ يبه هههههاي
عبد الرحمن يضحك : هههههاي يـــا مـلـغـك ....
أم عبد الرحمن : ما عليك منه قول منهي اللي ميت عليها
عبد الرحمن : حــنــيــن بنت عمي
أبو عبد الرحمن وهو حده مستانس : ما اخترت إلا الكامله والكامل وجه الله
أم عبد الرحمن : وأنا اشهد والله إني حاطه ايدي على قلبي لا تقول وحده مانعرفها
تركي : الله يهداج يمه قالج وحده تحبينها أكيد تعرفينها ههههاي،بس من جد عبد الرحمن أحسنت الاختيار بس متى الخطبة ...
عبد الرحمن : يعني كلكم موافقين البنت مافيها أي عيب
ام عبد الرحمن : لا والله يا وليدي بنت ما مثلها بنت زين وجمال ودين وش تبي أكثر من كذا
أبو عبد الرحمن : إيه وكفاية إنها بنت عمك ....
عبد الرحمن بقلبه : ادري والله يمه من شفتها وأنا حياتي بخير ...
تركي : ها يبه ماقلتلي متى الخطبة
أبو عبد الرحمن يضحك : وأنت اللي بتعرس ولا هو ...
عبد الرحمن : خله يبه عنده لقافه وغثه الله يعين مرتك عليك ..
تركي : شف شف الحقير على طول قلب علي ، أقول خلني اقوم بس الظاهر محد متحمل ملاغتي إلا كومار ههههاي ... يلا انا طالع
عبد الرحمن : هههههاي فمان الله ..
أبو عبد الرحمن : وين علي ماشفته اليوم
أم عبد الرحمن : سهران ما نام الا الصباح خلني أروح أشوفه هو وغزل
عبد الرحمن : يبه ...
أبو عبد الرحمن : هلا
عبد الرحمن : متى راح نخطب ...
أبو عبد الرحمن : والله ياوليدي خير البر عاجله ودي من اليوم بس إن شاء الله بكره بروح واكلم أبو فيصل
عبد الرحمن : وأمي ما تبيها تكلم خالتي أم فيصل ..
أبو عبد الرحمن : وشدعوا .. ماله داعي حنا قرايب خلاص أنت لاتشيل هم .. انا بطلع الحين ..
عبد الرحمن : وين؟
أبو عبد الرحمن : بروح ازين أشغالي مع السلامة
عبد الرحمن : مع السلامة ...
"""""""""""""""""""""""""""""""
""""""""""""""""""
في غرفه غزل
أم عبد الرحمن : غزل يمه قومي ما صارت شوفي الساعة كم ...
غزل وهي خايفه : منو شصار شفيج ؟؟؟
أم عبد الرحمن : بسم الله عليج ما في شي اقولج قومي وراج دراسة
غزل : ما صار شي يمه ..
أم عبد الرحمن : وش بيصير ماصار إلا الخير الظاهر متحلمه حلم مو زين
غزل تحاول ترقع الموضوع :إيه إيه يمه حلم .. خلاص أنا نازله
أم عبد الرحمن : يالله وأنا بروح أقوم عليوي ...
علي : عليوي قام قبل ما تجينه
أم عبد الرحمن :ههههههاي بسم الله علي من وين طلعتلي ..
علي : من الجدار يعني من وين يمه
أم عبد الرحمن : هههههاي زين امش تحت عشان تاكلك لقمه
علي : لا يمه أنا بروح مع سعود
::::::
حطت غزل ايدها على قلبها وتذكرت تلفونها وراحت شافتها ولقت مكالمتين من رقم غريب وعرفت انه سعود
أم عبد الرحمن : زين سلمني عليه ، علي : يوصل يالله مع السلامة
راحت غزل وغسلت وجهها ودخلت غرفتها بسرعة ....
أم عبد الرحمن : غزل لا تنامين ياويلج قومي وراج دراسة..
غزل من ورا الباب : ماراح أنام بس بذاكر دروسي
ام عبد الرحمن تضحك : هههههاي من الفلاحه الزايده
انزلت تحت ام عبد الرحمن وبقت غزل في غرفتها تفكر تدق او ماتدق وحيرانه وش تسوي ، ياربي حاسه ان سعود فيه خير وان شاء الله مارح يعلم احد بالي صار الحين المغرب ولا سمعت أي شي ان شاء الله انه يكون عند حسن ضني 0000
وهي تفكر قطع عليها صوت التلفون ==== شافت الرقم موغريب ياويلي هذا رقم خالد شيبي هذا بعد
مارح ارد عليه ولا تدرين شلون يابنت اغلقي جهازج احسن لج 00000
اغلقت غزل جهازها وهي خايفه ولاتدري شنو الحـــل 000


( في بيت ابوفيصل )
امال : اقول خالتي الا وين حنين ؟؟؟
ام فيصل : قاعده بغرفتها ليش ؟؟
امال :لا بس مجرد سؤال ماشفتها اليوم
ام فيصل : اكيد عليها امتحان ماتقعد بغرفتها الا لاجاها امتحان 00
امال :ايه الله يوفقها 00
ام فيصل : اجمعين يابنيتي 000


***********

= = الحب هو معنى الحياة = =
==الحب هو قلب ينبض باسم الرومانسيه==
= = الحب هو التضحيه = =
= = الحب هو قلبان في جسد واحد = =
== الحب كلمة رددها العشاق ==
= =الحب لا يعرف اليأْس = =
= = الحب لايعرف الأْستئذان = =
= =الحب لا يرحم العشاق = =
= = الحب له انواع = =
= = الحب مرٌ وحلو = =
= = الحب احساس ووفا ==

***********

دق تلفون حنين 00
حنين : الـــوو
0000 :قــــوه
حنين : هلا منو معي
0000: ماعرفتيني ؟؟
حنين :بتقول منو ولا راعي طويله انت !!
0000:ههههههههههااي حلوه راعي طويله !!
حنين : انت الظاهر فاضي وتحسب الناس زيك
0000 :انا ياسر ياحنين 00
حنين منصدمه :: ؟؟؟؟؟؟
ياسر :: الو الو حنين وينج ؟؟
حنين : معــــاك
ياسر : لايكون ازعجتج !!
حنين :: لا لا
ياسر : اكيد
حنين : بشاير عطتك رقمي ؟؟
ياسر :: اسف انا الي خذيته وهي ماتدري ,,, حنين
حنين :: هلا
ياسر : انا بصراحه يمكن تلقفت وازعجتج بس انا محتاج اكلمج كثير
حنين : ؟؟؟
ياسر : انا عارف انج مو فاهمه كلامي بس مع الوقت رح تفهميني انا اتمنى ان بشاير ماتدري اني اكلمج
,,,, لا تقولين ليش لان الموضوع عني وعنج وما احب احد يدخل 00
حنين انا ماعندي لف ولا دوران صدقيني ,,, حنين انا انا احبج والله احبج ومن زمان بعد لا تقولين عني اني
وقح صدقيني هذا الي بقلبي لج من زمان انتي اسرتيني بحبج بكلامج بنظرتج وكل شي فيج , انا كنت
بقول هاالكلام من زمان بس مدري حسيت انج ناسيتني ولا تفكرين فيني ولا حتى تسالين عني 00
بس عقب امس حسيت بشي غريب حسيت انج تحبيني او على الاقل , لا تقولين شلون انا اعرف نظرتج
نظرتج فضحتج وياليت يكون احساسي بمحله 00
انا يمكن تماديت بكلامي بس صدقيني كل كلمه قلتها طلعت من قلب صادق ويحبج ولا تفكرين فكره بس اني ابي العب
او اتسلى وحطي في بالج اني اخر واحد يئذيج او يجرحج
لاني قبل اجرح نفسي واأذي نفسي بعد لاني من سابع المستحيلات اسوي كذاا 00
انا طولت ولا ابي ردج الحين ولو وافقتي صدقيني قصدي شريف واتمنى هالشي من زمان وحتى لو رفضتي تبقين حنين العزيزه والغاليه وحبج يزيد ولارح ينقصه رفضج واكذب عليج لو قلت اني مارح احزن واتضايق 00
بس انا قلت الي آسر قلبي ومعذبه وياليت ماتزعلين مني
ولاعلى تطفلي 00انا اسف مره ثانيه
حنين: ياسر
ياسر: هلا
حنين : انا ماني عارفه شقول انت صدمتني مره وحده بالكلام
ياسر: انا عارف وانا مابي اسمع منج شي الا لين تفكرين 00
حنين : قصدك بالزواج 0000
ياسر : ايه ابيج تكونين لي بالحلال
حنين : 0000
ياسر: متى مابغيتي دقي ولايردج الا لسانج اماانه
حنين : يعني بشاير ماتدري بكل الي صار
ياسر: لا بس اذا انتي علمتيها هههاااي
حنين : ليش ماتبيني اقولها
ياسر : ياليت عشاني 000
حنين : اوكي ان شاء الله
ياسر : فديتج تسلمين 00يالله ماطول عليج مع السلامه
حنين : مع السلامه
0000
0000000
فاض الغرام وشفت الأمواج نيران 000
لك ارتعش قلبي وانا كنت حاير 0000
عانقت صدرالموج لشفاك ولهان 000
والشوق جايمي من اليم زاير 0000
اشوف حبي لك على كل الوان 000
الكون رسمة شوق للعين صاير0000
********
****
نواف : حنين بطلي الباب
حنين: هلا شبغيت ؟؟
نواف : لابس طفشان وجيت عشان تونسيني
حنين : لالاوالله الظاهر مكتوب في وجهي نكته وانا مدري
نواف : هههااي لابس احب سوالفج
حنين : اقول ماعندك ماعند جدي قوم قوم بس اطلع وسكر الباب وراك مالي خلقك حدي
نواف : بسم الله علي وشفيج كليتيني 00الشرهه علي الي جايج
حنين : ايه ايه اني داريه قوم بس قوم
نواف : اروح اذاكر احسن لي
حنين : منو الحمار بس الي ماسكك وانا اذبحه
نواف : توكلي بس 00
حنين : سكر الباب وراك
قعدت حنين تفكر بياسر وكلامه وحبها 00
تحبه مثل مايحبها ويمكن اكثر مانسته ولا لحظه ظل حبه بقلبها بصمت من دون ماتبوح بمشاعرها لأحد 00كانت تحسب انه مايفكر فيها وانهم اول كانوا مراهقين بس
لكن الأشواق فاضت والقلوب احتاجت لبعضها كل واحد عطشان حب ويبي من يرويه عشق وهيام حب صادق حب شريف امنيتهم تكون نهايته استقرار؟؟؟؟؟
00000
0000000000
0000
( في بيت ابو عبدالرحمن )
عبدالرحمن: غزل غزل افتحي الباب
فتحت غزل الباب: هلا شبغيت ؟؟
عبدالرحمن : شدعوا مافيه حياك تفضل 00
غزل : هههااي حياك تفضل
عبدالرحمن : ببغاء ؟؟هههاااي
غزل : والله ماينعرف لك
عبدالرحمن: سلامات شفيها عيونج مورمه
غزل بخوف : هااه لالا مافيها شي بس عشاني مخربه نومي
عبدالرحمن : اها زين ماعلينا بغيت اكلمج في موضوع ؟؟
غزل بخوف : شنو أي موضوع ؟؟
عبدالرحمن : زين خليني اتكلم واقعدي
قعدت غزل وكلمها عن موضوع خطبته بحنين 00
غزل : اه الحمدالله
عبدالرحمن : على شنو للحين ماصار شي
غزل طلعت منها الكلمه عفوية وعلى بالها انه جاها عشان سالفتها بس تأكدت ان سعود حفظ السر وقد كلمته 00وكبر في عينها
عبدالرحمن : الوو قاعد اكلمج انا
غزل : معاك كمل 00
عبدالرحمن : ايه يحلفون معاي شكمل بعد خلص الموضوع !
غزل : تعال شمعنى حنين ؟؟؟
عبدالرحمن : ليش مو عاجبتج ؟؟
غزل : شنو مو عاجبني ؟ الا تجنن مافيه مثلها ثنتين
عبدالرحمن : والله ؟؟
غزل : اقول لاتصرف قولي شمعنى حنين ؟؟؟
عبدالرحمن : لأنها بنت عمي
غزل : والله تصدق جايب شي جديد
عبدالرحمن : هههاااي والله عارف شقصدج بس ماراح اقولج موتي 000
غزل : ايه انا كنت شاكه والحين تأكدت
عبدالحمن يضحك : ههههااي وش تأكدتي شقاعده تخربطين انتي وخشتج
غزل : علينا يامنااحي 000
عبدالرحمن مات ضحك : ههههااااي حلوه يامناااحي هههاااي
غزل : هههههههههاااي يله عاد وبلاتصاريف وقولي
عبدالرحمن : شكج بمحله ياالسكنيه 00من يوم العزيمه وهي مافارقت خياالي 00مادري جذبتني بنظره حسيت اني تعلقت فيها على طول ولااقدر استغني عنها بس تدرين شنو الي خايف منه ؟؟؟
غزل : شنو ؟؟
عبد الرحمن : انها ماتوافق علي 00 احس اني بموت لو رفضتني لاني من جد احبها
غزل : هههههههههههههاااي لا لا ارتاح مارح ترفضك ان شاء الله
عبدالرحمن :ليش وانتي شدراج ؟؟
غزل : لان عقب ما دخلت عليها الغرفه كانت بعالم ثاني واكيد انها تفكر فيك لانها ماسجت الا بعد مادخلت عليها بالصاله
عبدالرحمن :قولتج !!!
غزل : وبعدين انت منو الي ترفضك كامل والكامل وجهه
عبدالرحمن : هههههههههههااي ياالله عاد ماحب المدح ترى
غزل : ههههههههااي زين ماكنك طولت ياالغلا 00
عبدالرحمن : خوش طرده اوريج ياالمليغه 00
غزل : ايه الحين مليغه عقب ماسحبت مني كلام
عبدالرحمن : هههههههههااي مشكلتج اذاانتي غبيه

طلع عبدالرحمن من عند غزل الي كانت مرتاحه ومو مرتاحه ودها تفتح جهازها بس خايفه من خالد بس قلبها مع سعـــوود
الي حست بطيبته ووبرجولته 00
******
*********
( في بيت ابو ياسر )
ياسر: يالله اخلصي انا انا انطرج بالسياره 00
بشاير: يالله يالله جايه بس اخذ تلفوني 00

(في السياره )

ياسر : بشاير شرايج تلهين حنين لين يطوفها الباص
بشاير: لاوالله انهبلت انت من جدك والا تمزح
ياسر: شنو فيها عادي ابي اكحل عيوووني
بشاير: استريح بس استريح !!!ياسر ترى انا ماأرضى انك تلعب بقلب حنين 00
ياسر: وش قصدج ؟احد قايلج شي
بشاير : لاولاشي بس اقولك يعني
ياسرمايبي بشاير تشك بأي شي :ايه زين انسي الي قلته بس انا كنت ابي امزح معج
بشاير: زين زين وقف اهني وصلنا 00
ياسر: يله انزلي اخرتيني 00ولاتنسين هههههااااي
بشاير: ههااااي ياسخفك يله بااي


نزلت بشاير ودقت على حنين 00
بشاير: الو ها وينج؟؟
حنين : هلا بشاير انا بالبيت
بشاير: وش عندج سلامات
حنين : لاحياتي مافيني شي بس مضايقه ولا لي خلق للمحاضره الأولى
بشاير: زين انا انطرج الساعه 10 بالضبط لاتتأخرين حياتي وطمنيني عليج يله انا تأخرت على المحاضره بااي
حنين : بااااي


*******
**********
***
سعد : والله ياعبدالرحمن اذا انت حاس نفسك انك متعلق فيها خلاص انا وش اقول بعد 00
عبدالرحمن : ايه والله ياسعد انا من جت عيني بعينها وانا حاس اني بعالم ثاني 00
سعد : ايه خلاص دامها بنت عمك فهي حلال عليك ههههههه
عبدالرحمن : ايه بنت عمي بس والله خايف يسوي عمي فيني مثل ماسوى ابوي !!
سعد : عبدالرحمن انت ماتقول ان ختك وولد خالتك من زمان وهم يحبون بعض من يوم كانوا صغار ودايم يقولون انهم لبعض ؟؟
عبدالرحمن :ايه ايه الحين شدخل اختي وولد خالتي في سالفتي ؟؟
سعد :لهم دخل لان ابوك كان وده بفيصل بس اختك قلبها متعلق بولد خالتك وابوك احترم رايها وما حب انه يغصبها على شي هي ماتبيه صح ولا لا ؟
عبدالرحمن : صحيح 00
سعد : خلاص يارجال حلينا عقدتك عمك لا هوب رادك ان شاء الله ومثل ماقلتلي انك ماتظن ان انها تحب احد واهم شي دراستها 00
عبدالرحمن : يعني تشوفها كذا !!
سعد : والله ياالحبيب هذا الي عندي وان شاء الله يكتب لك الي فيه الخير 00
عبدالرحمن :يعطيك العافيه ياخوي والله انك والله انك شليت همن على قلبي 00 انا بروح استئذن من المدير بطلع
سعد : ليش سلامات شعندك ؟؟
عبدالرحمن :لا والله بس من امس مو نايم افكر باالموضوع ولا قدرت ارقد والحين ارتحت من كلامك وبروح للبيت 00
سعد :يعني انت وخشتك طااق وجهك من صباح الله وجايني عشان تقولي هاالسالفه وترد تخمد شقالولك الدكتوره فوزيه على غفله 00
عبدالرحمن : هههههههههههههاااي لا والله بس مايقولون الصديق وقت الضيق !!
سعد : زين مايخالف انا اوريك ياعسى المدير مايوافق
عبدالرحمن : هههههااي حرام عليك والله اني تعبان 24ساعه وانا مو نايم 00
سعد : زين خلاص متى ماقمت تعال اسهر عندي
عبدالرحمن : ماشي 00يله مع السلامه
سعد : فمان الله

طلع عبدالرحمن من الدوام وهو حده تعبان وراح سيده للبيت وحط راسه على المخده الي كان يوم كامل وهو يفكر بحنين الي خذة عقله وروحه وكيانه 000

****************
*************
********

هل حنين رح تحن وترجع ؟؟
ياترى بتبوح لرفيقة عمرها بالي صار ؟؟؟
ياسر وعبدالرحمن منو الي بيملك قلب حنين ؟؟؟؟


يارب يعجبكم والى اللقاء في الجزء الرابع:SnipeR (27):