"الهريبة نص المرجلة"

lily

كاتب جيد
باترى شو المعنى الحقيقي لها القول "الهريبة نص المرجلة"
صرلي ساعة عم فكر بموقف دايما بيصير معي وعم قول يا ترى من مفهوم الرجولة انه الواحد يحكي يلي بده يحكي ويروح وما يسمع شو الرد ولا يواجهه ولا صار بهالوقت مفهومكون يا شباب تحكوا يلي بدكون ياه وما تسمعوا شي تاني

ويا ترى بالمواقف التانية حلال وشي طبيعي اذا شفنا الرجال عم يهربوا من ايا مشكلة بتواجهون بحجة هالقول يلي كل ما حدا واجه مشكلة بيرفعه وبيعترف فيه


موضوع للنقاش يا اعضاء بتمنى تعطوني رأيكون :wub:
 
المواضيع المتشابهة

ترانيم العشق

كبار الشخصيات
رد: "الهريبة نص المرجلة"

أكيد هالمفهوم خاطيء غاليتي
ولا يجب الاخذ به
فهو دليل انهزام داخلي قبل المواجهة
وليس من الرجولة التستر وراء المفاهيم الانهزامية الخاطئة
اشكرك لطرحك
وارجو التفاعل من الجميع
بدي اسمع من الشباب انااااااااا
كوني بخير
 

دانيال

المدير العام للموقع
طاقم الإدارة
رد: "الهريبة نص المرجلة"

مابعرف يمكن انتي طارحه الموضوع من خلال
تجربه شخصيه مريتي فيها
هل الهريبة نص المرجله مثل يقال
لشخص عند مواجهت موقف فوق الرجولة مثال هل من الممكن
لرجل ان يقابل حيوان مفترس كبير اكيد الهريبة هون حكمه اكثر
منجي لمنطلق الموضوع يلي حكيتي فيه لماذا يهرب الشاب من النقاش
يبقى اكيد الحوار اقوى منه وحس بالغلبه لكن هنا ليس من الحكمه الهروب بالنقاش وتبين وجهات النظر
 

أسير القمر

مشرف قسم الأزياء والموضة
رد: "الهريبة نص المرجلة"

[ALIGN=CENTER][TABLE1="width:95%;"][CELL="filter:;"][ALIGN=center]
الهريبة تلتين المرجلة
صح صح صح
طبعاً عندما يتوجب عليك الهروب
و كثير من المواقف في الحياة بتتطلب الهروب
خاصة لما تجي ع البيت متأخر بعملك مثلاً
ومرتك بتكون ناطرة :eh_s(5):ومجهزتلك المحاضرة المطولة:eek:mg:
أو إنك تتهرب من مواجهة مشكلة إذا ما تهربت منها بها تتفاقم وتتفاقم وتتفاقم
إذاً أنت بهروبك منعت حدوث مضاعفات..... فليش ما نهرب بهيك مواقف
أما الهروب من كل شي فهو صفة لا يجب على أي شخص لا رجال و لا ست
يتبعهوها أو يتسمو فيها بينما الهروب في مواقف مشابهة لما ذكرت فممكن أن نعدها فطنة و ذكاء
ليس الفطنة حسن التصرف بعد حدوث المشكلة
إنما الفطنة هي أن تحول دون حدوث هذه المشكلة
فمافي مانع إذا هربت ع النوم
[/ALIGN]
[/CELL][/TABLE1][/ALIGN]
 

lily

كاتب جيد
رد: "الهريبة نص المرجلة"

مشكورة سارة حبيبتي انا معك بالرأي:have a nice day:
ومشكور كتير دانيال بتوقع انك فهمت وجهة نظري من الموضوع وشو مشكلتي الرئيسية يعني اذا انعدم الحوار والمناقشة وبقي الهروب هو الطريق الوحيد بتصير المشاكل الصغيرة كبيرة:serious business: وناتجة عن سوء فهم او تعبير غلط
وانا براي يا (شركة رماء ستايل) انه في كتيير مواقف بالحياة بتتوجب الهروب ومتل مابيقولوا اختصارا لتكبير المشكلة بس احيانا لازم الواحد يواجه المشكلة ويخلص منها لانه اذا ما كبرت ما بتصغر مشكور على مرورك :wub:
 

بنت اليمن

قسم الأزيـاء و الموضـة
رد: "الهريبة نص المرجلة"

عم ننطر رأي الشباب
لانو انا ما بهرب
ههههههههههه
موضوع رائع للنقاش
تحياتي الك خيتي
تقبلي مروري وردي

بس عن رأي بفضل المواجهه مهما كان الامر .
 

LEGENDS

كاتب محترف
رد: "الهريبة نص المرجلة"

مرحبا

مسا / صباح - الخير

الهريبة تلت المراجل

يا شباب تحكوا يلي بدكون ياه وما تسمعوا شي تاني

برأيي ما الها علاقة المقولة بالمثال يلي طارحتيه ، الهريبة تلت المراجل متل ما تفضل الأخ دانيال بيكون لما بشوف حيوان مفترس و بهرب منو لاني بعرف اني ما رح اقدر على عراك هاد الحيوان !

اما بالنسبة للمثال فهاد الشخص بيكون عندو ضعف و هروب من الواقع بيحاول يهرب من المشكلة بأنو يخلق مشكلة اكبر امام الشخص الآخر و يخليه ياخد فكرة انو الطرف الهربان هوو طرف غير مبالي و لا بيتسم بصفة الحوار و الديموقراطية و بينحط بخانة الشك. :eek:smiley:


شكراً لك ليلي لطرح الفكرة ، و تحياتي



 

RETARETA

كاتب جيد جدا
رد: "الهريبة نص المرجلة"

الهريبة أحيانا برأيي بتكون نصف المرجلة إذا ما كانت كلها

وخاصة بالمواقف اللي بتكونقد تودي بحياة الشخص أو تؤدي إلى خسارة كبيرة

والهريبة اللي بتقصدها هي المقولة بظن هي من نوع تاني غير الهرب من النقاش أو الحوار

الشخص اللي بيتصرف متل ما حكيتي أنتي

يعني بيرمي كلمتو وبيمشي

هاد شخص جبان وضعيف الشخصية

لكن بشكل عام الحياة كر وفر كما المعارك

والشخص الذكي هو الذي يعرف متى يكر ومتى يفر حسب الموقف

دون أن يفقد شيء من شجاعته أو احترامه لنفسه

مشكورة غاليتي على الطرح يستحق النقاش بالفعل

بانتظار التفاعل وآراء البقية وخاصة الشباب

تحياتي لكِ
 

جاسم1030

كاتب جديد
رد: "الهريبة نص المرجلة"

قصة رجل شجاع:
اقترب الخطر واصبح الموت يحوم حول الارواح فحمل روحه على كفه وقفز من ارتفاع شاهق واذا به قد مزقة قدمه وصار عاجزعن الحركه وذالك تمثل لقول الراحل الفنان عبد الحليم حافظ في رائعته قارئةالفنجان في حياتك يا ولدي امراءة وقد عاش من كسرت رجله فداء للمحبوب ياولدي يا دانيال


انت لن تهرب انت لن تهرب انت الذي كسرت معبد الصمت وجعلت من ذاك الجسد ممرا لكل الاحاسيس المقدسه التي سكنت ذالك القصر العاجي والذي كتب على بابه بحروف من نور دانيال العاشق وقد صطرت ملاحم وقف الزمان عاجزا عن النطق فهنيئا لك يا ولدي ان الالم زائل لكن الحب هو الابقى حين تسمى الروح وتعرج الى ربع منزله من منازل حبك الاعلى نكون فقط وحينها فقط في اول درب الحب........ فسلام على دانيال الرمزالذي صطر الحب باحرف من نور ......... تلك قصة الولهان دانيال التي تغنى بها قيس ليلى وعنتر عبلى .......... فذالك النجم الذي يترائى والقمر هو بالتاكيد الــقــــلب النقي قلب دانيال الذي يستحق من كل العاشقين ان يبنو له تمثال في قلب منارة .....سوريا ......
التوقيع: صديق دانيال ... كســــار
 

GARDENIA

كاتب جيد جدا
رد: "الهريبة نص المرجلة"

هذه المقولة تنطبق حسب الموقف
مثلا ليس من المعقول أن نهرب من بيتنا لأن حرامي أقتحم المنزل أكيد ليست مرجلة
مثلما سبق المواجهة حسب الموقف
غاليتي موضوعك نقاشه يطول فشكرا لك
 
أعلى