كبيرة الدني وبتساع...

محاكم

لآ يُـمـيزنيِّ لَـقَـبْ
الشاعر المرمرتي الصديق : طلال عين الشايبة

"كبيره الدني وبتساع"​



كبيره الدّني وبتساع
وخيراتها بتكفي
لتاني دني وشوي
وبترولها
من هون للمريخ بيدفّي
وبحورها بتطوْف
خير ومَي
كبيره الدني وزهورها
بتعطي ولا بتمنّي
كبيره الدني وطيورها
للحب بتغنّي
وفيها شمس
ومطرح ما بدك فيْ


كبيره الدني وبتساع
وخيراتها بتكفي
لتاني أرض وشويْ
ومرات مابتساع خَيْ وخَيْ


كبيره الدني
وفيها بشر بتخَجّـل الحيتان
الحيتان يمكن يشبعوا
بتخجّـل الصوان
يمكن حجاروا يدمعوا
لو فكّـر الإنسان
من الكون شو آخِد معو
من بحورها... حبة ملح
ولاّ شي نقطه ميْ


كبيره الدني...
صواريخها حلّوا مَحَـلّ الوَرد
بارودها غطى عا أحلى نهد
جرّارها خربَـط جمال الجرد
جَـذّارها سكّتْ نغَم حسّون
حكّامها خلو الشعب مَديون
لقمة غني بيسكرتو
بتشبّع المليون
يلعن هواكي يا دني
البيضرّ صار السوسني
فاسد طغى وملعون
لو وفروا بالدول هالعظمى
مصروف لنّو مؤتمر
لو وفروا مصروف
شحنة سفينه عالقمر
لو وفروا ملفوف
شبعت ما أكليتو البقر
لو وفروا مْدافع
لو وفروا صواريخ
لو وفروا رحلات عالمريخ
لو وفروا التاريخ
ما كان طفل بهالدني بيجوع
ولا كان بي بهالدني بيدمع

....

باسم العداله
دَبّـحوا شعوب الأرض
باسم العداله
سيّجوا الدنيا ببغض
ونصّبوا أزلامهم حكّـام
حكّـام عالدنيا
بطول وعَرض
مبارح على فيتنام
وبعدا على كوبا
سيف الغدر ما نام
مسلّط على شعوبا
مبارح على فيتنام
وبعدا عا كوريا
وبكرى على أحلام أطفال سوريه
وما لحق شافيز قام
صواتوا يودييا
تا قيّـموا الماقام
وزرعوا الدني ألغام
إصحى يا شعب الشام
ومن العراق فهام
شو قصد أمريكا

من أروع أروع القصائد...


مع تمنياتي لك صديقي بدوام الصحة​


محاكم....
 

عربي بلا حدود

كاتب جديد
رد: كبيرة الدني وبتساع...

كبيره الدني وبتساع
وخيراتها بتكفي
لتاني أرض وشويْ
ومرات مابتساع خَيْ وخَيْ



محاكم .. ابدعت في النقل ... وأبدع طلال عين الشايبة في القصيدة

قصيدة لها أبعاد سياسية وإنسانية وحب ومعاناة ...

نص يستحق القراءة عدة مرات

شكراً لك يا محاكم.. وتقبل مروري المتواضع
 

محاكم

لآ يُـمـيزنيِّ لَـقَـبْ
رد: كبيرة الدني وبتساع...

عربي بلا حدود: شكراً لتكرمك بالرد

لك من فائق الاحترام


محاكم...
 

آنفآس آلمطر

كبار الشخصيات
رد: كبيرة الدني وبتساع...

[align=center][table1="width:95%;"][cell="filter:;"][align=center]
سلمت الايادي للنقل الجميل


واشكر ذائقتك الرائعة ..

شعر رائع ..

راق لي ..

كن بخير ..
[/align]
[/cell][/table1][/align]
 

خيوط الشمس

كبار الشخصيات
رد: كبيرة الدني وبتساع...

[align=center]

يسلمو كلماات رائعه جدا
راقت لي كثيرا
ربي مايحرمنا إبداعاتك ومشاركاتك
وفي انتظار المزيد من اطروحاتك

تحياتي لك
[/align]​
 

حمامة بيضاء

كاتب جيد
رد: كبيرة الدني وبتساع...

موفق بإذن الله ... لك مني أجمل تحية .
890-wonderful-AbeerMahmoud.gif
 

سلسبيلة

كاتب جيد جدا
رد: كبيرة الدني وبتساع...

اهلا محاكم
منور بطلتك

كلمات صديقك تحكي عن نفسها
لاتحتاج لتعليق

شكرا على مشاركتنا في الاستمتاع بقراءتها
دمت بخير اخي
 

همسة القلوب

نسمة الروح
رد: كبيرة الدني وبتساع...

سلمت الايادي للنقل الجميل
شعـــر رااائــع

مشكور أخي
تقبل مروري
 
أعلى