هل تتزوج فتاة كنت على علاقة بها ؟ سؤال للنقاش

ملكة الرومنسية

كاتب جديد


ضعوا ما بين اياديكم , هذا الموضوع , النقاش المفيد .. هل تتزوج وحدة كنت على علاقة .. والصبايا رايكم ووجهة نظركم مطلوبة كمان..

هل تتزوج بنت تعرفت عليها عن طريق التلفون او الانترنت ؟

وهذه قصة حدثت

بدنا رايكم فيها..

محادثه هاتفية بين حسام واخته رنين..

نبدأ بالمحادثة

الووو مرحبا رنين انا حسام..

رنين : اهلين حسام ...

حسام : عندي موضوع بدي احكي معك فيه بخصوص بنت..

شو رأيك في (فلانة) الي انا على علاقة فيها , وهي بدها نرتبط..

رنين : البنت محترمة وما عملت اي غلط..
رنين : وليش متردد انك تخطبها؟

حسام : لانها قبلت تحكي معي بالتلفون..

رنين : بس انت قلت لي انها محترمة وانك تعمقت معها وانك بتحبها؟

حسام : صحيح وهي محترمة جدا لكن !!

رنين : لكن ايش يا حسام ؟

حسام : اكيد الي قبلت تحكي معي حكت مع غيري...

رنين : مش شرط يا حسام !!

حسام : لأ شرط ونص يا رنين..

رنين : بس انت يا حسام بتحكي معها من فترة طويلة ولما اجاك وقت الجد وقلنا يا زواج صار بدك تتهرب؟

حسام : صح لكن .... عندي مبدأ في الحياة وهو " الي بتحكي معي بتحكي مع غيري وبتخون"..

ويستمر الحديث الذي لا ينتهي



بتمنى انو الكل يجاوب


 
المواضيع المتشابهة

RETARETA

كاتب جيد جدا
رد: هل تتزوج فتاة كنت على علاقة بها ؟ سؤال للنقاش

بشو بدنا نجاوب ؟؟؟؟؟؟
خلي الشباب هنن يحكوا ويجاوبوا
مشكورة للطرح غاليتي
 

ابو شيماء

سيف الحق
رد: هل تتزوج فتاة كنت على علاقة بها ؟ سؤال للنقاش

سؤال راح يختلف فيه كثير ناس
وارى إنه لا يمكن تعميم الكلام
والصحيح في ذلك حسب رأئي
تكون على نوع العلاقه ونوع الحكي
نستطيع ان نحكم من خلاله
ولكل مقام مقال
وقلب المؤمن دليله
اشكر لك اختي
 

ابتسامة طفلة

كاتب محترف
رد: هل تتزوج فتاة كنت على علاقة بها ؟ سؤال للنقاش

شـكــ وبارك الله فيك ـــرا لك ... لك مني أجمل تحية .
 

عاشقة لبنان

كاتب جديد
رد: هل تتزوج فتاة كنت على علاقة بها ؟ سؤال للنقاش

لا طبعا مو ضروري إلي حكت مع واحد تكون حكت او بتحكي مع غيرو
هاد الكلام كلو غلط بالنسبه إلي..بس أكيد ما بيخلى الأمر إن يكون في بنات بحبو يتسلو او يلعبو بمشاعر الآخرين
وكمان ما بيخلى الأمر من وجود شباب متل هيك وهدول الله بيبعتلن ناس متلن لان الطيبين للطيبات والخبيثين للخبيثات

شكرا كتير على الموضوع الحلو:wub:
 

رومنسي حنون

كاتب جيد
رد: هل تتزوج فتاة كنت على علاقة بها ؟ سؤال للنقاش

بصراااحة


البنات مو كلهم زي بعض



بس اذ كنت احبه حب صادق راح اتزوجه


والحب نهايته الزواج بس والله بعض الشباب يلعبو على البنات


بس تسلية واذ جاء وقت الجد هرب وتركها راح لوحدة ثانية




يعطيك العافية


على الطرح الرائع


دمتي
 

)»乂 םבםב 乂«(

صديق الروح
رد: هل تتزوج فتاة كنت على علاقة بها ؟ سؤال للنقاش

هاي حجة المفلس اللي ما عنده حجة ..

يا عمي إنت ليش عرفتها من الأساس ؟؟

شو نيتك كانت لما عرفتها ؟؟؟

دامك بتحكي أنه البنت منيحة و بنت حلال ليش هلأ عم تتهرب ؟؟؟

عشان حكت معك لازم تكون حكت مع غيرك !!؟؟

مش قاعدة يا عمي .. يمكن فيك شي مميز خلا البنت تميل لطرفك أكتر من غيرك و مجرد إنك أقبلت للتعرف عليها هي لقتها فرصة العمر اللي ما بدها تضيعها .. هاد ما بيعني إنها كل ما شافت شب استلطفته أو عرفته أو ممكن تعرفه !!

بعدين إذا الشب حب البنت فعلاً ممكن ما يخليها تشوف شباب بالدنيا غيره .. بكون هو الرجل الوحيد بحياتها ..

هاد كله بيرجع لطريقة معاملته معها و لأسلوبه بالحكي معها ..

بس طبعاً أنا عن نفسي إذا حبيت بنت لازم تكون من نصيبي بإذن الله و رح أعمل المستحيل للإرتباط فيها ..

أروح أتعرف على بنات الناس و أحكي إني بحب و أعلق البنت فيني و بعدين أحكيلها ما في نصيب !!! مش نذالة هاي والله أحقر من أدنى من مستوى النذالة !!

يسلموا خيتوو على الموضوع الحلو ..

تقبلي مروري مع احترامي و تقديري ..

لكِ مني أجمل تحية ,,,
 

مواضيع مماثلة

أعلى