زهرة الحياه
كاتب محترف
اولا انت مش راجل بعد ماهربت بعيد جاي تعمل فيها مناظل بالباطل.
ازاي عايز تخطط لمستقبل شعب كامل لو مشروع حياتك الوحيد اللي انت عملته فاشل.
محمد رمضان
كلمات اغنية هما عايزنها فوضى
تعرف ايه
تعرف ايه انت عن الشارع واللي بيحصل فيه عن الطفل اللي من صغره بيصرف على البيت.
تعرف ايه عن الغلبان اللي بيعرق لاجل الجنيه اكيد مسمعتش صوت الشعب وانت جوه الكباريه.
تعرف ايه عن الاصول وحق الملح والعيش على الامان اللي سببه الشرطة والجيش.
اللي ملوش كبير بيشتري ده اللي اتربينا عليه وده بينفي انتماء الشارع اللي بتدعيه.
طب افترضنا ان كلامك دا بجد لما نعض في بعض ازاي ده هيجيبلك حقك.
استنى انت بتقول انك مقاول فطبيعي مش هتلاقي فرصة شغل غير لما الدنيا تتهد.
البينة على من ادعى لو اتفرقنا مين وراك هيبقى ليه منفعة.
ابليس واخوانه عايزنها مولعة مصر جنة بيهابوها عشان اهلها متجمعة.
هما عايزنها فوضى
هما عايزينها فوضى fawda.
مهما هيعلوا صوتهم لسة صوت الحق اوضح.
عدا علينا كتير منكم على مر الازمان.
احنا مقبرة غزاة انتم مجرد هواة الخسيس الجبان ملوش وسطنا مكان.
هفكركم لو نسيتوا بلد الامن والامان اللي اتذكرت في القران وبتعلى كل يوم بولادها.
اللي منهم على الحدود واللي بيذاكر المنهج الفلاح والصنايعي والظابط والام في بيتها.
مش اللي قرر انه يبيعها ويهرب منها بعيد ويسيبها.
هما عايزنها متدمرة
الراجل اللي بجد لو ليه حق مش هيسيبه لو هرب اخر الدنيا لازم يرجع ويجيبه.
عذرا على التشبيه بالنسبالنا التخريف زي اي فيديو ليك مفيش عاقل عايز يعيده.
هما عايزينها متدمرة بالنسبالنا وطن بالنسبالهم مستعمرة.
بالعدل والسلام هنتحرك لقدام مستحيل نرجع خطوة تاني لورا.
