عطر الجنه
كاتب محترف
ليش #نابلس #رمضان فيها غير
يا اخي بتصلي العصر في جامع النصر او الحنبلي أو الأنبياء
بتقرأ جزء قرآن
... بتتمددلك شوي بعديها بنتزل ع ( حارة الياسمينة) و ( السوق الشرقي) ,,,
بتلاقي كل اهل نابلس ونازلين يكزدروا
... بتشوف ناس صارلك قرن من الزمن مش شايفهم
.. اللي شاري اغراض والعرق بزرب من ضهره وما مصدق يوصل الدار يشلح ويتفرهد...
واللي ماشي الحيط الحيط وبقول يا رب الستيرة وما بده حد يشوفه
( مش خوف... بس حتى لا تعلم يساره ما أنفقت يمناه )
الله يكثرهم ويكثر من أمثالهم....
وبتلاقي اللي نازل يضيع وقت وفارد عضلاته وماشي عرضين بطول ( هاد بالزات بتعرف انه مقلعط مرته وطحته من الدار وحلفت عليه طلاق ما يرجع عالدار غير لما يأدن المغرب)...
وبتشوف اللي ساحب وراه ولاده ونازل يكزدر فيهم ( هاد برده مطحي
)...
بتشوف ناس بتتمنى زوالهم من المجتمع وما يضل منهم ولا واحد ( الفقراء والمساكين ربنا يكون معهم ويفرجها على كل عباده من واسع رزقه )....
بتشوف ابن الغني وابن الفقير والكبير والصغير
وانت ماشي رايح تشم كل انواع الطبيخ اللي في الدنيا
... ولإنه أنف الصائم لا يخطئ وبتعرف كل دار شو طابخين
ام العبد طابخة مقلوبة... ام زهير طابخة محاشي... ام بلال طابخة ملوخية.. ويا حبيبي على ام مهدي طابخة عكوب عأدامه لإنه فش ريحة لبن مسنون
بتكمل بتلاقي خيرات الله من كل شكل وطعم ونوع ولون والهتاف الموحد:
<<< الله وليّك يا صاييييييم >>>
بنبلش...
زاوية المخللات: خيار.. فقوس... وبيتنجان.. وزهرة صفرة وحمرة ... لوز... جزر... فليفلة محشية حمرة وخضرة ..مكدوس.. مخلل حصرم ( رح يمر معنا كمان مرة بزاوية العصائر ) .. مخلل قشر بطيخ... مخلل لفت اصفر واحمر.
زاوية الحلويات: القطايف بانواعه ( عادي وسط لارج إكس لارج واقطايف الميني ((( بدون ذكر أسماء ))).
العوامة .. أصابع زينب... الفطائر بالجبنة والقشطة وربات بالقشطة خدود الست زنود الست
زاوية العصائر والمشروبات البريئة : تمر هندي .. خروب .. سوس .. عصير لوز.. ليمون ... عصير رمان ... عصير مناجا .. عصير قصب... عصير عنب .. عصير حصرم ( بتتزكروا كان مخلل قبل شوي؟ )... عصير جزر ... وكله بحلف أيمان وطلاقات انه طبيعي
ومش رح تكون نابلسي ازا صحن الحمص مش على رأس قائمة الفطور اليومية... وخود تشهون .. حمص بالجوز .. حمص بالبندق .. حمص بالنعنع.. حمص بالمكسرات... ولازم يكون الصحن مزركش بكل أنواع المخللات (( كأنه وش وحدة رايحة على حفلة عرس )) ..
مخلل لفت ومخلل خيار واكم شرحة بندورة ورشة بقدونس وشوية كمون.. وليش حمص رمضان بحطوش عليه زيت ما حدا بعرف.
ما علينا ببلش المؤذن يقرأ قرآن ... والله لا يورجيكم... الكل بصير يركض.. ولك يا ابن الحلال ما انت من ساعة كنت تتصرمح !!! هلقيت استعجلت؟؟..
طبعا الكل بتزكر يشتري الخبز المسمسم ( بسمسم) وخبز بقزحة وخبز رخو ( زي اللي حامله )
ويا كسرة خاطري عالفلافل بتزكروا الفلافل قبل الأدان بنص ثانية عشان يوصل سخن ويا عيني على التشهون كمان.. فلافل محشي بصل .. فلافل محشي لحمة .. فلافل محشي شطة ... فلافل محشي جوز .. وبجوز السنة يحشوه حلقوم .
طبعا باهلنص ساعة السرفيس بقدرة قادر بختفي من البلد.. ونيال اهلك ازا حصلت تكسي طلب.. لإنهم الشفيرية ما برضوا ياخدوا طلبات بعيدة عشان يلحق يرجع عالدوار ياخد كمان اكم طلب.
يا اخي بتصلي العصر في جامع النصر او الحنبلي أو الأنبياء
بتقرأ جزء قرآن
... بتتمددلك شوي بعديها بنتزل ع ( حارة الياسمينة) و ( السوق الشرقي) ,,,
بتلاقي كل اهل نابلس ونازلين يكزدروا
... بتشوف ناس صارلك قرن من الزمن مش شايفهم
.. اللي شاري اغراض والعرق بزرب من ضهره وما مصدق يوصل الدار يشلح ويتفرهد...
واللي ماشي الحيط الحيط وبقول يا رب الستيرة وما بده حد يشوفه
( مش خوف... بس حتى لا تعلم يساره ما أنفقت يمناه )
الله يكثرهم ويكثر من أمثالهم....
وبتلاقي اللي نازل يضيع وقت وفارد عضلاته وماشي عرضين بطول ( هاد بالزات بتعرف انه مقلعط مرته وطحته من الدار وحلفت عليه طلاق ما يرجع عالدار غير لما يأدن المغرب)...
وبتشوف اللي ساحب وراه ولاده ونازل يكزدر فيهم ( هاد برده مطحي
)...
بتشوف ناس بتتمنى زوالهم من المجتمع وما يضل منهم ولا واحد ( الفقراء والمساكين ربنا يكون معهم ويفرجها على كل عباده من واسع رزقه )....
بتشوف ابن الغني وابن الفقير والكبير والصغير
وانت ماشي رايح تشم كل انواع الطبيخ اللي في الدنيا
... ولإنه أنف الصائم لا يخطئ وبتعرف كل دار شو طابخين
ام العبد طابخة مقلوبة... ام زهير طابخة محاشي... ام بلال طابخة ملوخية.. ويا حبيبي على ام مهدي طابخة عكوب عأدامه لإنه فش ريحة لبن مسنون
بتكمل بتلاقي خيرات الله من كل شكل وطعم ونوع ولون والهتاف الموحد:
<<< الله وليّك يا صاييييييم >>>
بنبلش...
زاوية المخللات: خيار.. فقوس... وبيتنجان.. وزهرة صفرة وحمرة ... لوز... جزر... فليفلة محشية حمرة وخضرة ..مكدوس.. مخلل حصرم ( رح يمر معنا كمان مرة بزاوية العصائر ) .. مخلل قشر بطيخ... مخلل لفت اصفر واحمر.
زاوية الحلويات
: القطايف بانواعه ( عادي وسط لارج إكس لارج واقطايف الميني ((( بدون ذكر أسماء ))).العوامة .. أصابع زينب... الفطائر بالجبنة والقشطة وربات بالقشطة خدود الست زنود الست
زاوية العصائر والمشروبات البريئة : تمر هندي .. خروب .. سوس .. عصير لوز.. ليمون ... عصير رمان ... عصير مناجا .. عصير قصب... عصير عنب .. عصير حصرم ( بتتزكروا كان مخلل قبل شوي؟ )... عصير جزر ... وكله بحلف أيمان وطلاقات انه طبيعي
ومش رح تكون نابلسي ازا صحن الحمص مش على رأس قائمة الفطور اليومية... وخود تشهون .. حمص بالجوز .. حمص بالبندق .. حمص بالنعنع.. حمص بالمكسرات... ولازم يكون الصحن مزركش بكل أنواع المخللات (( كأنه وش وحدة رايحة على حفلة عرس )) ..
مخلل لفت ومخلل خيار واكم شرحة بندورة ورشة بقدونس وشوية كمون.. وليش حمص رمضان بحطوش عليه زيت ما حدا بعرف.
ما علينا ببلش المؤذن يقرأ قرآن ... والله لا يورجيكم... الكل بصير يركض.. ولك يا ابن الحلال ما انت من ساعة كنت تتصرمح !!! هلقيت استعجلت؟؟..
طبعا الكل بتزكر يشتري الخبز المسمسم ( بسمسم) وخبز بقزحة وخبز رخو ( زي اللي حامله )
ويا كسرة خاطري عالفلافل بتزكروا الفلافل قبل الأدان بنص ثانية عشان يوصل سخن ويا عيني على التشهون كمان.. فلافل محشي بصل .. فلافل محشي لحمة .. فلافل محشي شطة ... فلافل محشي جوز .. وبجوز السنة يحشوه حلقوم .
طبعا باهلنص ساعة السرفيس بقدرة قادر بختفي من البلد.. ونيال اهلك ازا حصلت تكسي طلب.. لإنهم الشفيرية ما برضوا ياخدوا طلبات بعيدة عشان يلحق يرجع عالدوار ياخد كمان اكم طلب.
