حتى تبنى علاقة قوية مع زوجك

جودي ومودي

Well-known member
لو عايز تبني علاقة قوية بينك وبين زوجتك .. وتعدي لك اخطاء كبيرة في حياتك .. يبقي هات ورقة وقلم واكتب ورايا
لو عندها حالة وفاة لحد قريب منها وعزيز عليها .. احتويها وطبطب عليها .. وامسح دموعها .. واضحك معاها ..
سيبها تاخد وقتها في الحزن وخليك جنبها ..
الست في الفترة دي بتبقي مكسورة قوي ومحتاجه حد يسندها ويقوي ضهرها
لو تعبت ومرضت .. اهتم بيها .. وهات علاجها وروح معاها للدكاترة .. اهتم بصحتها ..
متحاسبهاش علي اي تقصير في البيت او الولاد .. ركز علي انها تتعافي اكتر من تركيزك علي اي لخبطه تحصل في حياتكم ..
ادخل عليها بالحاجه اللي بتحبها .. حتي لو شيكولاتايه ..او اكلة بتحبها .. خليك كريم معاها
خلي فيه وقت مخصص ليكم في يومكم .. اتكلم معاها وهزر واضحك واحكي لها واسمع منها
الوقت ده مهم جداااا لانه بيربطها بيك.. ويومها بيخرب لو اليوم عدي من غيره ..
الوقت ده بيصنع تأثير رهيب جواها ..
احضنها علي قد ماتقدر وطبطب عليها .. وياريت الحضن ده ميكونش وراه علاقه خاصة ‍♀️
حسّسها بالامان وانها عندك بالدنيا .. حتي لو ضايقتها بالكلام عن الزواج الثاني او الكلام السخيف اللي الرجاله حافظينه ..
الحق نفسك بعدها وقولها ده هزار ومليش بركه الا انتي ..
متسمحش لحد يتطاول عليها .. وحافظ علي كرامتها ..ودافع عنها .. لانها وجهك التاني قدام الناس
متزدش في الخصومة .. لو حصل خلاف متسبهاش تتفلق من البكاء .. وقصّر اوقات الخلاف
عامل اهلها كويس .. واتكلم عليهم كويس ..
ومتمنعهاش من اصحابها .. واحترم هواياتها وادعمها ..
اجبر خاطرها بكلام حلووو .. كل الستات بلا استثناء مهم جداااا بالنسبة لهم الكلام الحلو .. والمدح والتقدير
مش هتخسر حاجه لو قولتلها تسلم ايدك .. وحشتيني .. بحبك .. انتي احلي قدر في حياتي .............
اكسب زوجتك هتكسب كل حاجه حياتك وولادك وبيتك .. ❤
لان نفسيتها الحلوه هتنعكس علي معاملتها ليك ومعاملتها لولادك .. وهتبدع في اسعادك​
 

bobkis

Well-known member
يا جودي ومودي كل الشكر والامتنان على روعهـ بوحـكـ
..
وروعهـ مانــثرت .. وجماليهـ طرحك
 

مواضيع مماثلة

أعلى