صاير ذيب صاير حجر
وين الإنسان الي بدمك
تبيع أبوك وتخون أمك
وتذبح أخوك وأثار الدم على كمك
تربى بحضن حنون وتخون
قاسي يا هالإنسان
وينك من قاموس الإنسانية تكون
تحط ايدينك بايدين الغريب
وتاخذه صاحب وحبيب
وهو بظهرك ذيب
صاير انت حجر والف آه يا بشر
بمبدأ التجارة ترسم اخلاصك
وتدوس على اهلك وأعز ناسك
وحاسوب مركب براسك
وأسلاكه مظفرة بإحساسك
والحصيدة ضجر وينك انت يا بشر...
كيف تهون عليك دمعة طفل
وكيف يهون عليك القتل
والمنفعة للغريب
وانت داري أمرك عجيب
لا..موانت الإنسان لبست ثوب مش ثوبك
وتعيش بقلب ماهو بقلبك
هانت عليك نفسك وهان اسمك
وصارت رخيصة دمعة امك
تجارة خسرانة والمكسب كفن
وتراب هيهات يرضى فيه انك تندفن
معادلة اخترتها بايدينك
وما انت راضي تصحى
اصحى لو باقي من الإنسان جواك
قبل ما تصحيك سكرة الموت
وروحك تفارقك وتجفاك
وينك انت يابشر
