[ad_1]
“قلبي على ولدي انفطر وقلب ولدي عليا حجر”، مثل شعبي مصري استخدمه الطبيب أشرف صبري لتلخيص أزمته مع ابنته الفنانة ياسمين صبري وشقيقتها نرمين، بعدما رفضن حضور حفل زفاف شقيقهن الوحيد بلال على عروسه أريج الذي أقيم بالأمس على متن باخرة نيلية في القاهرة، بينما تواجدت ياسمين في مهرجان الجونة.
الطبيب أشرف صبري نشر عبر حسابه الشخصي بموقع الفيس بوك ألبوم صور يعكس فرحته بزفاف ابنه بلال على عروسه أريج بحضور الفنانة نهال عنبر فقط، وعلق على الصور قائلا: احلي حاجة في الدنيا لما اب يحس انه عمل واجبه ناحية أولاده ومهما كانت النتائج بعد كده فسعادة الاب انه ما قصرش مع حد فيهم بتخليه مرتاح حتى لو اللي عملته مش عاجب أولاده.
تابع قائلا: مهما تعمل كأب مش كفاية واللي اتمناه ان ولادهم يعملوهم نفس المعاملة بعد تعبهم معاهم، فعلا أمثلة مصرية دقيقة قلبي على ولدي انفطر وقلب ولدي علي حجر، مبروك لبلال وأريج.
وسبق أن كشف والد ياسمين صبري عن أزمة عائلية ستحول بين حضور ياسمين وشقيقتها ووالدتهن، حفل زفاف شقيقهن الوحيد بلال، وألمح أشرف صبري لوجود تغيير في نفوس الأشقاء بسبب “الفلوس”.
أشرف صبري أكد عبر حسابه بموقع الفيس بوك أن حفل الزفاف سيقام بموعده المقرر، ولكنه مهد لغياب ياسمين وشقيقتها نرمين قائلا: فرح ابني بكره ربنا رزقه باجمل عروسة، اما ان امه واخواته الاشقاء رفضوا حتى يباركوله فربنا رزقه بام تانية عملت كل حاجة واخوات تانيين لم تغريهم الاموال ولا طيارات وكدب وخداع أصبح لابني اخوات جدد وام جديدة حفظه الله من شياطين.
أشرف أضاف منشورا تضمن صورة لابنه بلال وهو يقبل رأس زوجة والده وعلق قائلا: حبيبي ربنا بيدي ام ما خلفتش وبيدي اخوات احن من اخواتك وربنا يخلي ايامك كلها سعادة يا ابني وحب ولا وجود في حياتنا لناس ليس لهم قيمة في حياتنا فملأت قلوبهم حقد وكره فقط لان معاهم فلوس فعلا الفلوس بتغير النفوس.
بنفس الوقت أكد العريس بلال صبري غياب شقيقتيه ووالدته عن حفل الزفاف، ووجه الشكر لزوجة والده قائلا: الف شكر وحب وتقدير لأحن انسانة علي “كارمن” انتي امي واهلي واخواتي عوضتيني عنهم وشرفتيني مع ابويا ربنا يخليكو ليا.
ورد على المنشور متابعة تدعى فرح لتعاتب بلال على انتقاده علنا لوالدته وشقيقتيه، وذكرته بتورطه سابقا في إهانة ياسمين وقت عقد قرانها على أحمد أبو هشيمة، وقالت: انت يا استاذ بلال كنت فين ساعة ما الوالد الكريم كتب عن اختك الي من لحمك و دمك انكم اتبريتوا منها و خليتوا مصر كلها تشمت فيها ؟ كنت فين و انتم بتخوضوا في شرفها قدام مصر كلها ؟ كُنتُم فين من كل ده ؟ دلوقتي بقوا هما الشياطين ؟ بتتكلموا عن الفلوس ؟ فلوس ايه و انت اكتر حد عارف ان اخواتك شبعانين من زمان مَش جايين يتغيروا دلوقتي. عيب. عيب. عيب. دي مَش رجولة ولا شهامة المرة الاولى بتتكلموا في عرض اختكم و المرة دي بتتكلم على امك و اخواتك ده لو حتى عملوا ايه مايصحش تقول كده. امشي ورا مشي ابوك الي ساعة الي حصل في المرة الاولى طلع يعتذر و يقول انه مَش هو الي كتب هل دلوقتي برده هيعمل نفس الشئ. عيب فعلا !!
لمشاهدة أجمل صور المشاهير زوروا “انستغرام سيدتي”
ويمكنكم متابعة آخر أخبار النجوم عبر تويتر “سيدتي فن”